Chroniques de J. Froissart, tome 07/13 : $b 1367-1370 (Depuis l'expédition du Prince de Galles en Espagne jusqu'à la nomination de B. Du Guesclin à la charge de Connétable de France)

§ 617. Vous avés chi en devant bien oy parler et

recorder dou grant pourcach que li rois d’Engleterre

10fist et mist par l’espasse de cinq ans et plus, pour

avoir la fille le conte de Flandres en mariage pour

son fil monsigneur Aymon, conte de Cantbruge. Les

devises et les ordenances en seroient trop longes à

demener: si m’en passerai briefment. Et saciés que

15onques li rois d’Engleterre ne peut tant esploitier,

par quelque voie ne moiien que ce fust, que li papes

Urbains V^es les volsist dispenser. Si demora chilz mariages

à faire. Li contes de Flandres, qui estoit priiés

d’autre part dou roy de France pour son frère le

20duch de Bourgongne, quant il vei que cilz mariages

ne se passeroit nient en Engleterre, et que sa fille

demoroit à marier et si n’avoit plus d’enfans, entendi,

par le promovement de madame sa mère la

contesse d’Artois, au jone duch de Bourgongne, car

25c’estoit uns grans mariages et haulz et bien paraus à

lui. Si envoia grans messages en Engleterre, pour

trettier au dit roy quittances.

Cil esploitièrent si bien que li rois d’Engleterre, qui

ne voloit que toute loyauté, quitta le conte de Flandres

30de toutes couvenences; et retournèrent li message

à Bruges, et recordèrent au conte leur signeur comment

[130] il avoient esploitié. De cel esploit fu li contes

tous liés. Depuis ne demora gaires de temps que cilz

mariages se fist, de Flandre et de Bourgongne, parmi

grans trettiés et consaulz, couvenences et alliances des

5uns as aultres. Et me fu adonc dit que li contes, pour

ce mariage laissier passer, rechut grant pourfit, plus

de cent mil frans, et demorèrent encores à lui le ville

de Lille et ceste de Douay, en carge de grant argent

que li rois donnoit à son frère en mariage et au conte

10de Flandres, qui prist le saisine et possession des

dessus dittes villes et y mist ses gens. Et furent ces

villes attribuées à Flandres, par cause de wage, je

n’en sçai plus avant.

Tantost apriès ceste ordenance, on proceda ou mariage

15qui se fist et confrema en le bonne ville de

Gand. Et là eut grans festes et grans solennités, au

jour des noces, devant et apriès, et grant fuison de

signeurs, barons et chevaliers. Et par especial li

gentilz sires de Couci y fu, qui bien affreoit en une

20feste, et mieulz le savoit faire que nulz aultres, car li

rois de France l’i envoia. Si furent ces noces bien et

grandement festées et joustées, et en apriès cescuns

s’en retourna en son pays.

Li rois d’Engleterre, qui veoit que li contes de

25Flandres, par le cause de ce mariage, estoit alloiiés

en France, ne savoit que supposer se li contes de

Flandres feroit partie contre li, avoech le duch de

Bourgongne son fil, qui par succession devoit estre

ses hoirs de le conté de Flandres, ne quelz couvenences

30il avoit entre le dit conte et le roy de France.

Si se tint li rois d’Engleterre un petit plus frans et

plus fors contre les Flamens, et leur moustra grignes

[131] et fist moustrer par ses gens, sus mer et ailleurs en

son pays, ensi que on les y trouvoit et que il venoient

en marchandise. De ce n’estoit mies li rois de France

coureciés, car il euist volentiers veu que la guerre

5fust ouverte entre les Flamens et les Englès, mès li

sage homme de Flandres et li riche bourgois des

bonnes villes n’en avoient nulle volenté; et soustenoient

toutdis plus les communautés de Flandres la

querelle et oppinion dou roy d’Engleterre à estre

10juste et bonne que ceste dou roy de France.

§ 618. Li rois Edowars d’Engleterre, qui acqueroit

amis de tous lés, et bien li besongnoit selonch les

grans guerres et rebellions de pays qui li apparoient,

senti et entendi que li rois Charles de Navare ses cousins,

15qui se tenoit en le Basse Normendie, seroit assés

tost de son acord, car il estoit en grignes et en

hayne contre le roy de France, pour aucunes terres

qui estoient en debat, que li dis rois de Navare

reclamoit de son hiretage, et li rois de France li deveoit.

20Si en avoient esté leurs gens et leurs consaulz

pluiseurs fois ensamble, mais il n’i avoient pout trouver

moiien ne acord. Si estoit la cose demorée en ce

parti, que cescuns se tenoit sus sa garde. Et avoit li

dis rois de Navare fait grossement et bien pourveir

25ses villes et ses castiaus, en Constentin et en le conté

d’Evrues, sus les bendes de Normendie, et se tenoit

à Chierebourch, et partout ses garnisons gens

d’armes.

A ce donc estoit dalés lui messires Eustasses d’Aubrecicourt,

30mestres et gouvrenères d’une ville oultre

les Gués Saint Clement, ou clos de Constentin, qui se

[132] tenoit pour le roy de Navare, car c’estoit de son hiretage,

et ceste ville appelle on Quarenten; et estoit

li dis messires Eustasses li plus especiaus de tout son

conseil: siques li rois d’Engleterre envoia devers lui,

5car il estoit ossi ses homs et ses chevaliers, pour savoir

l’intention dou roy de Navare. On le trouva tel,

et si bien esploita li dis messires Eustasses, que li rois

de Navare, à privée mesnie, entra en un vaissiel que

on appelle un lin, et vint en Engleterre parler au dit

10roy qui li fist grant chière et bonne. Et eurent là ensamble

grans parlemens et lons, et furent si bien d’acort

que li rois de Navare, lui retourné à Chierebourch,

devoit deffiier le roy de France, et recueillier et mettre

par tout ses chastiaus les Englès.

15Apriès ces alliances et confederations entre ces

deux rois faites et confremées, li rois de Navare retourna

arrière en Normendie en le ville de Chierebourch,

et le raconduisirent chevalier et escuier de

l’ostel dou roy d’Engleterre et de madame la royne,

20asquelz à leur retour il chei moult mal, car il encontrèrent

nefs normandes et escumeurs de mer, qui

tantost les envaïrent et assallirent fierement et qui

furent plus fort d’yaus. Si conquisent li dit Normant

les Englès et les misent tout à bort: onques

25homme il n’i prisent à merci. Ensi ala de ceste aventure,

de quoi li rois d’Engleterre fu moult courouciés,

quant il le sceut, mès amender ne le peut tant c’à

ceste fois.

Assés tost apriès la revenue dou roy de Navare qui

30estoit retournés à Chierebourch, messires Eustasses

d’Aubrecicourt, qui avoit estet mandés et priiés dou

prince de Galles et envoiiés querre par messages et

[133] par hiraus, prist congiet dou dit roy de Navare, pour

aler en le princeté servir le prince, liquelz rois li donna

moult envis. Mès li dis messires Eustasses li moustra

tant de raisons, que finablement il se parti et entra

5en mer avoech ce qu’il avoit de gens, et vint ariver à

Saint Malo de l’Ille en Bretagne et là prist terre, et

puis chevauça vers Nantes pour là passer le Loire,

par l’acort dou duc et de chiaus dou pays, qui encores

ne se mouvoient ne de l’un lés ne de l’autre. Si esploita

10tant par ses journées li dis messires Eustasses,

qu’il entra en Poito, et vint en le cité d’Angouloime,

devers le prince, qui le rechut à joie et qui assés tost

apriès l’envoia devers monsigneur Jehan Chandos et

le captal, qui se tenoient à Montalben et faisoient la

15frontière contre les François. Si fu li dis messires

Eustasses li très bien venus entre les signeurs et compagnons,

si tretost qu’il y vint.

§ 619. En ce temps, misent sus li chevalier de Pikardie

une chevaucie de gens d’armes, sus l’intention

20de chevauchier et d’aller veoir chiaus d’Arde, de laquele

furent adonc chief messires Moriaus de Fiennes,

connestables de France, et messires Jehans de

Wercin, seneschaus de Haynau, par le commandement

dou roy de France. Si se assamblèrent en le

25bonne ville de Saint Omer, et estoient bien mil lances,

chevaliers et escuiers. Si vinrent ces gens d’armes

faire leur moustre, par devant le bastide d’Arde,

qui bien estoit garnie et pourveue d’Englès, et se logièrent

par devant et donnèrent à entendre que il

30tenroient là le siège.

Li Englès, qui pour ce temps estoient adonc dedens

[134] Arde, n’en furent noient esbahi, mès se ordonnèrent

et se apparillièrent pour deffendre, se on les

assalloit. Si se armèrent et ordonnèrent un jour li

signeur de France et de Haynau, qui là estoient, et

5se traisent tout sus les camps en moult frice et

noble arroy; et là estoit grans biautés de veoir les

banières de ces signeurs mettre avant et faire lor

moustre. Si assalli on ce jour à petit de pourfit,

car il en y eut des navrés et des blechiés, et se

10n’i conquisent riens. Et me samble, selonch ce que

je fui adonc enfourmés, que au cinquime jour il

se departirent d’Arde sans aultre esploit, et retourna

cescuns en son lieu. Ensi se desrompi ceste

chevaucie.

15§ 620. Nous revenrons as besongnes des lontainnes

marces; si compterons dou siège qui se tenoit devant

Royauville, en Quersin, que li François y avoient

mis et establi, qui estoient plus de douze mil combatans,

parmi les Compagnes, et toutes bonnes gens.

20Et encores, à deux journées priès d’yaus, se tenoient

les gens le duch de Berri, messires Jehans d’Ermignach,

messires Jehans de Villemur, li sires de Biaugeu

et li aultre d’Auvergne et de Bourgongne, qui

bien estoient troi mil combatans, qui tantost fuissent

25trait avant, se il besongnast. Messires Jehans

Chandos et li captaus et messires Guichars d’Angle et

li aultre, qui faisoient frontière à Montalben, savoient

bien le siège des François devant Royauville et quel

nombre de leur costé il estoient sus le pays. Si ne

30trouvoient mies gens assés pour yaus combatre ne lever

le siège, car li contes de Cantbruge et li contes

[135] de Pennebruch, qui seoient devant Bourdille, ne voloient

nullement brisier leur siège.

Or avint ensi que li François, qui avoient devant

Royauville mis leurs mineurs en mine et qui avoient

5grans engiens qui jettoient nuit et jour, constraindirent

si chiaus de Royauville que li dit mineur vinrent

à leur entente et fisent reverser un grant pan

dou mur, par quoi la ville fu prise et tout li Englès,

qui dedens estoient, mort sans prendre à merci, dont

10ce fu damages, car il y avoit de bons escuiers. Chil de

le nation de le ville furent pris à merci, parmi tant

que, de ce jour en avant, il jurèrent à estre bon François

et loyal. Si ordonnèrent cil signeur qui là estoient,

chapitainnes et gens d’armes, pour garder le ville, se

15mestier faisoit, et pour donner avis et conseil dou

remparer. Si se departirent ces gens d’armes, apriès

le conquès de Royauville, sus le pays de Quersin et

de Roerge, pour yaus rafreschir et estre mieuls à leur

aise, et s’en vinrent les Compagnes en le cité de

20Chaours et là environ. Si en furent chapitainne Aymenions

d’Ortige, Perros de Savoie, li Petis Meschins,

Jakes de Bray et Ernaudon de Paus, et destruisoient

tout le pays. Si retournèrent li contes de

Pieregorch, li contes de Laille, li contes de Commignes,

25li viscontes de Quarmaing et li aultre Gascon ens

leurs terres; car messires Hues de Cavrelée, messires

Robers Cheni, messires Robers Brikés, Jehans Cressuelle,

Lamit, Naudon de Bagherant, li bourch Camus,

li bourch de Bretueil, li bourch de Lespare et

30toutes ces gens de Compagnes y faisoient grant guerre,

et avoient mort, ars et destruit le terre le conte

d’Ermignach et ceste dou signeur de Labreth.

[136] En ce temps, avoit un seneschal en Roerge, très

vaillant homme et bon chevalier durement, Englès,

qui s’appelloit messires Thumas de Wettevale, qui

tenoit le ville et le chastiel de la Millau, à une journée

5de Montpellier; et quoique li pays autour de lui

fust tournés françois, si tint il la ditte garnison de

la Millau plus d’an et demi, et une aultre forterèce

en Roerge, que on appelle Vauclère. Et fist, en ce

temps, pluiseurs belles chevaucies et issues honnerables

10sus les François, et des bons conquès. Et jut là

très honnerablement jusques adonc que messires Bertrans

de Claiekin le bouta hors, ensi que vous orés

recorder avant en l’ystore. Et toutdis se tenoit li sièges

devant Bourdille.

15§ 621. Sus les marces de Poito et de Tourainne se

tenoient messires Jehans de Buel, messires Guillaumes

des Bordes, messires Loeis de Saint Juliien et Carenloet,

Breton, à plus de douze cens combatans, qui

imaginoient et estudioient nuit et jour comment il

20peuissent prendre, eskieller et embler villes, chastiaus

et forterèces, en Poito. Dont il avint que il emblèrent

et prisent par eskiellement, de nuit, le chastiel

que on dist le Roce de Ponsoy, à l’entrée de Poito,

seant sus le rivière de Cruese, à deux liewes de le

25Haie en Tourainne, et assés priès de Chastieleraut,

sus ceste meisme rivière. Si en fu durement tous li

pays de Poito effraés, car li François en fisent une

grande garnison et reparèrent, pourveirent et rafreschirent

de vivres et d’artillerie bien et grossement.

30Quant les nouvelles en vinrent au prince, si en fu durement

coureciés, mès amender ne le peut. Si remanda

[137] tantost monsigneur Guichart d’Angle, messire Loeis

de Harcourt, le signeur de Partenay, le signeur de

Puiane et pluiseurs aultres, qui se tenoient à Montalben

dalés monsigneur Jehan Chandos, qu’il revenissent

5apertement, et qu’il les voloit ailleurs envoiier.

Cil dessus dit signeur de Poito, à l’ordenance dou

prince, se partirent de Montalben, et esploitièrent

tant par leurs journées, qu’il vinrent en le cité

d’Angouloime devers le prince, qui tantost les envoia à

10Poitiers, pour garder le cité et faire frontière as François.

Assés nouvellement s’estoit tournés francois uns

grans barons de Poito, li sires de Chauvegni, viscontes

de Bruese, et sa ville ossi, et l’avoit garnie de Bretons

et de gens d’armes, mès point n’estoit en sa

15terre, ains estoit venus en France dalés le roy. De

ceste avenue furent li princes et tout li baron de Poito

moult coureciet.

Si fu soupeçonnés li viscontes de Rocewart; et en

fu enfourmés li princes qu’il se voloit tourner françois.

20Dont il avint que li princes le manda en Angouloime

où il estoit, et li dist se intention. Li viscontes

s’en deffendi et escusa au mieulz qu’il peut, mès pour

ce ne demora mies qu’il ne li couvenist tenir prison

fremée, et demora un grant temps en ce dangier.

25En ce temps, estoit grans seneschaus de Poito messires

James d’Audelée, uns moult sages et vaillans

chevaliers: si mist sus une chevaucie de tous les barons

et chevaliers de Poito. Là estoient messires Guichars

d’Angle, messires Loeis de Harcourt, li sires de

30Pons, li sires de Partenay, li sires de Puiane, messires

Joffrois d’Argenton, messires Mauburni de Linières,

li sires de Tannai Bouton, messires Guillaumes

[138] de Montendre et pluiseur aultre chevalier et escuier

de Poito, et estoient bien douze cens lances, et encores

y estoit messires Bauduins de Fraiville, seneschaus

de Saintonge. Si fisent cil signeur leur assamblée à

5Poitiers, et puis s’en partirent en grant arroy, et

chevaucièrent tant qu’il entrèrent en Berri. Si commencièrent

à ardoir et à exillier le pays et à honnir povres

gens, et y fisent moult de damages, et puis s’en

retournèrent par Tourainne. Et partout où il conversoient,

10li pays estoit contournés en grant tribulation,

ne nulz ne leur aloit au devant, car il estoient

si fort que il tenoient les camps.

Et entrèrent ces gens d’armes en le terre le signeur

de Chauvegni, qui estoit tournés françois; si le ardirent

15et exillièrent toute sans deport, horsmis les forterèces,

et vinrent devant sa mestre ville de Bruese. Si

le assegièrent et le assallirent et fisent assallir un jour

tout entier par leurs gens, mès riens n’i conquisent.

Dont s’alèrent il logier, et disent qu’il ne s’en partiroient

20mies ensi, et que elle estoit à yaus bien prendable.

Si se levèrent au point dou jour, et s’armèrent

et ordonnèrent, et sonnèrent leurs trompètes d’assaut.

Si approcièrent cil Poitevin et cil Englès, et se misent

en ordenance par connestablies, cescuns sires entre

25ses gens et desous se banière. Là eut, par un samedi,

grant assaut et dur et bien continuet, car il y avoit

dedens le ville gens d’armes et compagnons, qui se

deffendoient dou mieulz qu’il pooient, car il savoient

bien que c’estoit sus leurs vies. Si y fisent tamainte

30apertise d’armes.

Li seneschaus de Poito et li seneschaus de Saintonge,

qui estoient en grant volenté et desir de conquerre

[139] la forterèce, faisoient leurs arciers traire si

ouniement que à painnes ne s’osoit nulz amoustrer à

garittes pour deffendre. Si furent, à ce jour et ce samedi,

au matin, cil de Bruese si fort assalli et si continuelment

5par traire et lancier et escarmucier à

yaus, que finablement la ville fu conquise et la porte

jettée par terre, et entrèrent ens tout cil qui entrer y

veurent. Si furent pris li homme d’armes dou visconte,

et tantost en fisent li signeur de l’ost pendre

10jusques à seize en leurs propres armeures, ou despit

dou dessus dit visconte, qui pas n’i estoit, mès se tenoit

à Paris dalés le roy de France. Si fu toute la

ville courue, arse et robée, et y perdirent li habitant

et li demorant tout le leur. Encores en y eut fuison de

15mors et de navrés et de noiiés, et puis si s’en retournèrent

li Englès et leurs routes en le cité de Poitiers,

pour yaus mieulz à leur aise rafreschir.

§ 622. Messires Robers Canolles, qui se tenoit en

Bretagne sus son hiretage, lequel il avoit biel et grant,

20et qui toutdis avoit estet bons et loyaus Englès, et

servi et amé le roy d’Engleterre et le prince de Galles

son ainsnet fil, et esté en leurs armées et chevaucies,

quant il entendi que li François faisoient ensi si

forte guerre au dit prince, et qu’il li tolloient et voloient

25tollir son hiretage d’Acquitainne, lequel il li

avoit jadis aidiet à conquerre, se li vint à grant amiration

et desplaisance, et s’avisa en soi meismes

que il prenderoit ce qu’il poroit avoir de gens et s’en

iroit servir le prince à ses propres frès et despens.

30Tout ensi comme il imagina et considera, il fist, et

cueilla gens et manda tous ses subgès et ses feaulz et

[140] priia ses amis, et eut environ soixante hommes d’armes

et otant d’arciers de se delivrance, et fist ses

pourveances sus le mer en quatre grosses nefs, en

une ville, en Bretagne, et port de mer, que on appelle

5Konke.

Quant toutes ses pourveances furent faites et acomplies,

il se parti de Derval et se traist de celle

part: si entra en son vaissiel, et ses gens ès leurs; si

desancrèrent et singlèrent tant au vent et as estoilles,

10qu’il arrivèrent au kay en le Rocelle. Se li fisent li

bourgois de le Rocelle grant feste arrière coer, mais

il n’en osoient aultre cose faire. Et là trouva il monsigneur

Jehan d’Evrues, qui estoit chapitainne de le

Rocelle, de par le prince; car li seneschaus estoit

15avoecques monsigneur Jehan Chandos, messires Thumas

de Persi. Messires Jehans d’Evrues rechut le dit

messire Robert moult liement et li fist toute le bonne

compagnie qu’il peut faire. Si se rafreschirent messires

Robers et ses gens en le Rocelle par deux jours.

20Au troisime jour, il s’en partirent et se misent au

chemin devers Angouloime, et tant esploitièrent par

leurs journées qu’il y parvinrent. De la venue monsigneur

Robert Canolles fu li princes grandement resjoïs,

et ne le peut par samblant trop conjoïr ne festiier,

25et ossi madame la princesse. Tantost li princes

le fist mestre et souverain de tous ses chevaliers et

escuiers d’ostel par cause d’amour, d’onneur et de

vaillance, et leur commanda à obeir à lui, si com à leur

souverain, et il disent que ossi feroient il volentiers.

30Quant li dis messires Robers eut esté dalés le prince

environ cinq jours, et cil furent tout appareilliet,

qui devoient aler en se chevaucie, et ossi il sceut

[141] quel part il se trairoit, il prist congiet au prince et

se parti d’Angouloime, bien acompagniés, les chevaliers

dou prince avoech lui, telz que monsigneur

Richart de Pontchardon, monsigneur Estievene de

5Gousenton, monsigneur d’Aghorises, monsigneur

Neel Lorinch, monsigneur Guillaume Toursiel, monsigneur

Hughe de Hastinges, monsigneur Jehan Trivet,

monsigneur Richart Tanton, monsigneur Thumas

le Despensier, monsigneur Thumas de Walkefare,

10monsigneur Thumas Balastre, monsigneur Nicolas

Bonde, monsigneur Guillaume le Monne, seneschal

d’Aghinois, monsigneur Bauduin de Fraiville

et plus de soixante chevaliers. Si estoient environ cinq

cens hommes d’armes et cinq cens arciers et otant

15de brigans, et tout en grant volenté de trouver les

François et de combatre. Si chevaucièrent les gens

le prince, dont messires Robers Canolles estoit chiés

et gouvrenères, par devers Agen, pour venir en Quersin

où les Compagnes se tenoient, et tant esploitièrent

20qu’il vinrent en le cité d’Agen. Si se tinrent là un petit,

pour yaus rafreschir et entendre des ennemis.

Entrues que li dis messires Robers Canolles sejournoit

à Agen, et ses gens là environ, il entendi que

messires Perducas de Labreth, uns grans chapitainnes

25de Compagnes, et qui en avoit plus de trois cens de

se route desous lui, estoit sus le pays, et en celle saison

par le pourcach dou duch d’Ango tournés françois.

Si envoia tantost li dis messires Robers Canolles

devers lui hiraus et certains messages, et fist

30tant que, sus saufconduit, il vint parler à lui sus les

camps en un certain lieu qu’il y ordonnèrent. Quant

li dis messires Robers vei le dit monsigneur Perducas,

[142] se li fist grant chière et lie, et puis petit à petit entra

en parolles. Se li commença à remoustrer comment

il avoit grandement fait son blasme, quant il estoit

tournés françois et issus hors dou service le prince

5qui tant l’avoit amé, honnouré et avanciet. Que vous

feroi je lonch compte? Messires Robers Canolles,

comme sages et soubtis, preeça tant le dit Perducas

de Labreth, qu’il le retourna englès et toutes ses

gens, et se retournèrent adonc des compagnons gascons

10plus de cinq cens: dont li dus d’Ango fu moult

courouchiés, quant il sceut les nouvelles, et en tint

mains de bien et de seurté ou dit monsigneur Perducas.

Et ossi fisent tout li aultre qui estoient de le partie

des François, et en resongnièrent trop plus grandement

15les Englès.

§ 623. Ces nouvelles vinrent en le cité de Chaours

as aultres compagnons, à Aymenion d’Ortige, au

Petit Meschin, à Jaket de Bray, à Perrot de Savoie et

à Ernaudon de Paus, qui tenoient là une très grande

20garnison et avoient tenu tout le temps, que messires

Perducas de Labreth estoit retournés englès et toute

se route ossi; si en eurent les dessus dittes chapitainnes

grant anoi et grant effroy. Et regardèrent et

considerèrent, entre yaus, que li cités de Chaours estoit

25de trop grant garde et trop foible pour yaus tenir

contre les Englès. Si s’en partirent et le recommendèrent

à l’evesque dou lieu et as bourgois de le

ville, et s’en vinrent en une priorie assés priès de là,

que il avoient tout le temps malement fortefiie, laquelle

30on appelle Durviel. Ceste forterèce n’estoit

point de grant garde: si se boutèrent tout dedens

[143] et misent en bonne ordenance, pour attendre leurs

ennemis: liquel vinrent celle part tantost et sans delay

qu’il sceurent qu’il s’estoient là retrait, et assegièrent

et environnèrent le ditte forterèce, et puis y

5establirent et fisent tamaint assault; mès cil estoient

si usé et si mesnier d’armes, et ossi si bien pourveu

de bonne artillerie, qu’il n’en faisoient compte.

Quant messires Jehans Chandos, messires Thumas

de Felleton, messires li captaus, messires Jehans de

10Pumiers, messires Thumas de Persi, messires Eustasses

d’Aubrechicourt et li chevalier dou prince, qui se

tenoient à Montalben, entendirent que messires Robers

Canolles avoit assegiet les capitainnes des Compagnes

en le garnison de Durviel, si eurent conseil

15que il se trairoient de celle part, car la cose s’ordonnoit

assés que il trouveroient là aucun grant fait d’armes.

Si se departirent de Montalben en une route

plus de trois cens lances, et y en laissièrent bien deux

cens en garnison, desquelz estoient chapitainne messires

20Aymeris de Tarse, messires li soudis de Lestrade

et messires Bernadet de Labreth, sires de Geronde.

Si chevaucièrent li dessus dit moult efforciement,

pour venir au siège de Durviel.

Ensi que il chevauçoient, il trouvèrent en leur

25chemin une ville assés forte, françoise, qui s’appelle

Montsach, et estoit tant seulement en le garde des

hommes, car il n’i avoit nul gentil homme. Si envoiièrent

de premiers li signeur leurs coureurs devant,

pour aviser et considerer le ville. Si raportèrent

30li coureur que elle estoit assés forte, et que sans siège

et assaut on ne les pooit avoir. Dont se consillièrent

li signeur sus les camps, pour savoir quel cose en

[144] estoit bonne à faire. Adonc il trouvèrent, en conseil,

que ce ne seroit pas bon d’yaus là arrester et de brisier

leur emprise, pour aler devant Durviel; si passèrent

oultre.

5A ce donc estoit encores assés matin. Ensi que il

pooient estre ja à une liewe en sus, il encontrèrent

quatre sommiers cargiés de vitaille, qui aloient en le

ville. Si furent tantost pris et arresté li dit sommelier, et

leur fu demandé dont il venoient, ossi où il aloient. Cil

10cogneurent la verité qu’il estoient parti de Thoulouse

et avoient intention d’entrer en le ville de Montsach

et de là mener leur vitaille. Dont furent il examiné

plus avant de l’estat de le ville, et quelz gens il estoient

là dedens. Li sommelier respondirent à ce et disent,

15qui n’osèrent mentir, que la ville estoit moult astrainte

de famine, et n’i pensoient là dedens avoir de tous

vivres, se assegiet estoient, pour vivre quatre jours,

et qu’il n’i avoit dedens nul gentil homme, ne aultre

deffense que des bonhommes de le ville. Dont se misent

20li gentil homme ensamble, et eurent conseil qu’il

n’iroient plus avant, si aroient rendu painne à conquerre

le ditte ville. Si retournèrent et retinrent le

vitaille pour yaus, et rendirent as quatre sommeliers

leurs chevaus, et leur disent que il ralaissent as nouvelles

25pourveances. Et puis s’en vinrent mettre le

siège devant Montsach, et se commencièrent à logier

bien et faiticement, ensi qu’il deuissent là demorer

un mois; et fisent ce premier jour samblant qu’il assauroient

à l’endemain, et levèrent devant les murs

30aucuns canons qu’il portoient.

Quant cil de Montsach en veirent le manière, si

se commencièrent à effraer, et sentirent bien que

[145] il ne se poroient longement tenir, car il n’avoient

nulles pourveances. Si commencièrent à trettier devers

les dessus dis chevaliers d’Engleterre, et se portèrent

trettiet si bien que il recogneurent le prince

5à signeur et à tenir le ditte ville de lui à tousjours

mès, sans fraude et mal engin; et parmi tant il demoroient

en paix, et ne leur ostoit on riens dou

leur. Si ordonnèrent li chevalier, messires Jehans

Chandos et li aultre, à le requeste de chiaus de le

10ville, un chevalier estre leur chapitainne, lequel on

appelloit messire Robert Miton, et vingt hommes

d’armes et quarante arciers avoech lui, as saus et as

gages des hommes de le ville; puis passèrent oultre

et chevaucièrent tant qu’il vinrent devant Durviel,

15où messires Robers Canolles et li aultre estoient. Si

eut là grans recognissances et grans approcemens d’amour,

quant il se trouvèrent tout ensamble, et se

misent au siège avoecques les aultres, tout par bonne

ordenance.

20§ 624. Ce siège pendant devant Durviel, il y eut

pluiseurs assaus, escarmuces, paletis et grans fais d’armes,

car c’estoient toutes bonnes gens devant, qui

tenoient le siège; et cil dedens ossi estoient tout bon

combatant et bien usé d’armes: aultrement, il ne se

25fuissent point longement tenu. Si vous di que li Englès

et cil de leur costé qui là gisoient au siège, ne

l’avoient mies d’avantage, mès estoient en trop dur

parti par deux manières; car il plouvoit nuit et jour

si ouniement que trop grevoit as hommes et as chevaus;

30et avoech tout ce, il avoient si grant defaute

de vivres qu’il ne savoient que mengier. Et y vendoit

[146] on un pain trois viés gros: encores n’en pooit on

recouvrer pour son argent bien souvent. De vins

avoient il assés et largement, et ce leur faisoit grant

confort. En cel estat furent il plus de cinq

5sepmainnes.

Quant il veirent que riens ne faisoient et que le

garnison de Durviel pas ne prenderoient, et si sejournoient

là en grant malaise, si s’avisèrent que il se

deslogeroient et iroient plus avant et en plus cras

10pays. Si se deslogièrent et se traisent par devant le

ville et le chastiel de Domme, dont messires Robers

de Domme estoit sires et gouvrenères, et avoit avoech

lui un sien cousin chevalier, qui s’appelloit messire

Pierre Sengler. Si avoient, en devant, cil doi chevalier

15les vivres dou plat pays là environ tous retrais là dedens.

Quant li Englès et li Gascon, qui bien estoient

quinze cens hommes d’armes et deux mil, que arciers,

que brigans, furent là venu, si se ordenèrent et misent

en arroy de siège bien et faiticement, et commencièrent

20à assallir le forterèce de grant volenté.

Si y livrèrent pluiseurs grans assaus et escarmuces,

où il y eut fait, le siège pendant, des grans apertises

d’armes. Quant il eurent là esté à siège quinze jours,

et il eurent veu que riens n’i faisoient et si y gisoient

25à grant painne et à grant fret, si se avisèrent et

consillièrent li un par l’autre qu’il segnefieroient leur

estat et leur afaire au prince de Galles leur signeur,

qui se tenoit en Angouloime. Si en fu ordonnés

d’aler celle part et de faire ce message Chandos li

30hiraus, liquelz se parti de ses mestres et esploita tant

par ses journées qu’il vint en le cité d’Angouloime

où il trouva le prince à moult privée mesnie, car

[147] tout si chevalier et escuier estoient d’une part ou

d’autre.

Quant li hiraus Chandos fu là venus, il se mist en

genoulz devant le prince et li recommanda tous ses

5mestres dessus nommés, lesquelz il avoit laissiés au

siège de Domme. Et puis li recorda et remoustra

bien et sagement l’estat et l’afaire de leur ordenance,

ensi que enfourmé et chargié l’avoient, avoecques

lettres de creance qu’il aportoit à monsigneur le

10prince. Li princes entendi à ce bien et volentiers et

dist qu’il en aroit avis; si fist demorer le hiraut dalés

lui et y fu cinq jours. Au sixime jour, il li fist delivrer

sus son seel lettres escriptes et seelées, et li dist

au departir: «Chandos, salués nous tous les compagnons.»

15Cilz respondi: «Monsigneur, volentiers.»

Lors se parti dou prince li dis hiraus et se mist au

retour par devers Quersin. Or vous recorderai de

chiaus de l’ost comment il esploitièrent et quel cose

il fisent, entrues que li dis hiraus ala et vint et fist

20son message.

§ 625. Assés tost apriès che que Chandos fu

partis de ses mestres dou siège de Domme, messires

Jehans Chandos, messires Robers Canolles, messires

Thumas de Felleton, messires li captaus de Beus et

25messires James d’Audelée et li aultre signeur et chevalier

qui là estoient, eurent conseil et avis qu’il defferoient

leur siège, car riens au là seoir ne conqueroient,

et chevauceroient plus avant sus le pays, et

reconquerroient villes et garnisons qui s’estoient

30tournées françoises nouvellement par l’effort des

Compagnes et des gens le duch de Berri. Si se deslogièrent

[148] et se departirent de Domme, et se misent au

chemin et vinrent par devant Gramath, qui tantost

se rendirent et tournèrent englès qu’il furent là venu.

Si se rafreschirent li signeur et leurs gens dedens le

5ville de Gramath par trois jours, et entrues avisèrent

où il se trairoient. Quant il s’en partirent, il chevaucièrent

devant une aultre forterèce, que les Compagnes

avoient nouvellement pris, que on claime Fours.

Sitos que cil de celle garnison sentirent les Englès

10venir à si grant effort et que cil de Gramath s’estoient

tourné, il se tournèrent ossi et devinrent englès,

et jurèrent que il le demorroient à tousjours,

mès il en mentirent.

Si passèrent oultre li dit Englès, et vinrent devant

15Rocemadour. Cil de le ville de Rocemadour

estoient malement fortefiiet; si n’eurent mies volenté

que d’yaus rendre. Quant li Englès furent venu

jusques à là et il eurent avisé et consideré le manière

de chiaus de le ville, si fisent traire avant leurs

20gens et leur artillerie, et le commencièrent à assallir

de grant façon et de bonne ordenance. Là eut,

je vous di, moult grant assaut et moult dur et pluiseurs

hommes navrés et bleciés dou tret et dedens

et dehors. Si dura cilz assaus un jour tout entier.

25Quant ce vint au vespre, li Englès se retraisent en

leurs logeis et avoient bien entention que de assallir

à l’endemain. Mais celle nuit cil de Rocemadour se

consillièrent qu’il avoient ce jour senti le force et le

vertu de chiaus de l’ost, et comment il les avoient

30fort apressés. Et disent bien li plus sage et mieulz

avisé que à le longe il ne se pooient tenir, et, se il

estoient pris de force, il seroient tout mort et perdu,

[149] et leur ville arse sans merci. Siques, tout consideré, le

bien contre le mal, quant ce vint au matin, il trettièrent

pour yaus rendre as Englès; et se porta trettiés

qu’il cheirent en acord devers les dessus dis chevaliers

5d’Engleterre, parmi tant que, de ce jour en avant,

il seroient bon Englès, et le jurèrent solennelment.

Avoech tout ce, il deurent à leurs frès mener et conduire,

le terme de quinze jours, cinquante sommiers

de vivres apriès l’ost, pour yaus avitaillier des pourveances

10de le ville, mais on les paioit courtoisement

parmi un certain fuer qui ordonnés y estoit. Ensi demora

Rocemadour en pais.

Et puis chevaucièrent li Englès oultre par devers

Villefrance en Thoulousain, gastant et exillant tout

15le plat pays et mettant les povres gens en grant

misère, et conquerant villes et chastiaus, qui s’estoient

tournées nouvellement françoises; si se retournoient

englesces, les unes par trettiés et les aultres

de force. Si vinrent li dessus dit signeur et

20leurs gens devant Villefrance, qui estoit assés bien

fremée et pourveue de vivres et d’artillerie, car tous

li plas pays de là environ s’i estoit retrais. Quant il

furent là venu, il le assegièrent et assallirent de grant

volenté. Et y eut, en quatre jours qu’il furent par

25devant, tamaint grant assaut et fort, et pluiseurs

navrés de chiaus de dedens et de chiaus de dehors.

Tout consideré, cil de le ville regardèrent que à

le longe il ne se poroient tenir et qu’il ne seroient

aidié ne conforté de nul costé, au mains ne leur

30estoit il point apparant. Si se tournèrent et rendirent

englès, par composition telle, que on ne leur devoit

porter point de damage. Ensi devint Villefrance en

[150] Aginois, sus les marces de Toulousain, englesce: de

quoi li dus d’Ango, qui se tenoit à Thoulouse, fu

moult courouciés, quant il en sceut les nouvelles,

mès amender ne le peut tant qu’à celle fois. Si mist

5et laissa dedens messires Jehans Chandos à gouvreneur

et chapitainne un chevalier englès, qui s’appelloit

messires Robers Rous, et puis passèrent oultre

en exillant le pays.

Or retourrons au siège de Bourdille, en Pieregorth,

10et compterons comment li contes de Cantbruge et li

contes de Pennebruch perseverèrent.

§ 626. Entrues que cil dessus nommé baron et

chevalier d’Engleterre et leurs routes faisoient leurs

chevaucies et leurs conquès, tant en Roerge, en Quersin

15qu’en Aginois, où il furent une moult lontainne

saison, se tenoit li sièges devant le garnison de Bourdille,

qui y fu plus de onze sepmainnes. Et vous di

que, le siège là tenant, ensi que vous oés, il y eut pluiseurs

assaus, escarmuces et paletis et aultres grans

20apertises d’armes priesque tous les jours; car cil de

dedens venoient par usage tous les jours à main armée

jusques à leurs barrières hors de le porte, et là

escarmuçoient moult vaillamment et hardiement à

tous venans, et si bien s’i portoient que proprement

25de chiaus de l’host il avoient grant loenge. Ensi se tinrent

un grant temps en cel estat, et fuissent encores

trop plus tenut se orghieulz et presumptions ne les

euist temptés, car il estoient gens assés et tout hardi

compagnon, pour tenir et deffendre leur forterèce, et

30bien pourveu de vivres et d’artillerie, et tant que cil

de l’ost se commencièrent à taner, quoique il gesissent

[151] là moult honourablement, mès li signeur regardèrent

qu’il y estoient à grant fret et que trop peu il

conqueroient.

Or eurent un jour conseil et avis comment il se

5maintenroient, pour leur afaire approcier. Si ordonnèrent

que, à l’endemain à heure de prime, il feroient

toutes leurs gens armer et yaus tenir secretement

en leurs logeis, et en envoieroient aucuns escarmucier

à chiaus de le forterèce; il les sentoient

10bien de si grant volenté que tantost il isteroient hors

et se metteroient as camps bien et apertement pour

yaus combatre. En ce faisant, leurs gens qui là seroient

envoiiet escarmucier, se fainderoient et s’en retourroient

tout combatant petit à petit devers leurs

15logeis, ensi que desconfis, pour chiaus dou dit fort

attraire plus avant; et il aroient ordené une bataille

de leurs gens tout à cheval, qui se metteroient entre

leurs ennemis et le forterèce, par quoi, quant il vorroient

retourner, il ne poroient. Cilz avis fu arestés

20entre yaus; et disent que, se on ne les avoit par celle

voie, on ne les aroit point aise; siques, à l’endemain,

il fisent très le matin armer secretement toutes leurs

gens, et en envoiièrent jusques à deux cens escarmucier

à chiaus de Bourdille.

25Quant li compagnon qui dedens estoient, et les

capitainnes Ernaudons et Bernadés les veirent venir,

si en furent tout joiant et s’armèrent apertement,

et fisent armer toutes leurs gens; si pooient

bien estre environ septvingt, tout able et legier compagnon.

30Et fisent ouvrir leur porte toute arrière,

et vinrent à leurs barrières et recueillièrent à lances

et as pavais les Englès bien et faiticement; et y

[152] eut tant fait que li Englès reculèrent et perdirent

terre, et ossi estoit il ensi ordené. Li compagnon

de Bourdille fisent passer leur pennon devant et disent

ensi: «Avant! Avant! Par le cap saint Antone,

5cesti sont nostre.» Lors les envaïrent il de grant

volenté, et en yaus cachant en jettèrent aucuns

par terre et blechièrent et prisent pour prisonniers.

Et pour ce qu’il voloient tout avoir, et ensi que on

dist souvent: «Grant convoitise fait petit mont,»

10il eslongièrent si leur forterèce que, quant il veurent

retourner, il ne peurent. Car messires Jehans de Montagut,

qui estoit sus l’embusche à plus de cinq cens

combatans, et qui droit là sus le place fu fais chevaliers

de monsigneur le conte de Cantbruge, se mist à

15toute se route entre le forterèce et yaus, et descendirent

piet à piet droit devant yaus, et puis les envaïrent

de grant volenté.

Quant li compagnon de Bourdille se veirent

ensi attrapé, si cogneurent bien qu’il avoient trop

20folement cachiet. Nonpourquant, il se recueillièrent

et se remisent tout ensamble comme vaillans gens,

et se commenchièrent à combatre et à faire tant

de grans apertises d’armes que merveilles seroit à

recorder; et se tinrent, sans yaus desconfire, bien

25le terme de deux heures de jour, toutdis lançant

et yaus deffendans, entrans et retraians moult

vaillamment de leurs ennemis; et tant y fisent d’armes,

que proprement li signeur d’Engleterre qui là

estoient, y prisent grant plaisance. Et là fu messires

30Jehans de Montagut très bons chevaliers, et vaillamment

et biel s’i combati et assalli ses ennemis. Finablement,

cil de Bourdille furent là desconfi, tout mort

[153] ou pris, onques piés n’en escapa, et li prisonnier rescous,

que pris avoient, et li doi escuier capitainne,

Ernaudons et Bernadés de Batefol, pris et prisonnier

au dit monsigneur Jehan de Montagut. Entrues que

5cilz estours avoit là esté, li contes de Cantbruge et li

contes de Pennebruch s’estoient avanciet et avoient

conquis les barrières et le porte, et estoient entré

ens, le banière le conte de Cantbruge tout devant.

Ensi eurent li Englès le garnison de Bourdille, et fisent

10les hommes de le ville jurer foy et seurté et à

tenir le ville de par le prince. Si ordenèrent li signeur

à demorer, pour le garder, le signeur de Mucident et

ses gens, et li baillièrent soixante arciers, et puis

deffisent leur siège, et eurent conseil qu’il se retrairoient

15en Angouloime devers le prince, pour savoir quel

cose il vorroit que il fesissent. Ensi se deffist li sièges

de Bourdille, et se misent tout li signeur et leurs

routes au retour.

Or retourrons nous as dessus dis chevaliers d’Engleterre

20et de Gascongne qui chevauçoient en Quersin,

et parlerons de Chandos le hiraut et des nouvelles

que il leur aporta de par le prinche de Galles.

§ 627. Ensi que li dessus dit et leurs routes et les

Compagnes avoech yaus chevauçoient ens ès marces

25de Roerge et de Quersin, et qu’il faisoient tourner

villes et chastiaus et mettoient le pays où il conversoient,

en grant tribulation, evous Chandos le hiraut

revenu, qui les trouva devant une forterèce, en Quersin,

que il avoient moult astraint. Sitos que il veirent

30le hiraut revenu, se li fisent grant chière et li demandèrent

des nouvelles. Il leur dist que messires li

[154] princes les saluoit tous et les desiroit moult à veoir.

A ces mos, il leur bailla les lettres que li princes leur

envoioit; si les prisent li baron et les lisirent. Si

trouvèrent, avoech salus et amistés, que il ordonnoit

5et voloit que messires Jehans Chandos, messires Thumas

de Felleton et messires li captaus de Beus retournassent

en Angouloime devers lui, et messires

Robers Canolles et ses gens et toutes les Compagnes,

demorassent en l’estat où il estoient et feissent

10guerre.

Quant cil quatre signeur qui là estoient chief de

toutes ces gens d’armes, entendirent ces nouvelles, si

regardèrent tout l’un l’autre, et puis demandèrent quel

cose en seroit bonne à faire. Si se adrecièrent d’une

15vois dessus messire Robert Canolle et li disent: «Messire

Robert, vous veés et entendés comment messires

li princes nous remande, et voet et ordonne que vous

demorés sus ce pays et soiiés chiés et gouvrenères de

ces gens d’armes.»—«Signeur, ce respondi messires

20Robers, messires li princes me fait plus d’onneur

que je ne vaille; mais sachiés que ja sans vous je n’i

demorrai, et, se vous partés, je partirai.» Depuis, il

ne se volt aultrement laissier enfourmer ne adire,

mès toutdis dist qu’il partiroit. Si eurent conseil de

25retourner tout quatre devers le prince, pour savoir

plus plainnement sen entente. Ensi se desrompi ceste

grande chevaucie.

Quant ce vint au departement, il envoiièrent

monsigneur Perducas de Labreth en le ville de Rocemadour,

30et toutes ses gens, pour là faire frontière

contre les François. Et disent ensi li signeur as autres

capitainnes des Compagnes: «Signeur, vous

[155] oés comment messires li princes nous remande; si

nous fault obeir, et ne savons de verité que il nous

voet. Si vous dirons que vous ferés: vous recueillerés

vos gens et vous remetterés ensamble, et vous monterés

5amont sus les marces de Limozin et d’Auvergne

et ferés là guerre. Car sans guerre vous ne poés ne

savés vivre, et nous vous jurons et promettons loyaument,

se vous prendés ne conquerés ville, chastiel

ou forterèce en France, où que ce soit ne en quel

10marce, et vous y soiiés assegiet, nous vous irons conforter

telement que vous nous en sarés gret, et leverons

le siège.» Cil qui ces parolles et prommesses

entendirent, respondirent: «C’est bien dit, et nous

le retenons ensi; car espoir en arons nous mestier.»

15Ensi se departirent li un de l’autre, et se desrompi

ceste grosse chevaucie, les Compagnes d’un lés et li

signeur d’autre, qui s’en revinrent tout par acord devers

le prince en le cité d’Angouloime, qui leur fist

grant chière. Et estoient revenu ossi de le conté de

20Pieregorth, un petit en devant, li contes de Cantbruge,

li contes de Pennebruch, messires Jehans de

Montagut et tout li aultre.

Or vous parlerons des Compagnes, qui parti estoient

de monsigneur Jehans Chandos, comment il

25perseverèrent.

§ 628. Entre les Compagnes, avoit là trois escuiers

de la terre dou prince, grant chapitainne de Compagnes

et hardi et apert homme d’armes durement,

et grant aviseur et eskielleur de forterèces. Si appelloit

30on l’un Hortingo, l’autre Bernart de Wisk et

le tierc Bernart de la Salle. Cil troi compagnon ne

[156] veurent mies sejourner plenté, que il ne fesissent

parler d’yaus et aucun esploit d’armes. Si s’en vinrent,

avoech leurs routes, en Limozin yaus rafreschir.

En ce temps, en estoit seneschaus et gouvrenères de

5par le prince messires Jehans d’Evrues. Cil troi dessus

dit jettèrent leur avis à prendre en France aucune

forterèce et regardèrent que Belleperce, en Bourbonnois,

estoit uns biaus chastiaus et fors, et ens demoroit

la mère dou duch de Bourbon et de la royne de

10France. Si entendirent par leurs espies que la bonne

dame estoit là asseulée entre ses gens, et n’avoit ou

dit castiel point trop grant garde. Encores li chastellains

dou lieu aloit et venoit souvent hors et n’en

estoit mies trop songneus.

15Cil compagnon et une partie de leurs gens, chiaus

que il veurent eslire, ne sommillièrent point trop

sus leur entente, mès chevaucièrent un jour et une

nuit, et vinrent sus l’ajournée à Belleperce, et

l’eschiellèrent et le prisent, et madame la mère de

20la royne de France dedens, et fu tout leur tout ce

que il y trouvèrent. Si regardèrent que la forterèce

estoit belle et bonne et en gras pays, et disent que

il le tenroient contre tout homme. Encores en ceste

propre nuit, il prisent une aultre forterèce qui s’appelloit

25Sainte Sivière, sus les marces de Limozin,

et ceste donnèrent il à monsigneur Jehan d’Evrues.

Ces nouvelles furent tantost sceues en France que

Belleperce estoit prise et emblée des Englès, et la

mère de la royne de France dedens. Si en fu li rois

30fortement courouciés, et ossi furent la royne et li dus

de Bourbon, mès amender ne le peurent tant c’à

ceste fois.

[157] En ce temps, fu esleus en France, pour estre li uns

des mareschaus des guerres, messires Loeis de Sanssoirre,

vaillant homme et hardi chevalier durement.

Encores vivoit messires Ernouls d’Audrehen, mais il

5estoit si vieulz et si froissiés d’armes et de traveil

dou temps passé, que bonnement il ne se pooit mès

ensonniier de l’offisce; mès encores s’armoit il volentiers,

quant il venoit à point. Or vous parlerons

un petit des besongnes de Pikardie ossi bien que

10nous vous avons parlé de cestes des lontainnes

marces, et d’une grant assamblée qui fu faite à

Tournehen.

§ 629. Li rois de France, toute celle saison d’esté,

avoit fait un très grant appareil de nefs, de barges et

15de vaissiaus, sus le havene de Harflues et sus le rivière

de Sainne, entre Roem et Harflues. Et avoit intention

que d’envoiier une armée en Engleterre si grande

et si bien estoffée de toutes bonnes gens d’armes,

chevaliers et escuiers, desquelz messires Phelippes

20ses frères, dux de Bourgongne, seroit chiés et gouvreneur,

que pour tout destruire et ardoir Engleterre.

Et se tenoit et sejournoit proprement li rois de

France en le cité de Roem, pour mieulz entendre à

ses besongnes. Et aloit, toutes les sepmainnes, deux

25ou trois fois, veoir se navie, et avoit à ce très grande

affection.

Avoech tout ce, ses mandemens estoit si grans et

si estendus par tout son royaume que, là environ

Roem, ou Vexin et en Biauvoisin, venoient et aplouvoient

30tous les jours tant de gens d’armes que merveilles

seroit à penser. Et toutdis se faisoient et approçoient

[158] les pourveances en celle navie si grandes

et si grosses que donc que ce fust pour aler en Castelle

ou en Portingal.

Mais li sires de Cliçon, qui estoit li uns des especiaulz

5dou conseil dou roy, ne s’i acordoit point

bien, et moult desconsilloit au roy, à tant de nobles

de son royaume, aler en Engleterre; et disoit qu’il

n’estoient mies si bien usé ne coustumier d’aler en

Engleterre et faire y guerre que li Englès estoient

10de passer le mer et venir en France. Et alegoit à ce

assés de raisons, ensi que cilz qui cognissoit mieulz

le condition et le nature des Englès et l’estat dou

pays d’Engleterre que moult d’autres. Non obstant

ce, on ne pooit brisier le pourpos dou roy et de aucuns

15de son conseil que ceste armée ne se parfesist.

Li rois d’Engleterre et ses fiulz li dus de Lancastre,

et pluiseur de leur conseil, estoient assés avisé et enfourmé

de ceste armée, et comment li François les

devoient venir veoir et guerriier en leur pays, de

20laquel cose il estoient tout joiant. Et avaient pourveu

les passages, les pors et les havenes sus mer à rencontre

de Pontieu et de Normendie, pour yaus recueillier,

se il venoient, bien et souffissamment de

bonnes gens d’armes et d’arciers. Et estoit tous li

25royaumes d’Engleterre avisés et confortés pour combatre

les François, se il venoient.

Et eut adonc li rois d’Engleterre conseil et volenté

que d’envoiier son fil le duch de Lancastre, à tout

une carge de gens d’armes et d’arciers, en le ville de

30Calais. Si ordonna et nomma proprement li rois

chiaus qui iroient avoecques lui, le conte de Sallebrin,

le conte de Warvich, monsigneur Gautier de

[159] Mauni, le signeur de Ros, monsigneur Henri de Persi,

le signeur de Basset, le signeur de Willebi, le signeur

de Ware, le signeur de la Poule, monsigneur Thomas

de Grantson, messire Alain de Bouqueselle, monsigneur

5Richart Sturi et pluiseurs aultres: si estoient

six cens hommes d’armes et quinze cens arciers. Si

vinrent li dessus dit en le ville de Douvres et là environ.

Et passèrent, quant leur navie fu toute preste

et il eurent vent à volenté, et arrivèrent en le forte

10ville de Calais. Si issirent hors de leurs vaissiaus, et

en misent petit à petit toutes leurs coses hors, et se

herbegièrent tout en le ditte ville.

En celle saison, avoit li rois d’Engleterre escript

et priiet especialment monsigneur Robert de Namur

15que il le vosist servir, sa guerre faisant, à tout se

carge de gens d’armes. Li dis messires Robers, qui

toutdis avoit esté bons englès et loyaus, avoit respondu

que il seroit apparilliés, sitost que on le manderoit

et qu’il saroit que li rois ou uns de ses enfans

20seroit à Calais, ou trais sus les camps pour chevaucier

sus France. Siques, si tretot que il entendi que

li dus de Lancastre estoit arrivés à Calais, il semonst

tous ses compagnons et chiaus dont il voloit estre

aidiés et servis, et fist tout son harnas appareillier

25moult estoffeement, ensi comme à lui apertenoit. Or,

retourrons nous un petit as besongnes de Poito.

§ 630. Vous devés savoir que, quant li departemens

fu fais des barons et des chevaliers de Gyane,

qui avoient chevauciet en Quersin et en Roerge, et

30Chandos li hiraus lor eut aporté les nouvelles dou

prince, il retournèrent tout par un acord en le cité

[160] d’Angouloime, où il trouvèrent le prince qui les reçut

moult liement. Un petit devant ce, estoient retourné

li contes de Cantbruge, li contes de Pennebruch et

leurs gens, apriès le conquès de Bourdille, si com

5ci dessus est contenu. Si se conjoïrent et fisent grant

feste cil signeur et cil baron, quant il se trouvèrent

tout ensamble; et se avisèrent et consillièrent où il

se trairoient, pour mieulz emploiier leur saison. Si

regardèrent que, sus les marces d’Ango, avoit un biau

10chastiel et fort, qui se tenoit dou ressort d’Ango,

lequel on appelloit le Roce sur Ion. Si disent tout et

avisèrent que il se trairoient celle part et y metteroient

le siège et le conquerroient, se il pooient. Si

ordonnèrent leurs besongnes en celle instance, et se

15misent au chemin et se traisent tout de celle part.

Encores leur revinrent depuis tout li baron et li chevalier

de Poito, monsigneur Jame d’Audelée, li sires

de Pons, li sires de Partenay, messires Loeis de Harcourt,

messires Guichars d’Angle, li sires de Puiane,

20li sires de Tannai Bouton, messires Joffrois d’Argenton,

messires Mauburni de Linières et li seneschaus

de le Rocelle, messires Thumas de Persi. Si se trouvèrent

cil signeur et ces gens d’armes grant fuison,

quant il furent remis tout ensamble, plus de trois

25mil lances. Si esploitièrent tant que il vinrent devant

le dit chastiel de le Roce sur Ion, qui estoit biaus et

fors et de bonne garde et bien pourveus de toutes

pourveances et d’artillerie. Si en estoit gouvrenères

et chapitainnes, de par le duch d’Ango, uns chevaliers

30qui s’appelloit messires Jehans Blondiaus, et qui tenoit

desous lui laiens moult de bons compagnons as saus

et as gages dou dit duch. Si ordenèrent li dessus

[161] nommet signeur et baron qui là estoient, leur siège,

par bonne manière et grant ordenance, et l’environnèrent

tout autour, car bien estoient gens pour ce

faire. Et fisent là amener et achariier de le ville de

5Touwars et de le cité de Poitiers grans engiens, et les

fisent drecier devant le forterèce et encores pluiseurs

canons et espringalles qu’il avoient de pourveance

en leur host, et pourveu de lonch temps, et usagé de

mener. Si estoit leur host durement plentiveuse de

10tous vivres, car il leur en venoit grant fuison de Poito

et des marces proçainnes.

Quant messires Jehans Blondiaus se vei ensi assegiés

et appressés de tant de bonnes gens d’armes, car là

estoient priès tout li baron et li chevalier d’Aquitainne,

15et se ne li apparoit nuls confors de nul costé, si se commença

à effraer; car bien veoit que li signeur qui là

estoient, ne le lairoient jusques à tant qu’il l’aroient

pris par force ou aultrement. En l’ost dou conte de Cantbruge

et de monsigneur Jehan Chandos et des barons

20qui là estoient, avoit aucuns chevaliers des marces

de Poito, qui bien cognissoient le dit capitainne et qui

l’avoient compagnié dou temps passé. Si vinrent cil

jusques as barrières, et fisent tant que sus assegurances

il parlèrent à lui et le menèrent tant par parolles,

25car il n’estoit mies bien soutilz, comment qu’il

fust assés bons chevaliers, qu’il entra en trettié de

rendre le forterèce, se elle n’estoit secourue et li sièges

levés dedens le terme d’un mois, parmi tant que il

devoit avoir six mil frans françois pour les pourveances

30dou chastiel. Cilz trettiés fu entamés et mis

oultre, et demorèrent cil dou chastiel et li chastiaus

en segur, le dit terme, parmi le composition dessus

[162] ditte; et se dedens le mois il n’estoit secourus, li

chastiaus estoit rendus.

Ceste cose acordée, li dis chevaliers tantost le

segnefia au roy de France, au duch d’Ango et au

5duch de Berri et à tous les signeurs dont il cuidoit

estre aidiés, afin que il se peuist mieulz escuser de

blasme, se il en estoit approciés. Nonobstant ce et

toutes ses segnefiances, quoique li chastiaus fust biaus

et bons et moult necessaires à estre françois pour les

10pays d’Ango et de Tourrainne, onques il ne fu secourus

ne confortés de nullui: siques, sitos que li

mois fu passés et espirés, li signeur englès qui là estoient,

requisent au dit chevalier que il leur tenist

couvent, et de ce avoit il livret bons plèges. Li dis

15messires Jehans ne volt mies aler à l’encontre, et dist

ensi à ses compagnons, puisque li rois de France et

li dus d’Ango voloient perdre le forterèce, il ne le

pooit mies tous seus garder ne amender. Si le rendi

as signeurs qui là estoient, liquel en prisent tantost

20le saisine et possession, et en eurent grant joie. Et

eut, ensi que couvens portoit, li dis messires Jehans

six mil frans tous appareilliés pour les pourveances

dou dit chastiel, qui bien le valoient. Et fu aconvoiiés

et tout li sien des Englès jusques en le cité d’Angiers.

25Si tretost qu’il fu là venus, il fu pris et arestés dou

gouvreneur d’Angiers et mis ou chastiel en prison.

Si entendi ensi que, de nuit, il fu boutés en un sach

et jettés en le rivière qui là keurt et noiiés par

l’ordenance et commandement dou duch d’Ango, pour

30ce que il avoit pris or et argent pour le forterèce qui

estoit bien taillie de lui tenir un an, se mestier faisoit.

Ensi eurent li Englès le chastiel de le Roce sur Ion

[163] en Ango, et y misent grant garnison de par yaus et

le remparèrent bien et faiticement, et puis s’en retournèrent

en Angouloime deviers le prince.

§ 631. Apriès le conquès de le Roce sur Ion, si

5com ci dessus est dit, dont li François furent moult

courouciet, li signeur s’en retournèrent en Angouloime,

et là leur donna congiet li princes as aucuns

de retourner en leurs maisons. Si s’en ala messires

James d’Audelée, cilz vaillans chevaliers et seneschaus

10de Poito pour le temps, sejourner et demorer à Fontenay

le Conte. Là s’alitta li dis chevaliers de maladie

qui si le ragreva que il morut: de quoi messires li

princes et madame la princesse furent moult courouciet,

et ossi furent tout li baron et li chevalier de

15Poito. Se li fist on son obsèque moult reveramment

en le cité de Poitiers, et y fu li princes personelment.

Assés tos apriès, par le priière et requeste de tous les

barons et chevaliers de Poito, messires Jehans Chandos

qui estoit connestables d’Aquitainnes, fu seneschaus

20de Poito, et s’en vint demorer et sejourner en

le cité de Poitiers. Si faisoit souvent des issues et

des chevaucies sus les François, et les tenoit si court

qu’il n’osoient chevaucier, fors en grant route.

En ce temps, fu delivrés de prison li viscontes de

25Rocewart, que li princes avoit fait tenir, pour ce que

il le soupeçonnoit françois: siques, à le priière et requeste

de ses amis de Poito, qui estoient adonc dalés

le prince, li dis princes le delivra et li rendi toute sa

terre. Quant li dis viscontes fu delivrés de prison, il

30s’en vint couvertement, au plus tost qu’il peut, à Paris

devers le roy et se tourna françois, et revint arrière

[164] en sa terre, sans ce que on sceuist riens encores de

son afaire, et mist Thiebaut dou Pont, Breton, un

très bon homme d’armes, en se forterèce, et envoia

tantost deffiier le prince et fist grant guerre au prince.

5Or parlerons un petit dou duch de Lancastre.

§ 632. Quant li dus de Lancastre fu venus et arrivés

à Calais, ensi que ci dessus est dit, et il et ses

gens se furent un petit rafreschi, si ne veurent point

là plenté sejourner, que il ne fesissent aucun esploit

10d’armes en France. Si se departirent un jour si doy

mareschal, à bien trois cens lances et otant d’archiers,

et passèrent oultre Ghines et chevaucièrent si avant

qu’il vinrent jusques oultre le rivière d’Oske; et coururent

tout le pays de là environ, et prisent leur

15tour devers l’abbeye de Liques, et acueillièrent

toute le proie et ramenèrent à sauveté en le ville de

Calais. Et, l’endemain, il fisent un aultre chemin et

vinrent viers Boulongne, et portèrent moult grant

damage au plat pays. A ce donc se tenoient li contes

20Guis de Saint Pol et messires Gallerans ses filz en le

cité de Tieruane, à tout grant gent d’armes; mès point

n’issirent contre les dis Englès, quant il chevaucièrent,

car il ne se sentoient mies fort assés pour yaus

combatre ne tollir les camps.

25Ces nouvelles vinrent au roy de France, qui se tenoit

en le cité de Roem et qui là avoit le plus grant

appareil et le plus biel dou monde, comment li dus

de Lancastre efforciement estoit venus et arivés à

Calais, et couroient ses gens tous les jours sus France.

30Quant li rois et ses consaulz entendirent ce, si eurent

nouvelles imaginations. En celle propre sepmainne,

[165] devoit li dus de Bourgongne, o toute se carge où plus

avoit de trois mil chevaliers, entrer en mer pour aler

en Engleterre. Là regardèrent li rois, li prelat et ses

consaulz, que il estoit mieulz seans et apertenans,

5ou cas que on sentoit et savoit les Englès par deçà le

mer, d’yaus venir requerre et combatre que d’aler

en Engleterre. Si fu tous li premiers pourpos brisiés,

et cilz arrestés et segnefiiés par tout l’ost des François,

que cescuns, au plus tost que il peuist, se deslogast

10de Roem et là environ, et s’apparillast et avançast

de venir devers le ville de Calais avoec le duch

de Bourgongne, et dou commandement dou roy, car

on voloit aler combatre les Englès par deçà le mer.

Dont veissiés gens d’armes resjoïr et yaus apparillier,

15ce fu tantost tout toursé et deslogié, et se misent à

voie, cescuns qui mieulz mieulz.

Li dus de Bourgongne, o tout son arroy, se mist au

chemin et prist se adrèce pour venir passer le rivière

de Somme au pont à Abbeville, et fist tant par ses journées

20qu’il vint à Moustruel sus mer, et là et illuech environ,

à Hedin et à Saint Pol, et sus celle marce attendirent

li François l’un l’autre. Ja estoient venues ces

nouvelles au duch de Lancastre, que li François approçoient

fort pour yaus venir combatre. De quoi li dus de

25Lancastre estoit, o toutes ses gens, issus de Calais et

venus logier et prendre terre en le valée de Tournehen.

Gaires ne demora apriès ce qu’il fu là venus,

que cilz gentilz chevaliers, messires Robers de Namur,

en grant arroi, le vint servir à cent lances de bonnes

30gens, fuison de chevaliers et d’escuiers en se compagnie.

De sa venue fu li dus de Lancastre moult resjoïs,

et li dist: «Mon biel oncle, vous nous estes li

[166] bien venus. On nous donne à entendre que li dus de

Bourgongne approce fort à grant gent et nous voet

venir combatre.»—«Sire, respondi messires Robers,

Diex y ait part! si les verons volentiers.» Là se logièrent

5moult faiticement et apertement li Englès

droit ou val de Tournehen, et se fortefiièrent de sois

et de haies au plus foible lés de leur host. Et tous les

jours y venoient vivres et pourveances de Calais, et

si couroient leur coureur en le conté de Ghines, qui

10en conqueroient; mès c’estoit petit, car tous li plas

pays de là environ estoit perdus, et avoit on tout

mis ens ès forterèces.

Or vint li dus de Bourgongne à tout son arroi et

sa grande chevalerie. Si se loga sus le mont de

15Tournehen, et commandèrent si mareschal à logier

toutes gens à l’encontre des Englès. Si se logièrent li

dit François bien ordeneement tantost et sans delay,

et comprendoit leur logeis moult grant fuison, et

bien y avoit raison; car je oy adonc recorder pour

20certain que li dus de Bourgongne eut là avoech lui

quarante cens chevaliers: considerés donc se li demorans

de l’host n’estoit point grant. Et se tinrent

là un grant temps li un devant l’autre, sans riens

faire, car li dus de Bourgongne, comment que il fuist

25li plus fors et qu’il euist de bonnes gens d’armes sept

contre un, si ne se voloit il point combatre sans

l’ordenance et congié dou roy son frère, qui n’avoit

mies adonc encores avis ne conseil de ce faire. Et sachiés

de verité que, se li François se fuissent trait

30avant pour combatre les Englès, ja li dit Englès ne les

euissent refusés, mais estoient tous les jours apparilliés

et avisés pour yaus recevoir et avoient leurs

[167] conrois tous ordenés, et savoit çascuns quel cose il

devoit faire, se il traioient avant; mais, pour ce que il

estoient petit et en leur fort, il ne se voloient point

partir nicement de leur avantage. Si venoient bien

5souvent aucun compagnon enventureus escarmucier

as François: une heure y perdoient et l’autre y gaegnoient,

ensi que les aventures aviennent en telz fais

d’armes.

En ce temps, estoit li contes Loeis de Flandres

10moult enclins à l’onneur et prosperité dou duch de

Bourgongne, son fil, et se tenoit en une moult belle

maison dalés Gand, que nouvellement avoit fait

edefiier. Si ooit souvent nouvelles dou dit duch et

de son estat, et li dus de lui, par messagiers alans et

15venans. Et bien consilloit li dis contes à son fil, pour

son honneur, que il ne passast point oultre l’ordenance

dou roy son frère ne de son conseil.

Or retourrons un petit as besongnes des lontainnes

marces, car li chevalier et li escuier y avoient plus

20souvent à faire, et y trouvoient des aventures que il

ne fesissent d’autre part, pour les guerres qui y estoient

plus caudes.

§ 633. Ce terme pendant que ceste assamblée fu

faite à Tournehen et là environ, avinrent en Poito

25aucun fait d’armes qui ne font mies à oublier, car

messires Jehans Chandos qui estoit seneschaus de

Poito et uns très hardis et vaillans chevaliers, et qui

très grant desir avoit de trouver les François et combatre,

ne voloit point plenté sejourner. Si mist, entrues

30que il se tenoit à Poitiers, une chevaucie de

gens d’armes sus, Englès et Poitevins, et dist que il

[168] voloit chevaucier en Ango et revenir en Tourainne

et veoir les François qui se tenoient sus les frontières.

Tout son pourpos et sa chevaucie il segnefia au

conte de Pennebruch qui se tenoit en garnison, à bien

5deux cens lances, à Mortagne sus mer. Li contes de

ces nouvelles fu moult resjoïs, et volentiers y fust

alés, mès ses gens et aucun chevalier de son conseil

li brisièrent son desir et li disent: «Monsigneur,

vous estes uns jones homs et uns sires à parfaire. Se

10vous vos metés maintenant en le compagnie et en le

route de Chandos, il en ara le vois et le renommée,

et vous n’i serés ja nommés fors que ses compains.

Si vault trop mieulz que vous, qui estes uns grans

sires et de haute estration, que vous faciés vostre fait

15à par vous et laissiés faire Chandos, qui n’est que

uns bachelers ou regart de vous, le sienne à par lui.»

Ces parolles et aultres refroidièrent si le conte de

Pennebruch que il n’i eut nulle volenté d’aler et

s’escusa devers monsigneur Jehan Chandos.

20Pour ce ne volt mies brisier messires Jehans Chandos

sen emprise, mès fist sen assamblée à Poitiers bien et

ordeneement, et s’en parti à tout trois cens lances,

chevaliers et escuiers, et deux cens arciers. Et là furent

messires Thumas de Persi, messires Estievenes de

25Gousenton, messires Richars de Pontchardon, messires

Eustasses d’Aubrecicourt, messires Richars Tanton,

messires Thumas li Despensiers, messires Neel

Lorinch, messires d’Agorises, messires Thumas Balastre,

messires Jehans Trivés, messires Guillaumes

30de Montendre, messires Mauburnis de Linières, messires

Joffrois d’Argenton et pluiseur aultre. Si chevaucièrent

ces gens d’armes et cil arcier arreement

[169] et hardiement et par bonne ordenance, ensi que pour

faire un grant fait, et trespassèrent Poito et entrèrent

en la ducé d’Ango. Si tretost que il s’i trouvèrent,

il se commencièrent à logier sus le pays et à envoiier

5leurs coureurs devant ardoir et exillier tout le plat

pays. Si fisent en ce dit bon pays et gras d’Ango ces

gens d’armes moult de maulz, ne nulz ne leur vint

ne ala au devant, et y sejournèrent plus de quinze

jours, especialment dedens un pays qui est durement

10bons et plentiveus que on appelle Loudonnois; et

puis se misent au retour entre Ango et Tourainne et

tout contreval le rivière de Cruese. Et entrèrent messires

Jehans Chandos et ses gens en le terre le visconte

de Rochewart. Si le ardirent et gastèrent malement,

15ne riens n’i laissièrent fors les forterèces, que

tout ne fust essillié. Et furent devant le ville de Rochewart

et l’assallirent de grant façon, mès riens n’i

conquisent, car il y avoit dedens Bretons et bonnes

gens d’armes, desquelz Thiebaus dou Pont et Alyos

20de Talay estoient chapitainne. Cil le gardèrent de

blasme et de prendre.

Si passèrent oultre li dit Englès, et vinrent à

Chauvegni. Là entendi messires Jehans Chandos que

li mareschaus de France, messires Loeis de Sanssoire,

25et grant gent d’armes estoient à le Haie en

Tourainne. Si eut très grant volenté d’aler celle part,

et segnefia encores se intention moult hasteement

au conte de Pennebruch, en lui priant que il y volsist

estre et aler avoech lui devant le Haie en Tourainne,

30et qu’il le trouveroit à Chastieleraut. Si fu

Chandos li hiraus noncières et portères de ce message,

et trouva le dit conte de Pennebruch à Mortagne

[170] sus mer, qui là faisoit son amas et sen assamblée

de gens d’armes, et voloit faire, ensi qu’il

apparoit, une chevaucie. Si s’escusa encores li dis

contes par l’information de son conseil, et dist qu’il

5n’i pooit estre. Au retour que li hiraus fist, il trouva

son mestre et ses gens à Chastieleraut, se li fist response

de son message. Quant messires Jehans Chandos

entendi ce, si en fu tous merancolieus et cognut

tantost que par orgueil et presumption li contes laissoit

10ce voiage à faire. Si respondi à ces parolles et

dist: «Diex y ait part!» et donna là le plus grant

partie de ses gens congiet et les departi, et ilz meismes

retourna en le cité de Poitiers.

§ 634. Or vous compterons dou conte Jehan de

15Pennebruch quel cose il fist. Si tretost comme il peut

savoir que messires Jehans Chandos fu retrais à Poitiers

et qu’il eut donné ses gens congiet, il mist sa

chevaucie sus, où bien avoit trois cens lances, Englès

et Poitevins, et se departi de Mortagne. Et encores

20y eut aucuns chevaliers et escuiers de Poito et de

Saintonge, et ossi Englès qui avoient esté avoech

Chandos, qui se remisent en se route. Si chevaucièrent

ces gens d’armes, desquelz li contes de Pennebruch

estoit chiés et souverains, et passèrent parmi

25Poito, et fisent et prisent à l’adrèce ce propre chemin

que messires Jehans Chandos et ses gens avoient fait.

Et entrèrent en Ango et parardirent et essillièrent

dou plat pays grant fuison que li premier avoient

laissiet, qui s’estoit rançonnés, et se reposèrent et

30rafreschirent en ce bon pays de Loudonnois, et

puis reprisent leur adrèce, et s’en vinrent en le

[171] terre le visconte de Rochewart, où il fisent grant

damage.

Li François qui se tenoient ens ès garnisons françoises,

sus les marces de Poito, de Tourainne et

5d’Ango, où moult avoit de bonnes gens grant fuison,

entendirent et sceurent de verité de ces deux chevaucies

comment par orgueil li contes de Pennebruch,

qui estoit uns jones homs, n’avoit volu venir en le compagnie

de monsigneur Jehan Chandos. Si se avisèrent

10que il le metteroient jus, se il pooient, et feroient ce

trop plus aisiement que le dessus dit monsigneur

Jehan Chandos. Si fisent un mandement secretement

de toutes les garnisons là environ, et s’en fist chiés

messires Loeis de Sanssoire, mareschaus de France.

15Si se avalèrent ces gens d’armes de nuit secretement

tout en le Roce de Ponsoy, en Poito, qui estoit françoise.

Là estoit messires Robers de Sanssoirre, cousins

au dit mareschal, messires Jehans de Viane,

messires Jehans de Buel, messires Guillaumes des

20Bordes, messires Loeis de Saint Juliien et Karenloet,

breton, et estoient bien sept cens combatans.

Li contes de Pennebruch avoit pris son tour et

estoit rentrés en Poito et parars toute le terre dou

visconte de Rocewart. En se compagnie estoient

25messires Bauduins de Fraiville, seneschaus de Saintonge,

messires Thumas de Persi, messires d’Aghorises,

messire Jehans Oursvich, messires Jehans

Harpedane, messires Jakes de Surgières, messires

Jehans Courson, messires Thumas de Saint Aubin,

30messires Thumas le Dispensier, messires Robers Tinfort,

messires Symons Housagre, messires Jehans

de Mortain, messires Jehans Touchet et pluiseur aultre.

[172] Si chevauçoient cil Englès et cil Poitevin sans

nul esmay, et n’avoient encores oy nouvelles de nulles

gens d’armes, et s’en estoient rentré à tout grant

pillage et grant avoir en Poito. Si s’en vinrent un

5jour, de haute nonne, logier en un village que on

appelle Puirenon, ensi que cil qui cuidoient estre

tout asseguré. Et si que leur varlet entendoient à establer

leurs chevaus et appareillier le souper, evous

ces François venus, qui savoient bien lor couvine,

10tout avisé de ce qu’il devoient faire; et entrèrent en

ce village de Puirenon, les lances abaissies et escriant

leurs cris: «Nostre Dame! Sanssoire au mareschal!»

et puis commencièrent à abatre et à decoper gens

par ces rues et dedens leurs hosteulz. Li cris et la

15noise se commença tantost à eslever, et gens entrer

en très grant effroy, car il estoient soudainnement

souspris.

Ces nouvelles vinrent au conte de Pennebruch,

à monsigneur Thumas de Persi, à monsigneur Bauduin

20de Fraiville et as aultres chevaliers, que c’estoient

li François qui les avoient envaïs et assallis.

Si furent tantos chil signeur et leurs gens appareilliet,

et se traisent hors de leurs hosteulz et se commencièrent

à recueillier ensamble, mès il n’i peurent tout

25venir; car li force des François fu là si grande que

li Englès et li Poitevin d’un lés ne les peurent souffrir,

et en y eut à celle première empainte mors que

pris plus de six vingt. Et n’eurent li contes de Pennebruch

et aucun chevalier qui là estoient, plus

30de remède et d’avis qu’il se retraisent, au plus tost

qu’il peurent, en une plate maison de Templiers,

seans tout au sech, et tant seulement fremée de pierre.

[173] Là se recueillièrent et boutèrent et enfremèrent cil

qui y peurent venir à temps. Tout li demorant y furent

mort et pris, et le plus grant partie de leur harnas

et de leurs chevaus perdus; et perdi li dis contes

5de Pennebruch toute sa vaisselle.

Li François, qui les sievoient de priès, entendirent

qu’il estoient là recueilliet et enclos; si en furent tout

joiant et disent entre yaus: «Il ne nous poeent escaper.

Tout seront nostre: nous leur ferons chierement

comparer les damages qu’il ont fais en Ango et en Tourainne.» 10

Dont se traisent devers ceste maison moult

ordeneement et trop bien appareilliet, et en grant volenté

pour assallir. Quant il furent là venu, ja estoit

heure de remontière: si regardèrent le dit hostel et

15avisèrent devant et derrière, et considerèrent assés que

il estoit bien prendables. Si le commencièrent à assallir

durement et reskement, et eut là fait tamainte grant

apertise d’armes, car li François estoient grant fuison

et bonnes gens. Si assalloient en pluiseurs lieus et

20donnoient le dit conte Pennebruch et ses gens moult

à faire; et li Englès, qui n’estoient pas grant fuison,

se prendoient priès de bien faire le besongne et de

yaus deffendre, car il leur touchoit.

Si y eut ce jour dreciet aucunes eskelles et compagnons

25aventureus montans amont, paveschiés sus leurs

testes, pour yaus contregarder et garandir des pierres

et dou tret; et quant il venoient tout amont, il n’avoient

riens fait, car il trouvoient bien à qui parler, gens d’armes,

chevaliers et escuiers, tenans lances et espées en

30leurs mains, qui les combatoient vassaument main à

main, et qui les faisoient descendre plus tost qu’il ne

fuissent monté. Avoec tout ce, il y avoit arciers

[174] d’Engleterre, entrelardés entre ces gens d’armes, à deux

piés, tous descaus, tous drois sus le mur, et traioient

assés ouniement, lequel tret li François assallant qui

estoient desous, durement ressongnoient. En ce

5frefel, assaut et rihote, il furent jusques à le nuit que

li François, qui estoient tout lasset et travilliet d’assallir

et de combatre, se retraisent et sonnèrent leurs

trompètes de retrait, et disent qu’il en avoient assés

fait pour ce jour, jusques au matin que de recief on

10les venroit assallir. Tout consideré entre yaus, disoient

li François: «Il ne nous poeent escaper, ne

eslongier qu’il ne soient nostre; car nous les tenons

pour enclos et affamés.» Si s’en vinrent à leur logeis

liet et joiant, et se aisièrent de ce qu’il eurent, et

15fisent grans gais par devant le ditte maison dou Puirenon,

pour estre mieulz assegur de leur afaire.

§ 635. Vous devés bien croire et sçavoir de verité

que li signeur, premièrement li contes de Pennebruch

et li chevalier qui là estoient assis et enclos

20de leurs ennemis dedens l’ostel dou Puirenon, n’estoient

mies à leur aise, car il sentoient leur forterèce

qui n’estoit pas trop forte pour durer à le longe encontre

tant de bonnes gens d’armes, et si estoient

mal pourveu d’arteillerie, qui leur estoit uns grans

25griés, et ossi de vivres, mès de ce ne faisoient il nul

compte, car au fort il viveroient bien un jour et une

nuit pour yaus garder, se mestier faisoit. Quant ce

vint en le nuit qu’il faisoit brun et espès, il priièrent

à un escuier, homme d’armes des leurs en qui il

30avoient grant fiance, et li disent que il se volsist

partir et on li feroit voie par derrière, et chevauçast

[175] esploiturierement, il seroit au jour à Poitiers; là trouveroit

il monsigneur Jehan Chandos et ses compagnons:

se leur desist comment il leur estoit; encores

venroient il bien à temps pour yaus conforter, car il

5se tenroient bien en le ditte maison jusques à nonne.

Li escuiers, qui vei le grant dangier où il et tout si

signeur estoient, dist qu’il ferait ce message volentiers,

et encores s’ahati il de trop bien savoir le chemin.

Si se parti de laiens environ heure de mienuit,

10quant cil de l’host furent asserisiet, par une fausse

posterne, et se mist au chemin au plus droit qu’il

peut et qu’il sceut pour venir à Poitiers. Mès tant y

eut que onques celle nuit il ne peut ne sceut tenir

voie ne chemin, et s’i fourvoia, et fu grans jours

15ançois qu’il peuist entrer en le voie de Poitiers.

Quant ce vint à l’aube dou jour, li François qui

avoient assis les Englès ou Puirenon, ensi que vous

oés, sonnèrent leurs trompètes et s’armèrent, et disent

et regardèrent entre yaus qu’il assaurroient à le froidure

20dou jour, car ce leur estoit plus pourfitable que

en le caleur dou jour. Li contes de Pennebruch et

li chevalier qui dedens leur clos estoient, et qui toute

le nuit point dormi n’avoient, mès, ce qu’il avoient

peut, fortefiiet s’estoient de pierres et de baus que

25sus les murs aporté avoient, sentirent bien que li

François se ordenoient pour yaus venir assallir: si se

confortèrent et avisèrent selonch ce. Devant heure

de soleil levant, une bonne espasse, furent li dit François,

signeur et gens d’armes, tout apparilliet et ordonné

30pour venir assallir, et lors fu commandé de

par leurs signeurs et chapitainnes de traire avant.

Lors s’en vinrent devers le dit hostel par connestablies,

[176] et entrèrent de recief de grant volenté en l’ouvrage

de leur assaut; et trop bien à ce commencement

s’en acquittèrent et fisent leur devoir. Et avoient

aporté eschielles, si les apoioient contre les murs et

5montoient sus à l’estrivée, armé et paveschié souffissamment,

car aultrement il n’euissent point duré; et

tenoient à honneur et à grant vasselage celi qui pooit

estre montés premiers: ossi estoit ce vraiement. Là

n’estoient mies li Englès wiseus ne recreant d’yaus

10deffendre, car aultrement il euissent estet pris tantost;

mès se deffendoient si vaillamment que merveilles

seroit à penser, et jettoient pierres sus ces targes et

ces bachinés: par quoi il les rompoient et effondroient,

et en navrèrent pluiseurs et blecièrent bien

15griefment par celle desfense, ne on ne vei onques

mès gens yaus si vaillamment tenir ne deffendre en

si petite force contre tant de bonnes gens d’armes.

Ensi fu cilz assaus continués dou matin jusques à

prime.

20§ 636. Entre prime et tierce et ou plus fort de l’assaut,

et que li François se ragrignoient moult de ce

que tant duroient li dit Englès, tant qu’il s’avançoient

malement sans yaus espargnier, et avoient mandés

ens ès villages de là environ piks et haviaus pour

25effondrer le mur, et c’estoit ce que li dit Englès

ressongnoient, li contes de Pennebruch appella de recief

un sien escuier, ouquel il avoit moult grant

fiance, et li dist: «Mon ami, montés sus mon coursier

et issiés hors par derrière; on vous fera voie. Si

30chevauciés à grant esploit devers Poitiers, et recordés

à monsigneur Jehan Chandos l’estat et le dangier et

[177] le peril où nous sommes, et me recommendés à lui à

tout ces ensengnes.» Lors trait un aniel d’or hors

de son doi et dist: «Donnés li de par moy, il recognistera

bien ces ensengnes que elles sont vraies.»

5Li dis escuiers, qui tint ceste afaire à haute honneur,

prist l’aniel et monta vistement sus un coursier le

plus apert de laiens, et se departi par derrière entrues

c’on assalloit, car on li fist voie, et se mist au chemin

devers le cité de Poitiers. Et toutdis duroit li assaus

10grans et fors, et assalloient François mervilleusement

bien, et Englès se deffendoient de grant corage;

et bien le couvenoit, car aultrement sans desfense

plus grande que nulle aultre, il n’euissent point duré

deux heures.

15Or vous parlerons dou premier escuier le dit conte,

qui estoit partis dou Puirenon à heure de mienuit, et

qui toute le nuit s’estoit fourvoiiés, sans tenir voie ne

sentier. Quant ce vint au matin et il fu grans jours,

il recogneut son chemin; si se mist à adrèce par devers

20Poitiers, et ja estoit ses chevaus tous lassés. Toutes

fois il vint là environ heure de tierce, et descendi

en le place devant l’ostel monsigneur Jehan Chandos.

Si entra tantost ens et le trouva qu’il estoit à messe;

si s’en vint devant lui et s’engenilla, et fist son message

25bien et à point. Messires Jehans Chandos, qui

encores avoit en le teste le merancolie de l’autre jour,

dou conte de Pennebruch qui n’avoit volu chevaucier

avoech lui, ne fu mies à ce premier si enclins que

merveilles, et respondi tant seulement: «Ce seroit

30fort que nous y peuissions venir à temps!» et oy toute

sa messe. Tantost apriès messe, les tables furent mises

et drecies, et la cuisine appareillie; si demanda

[178] on au dit monsigneur Jehan se il voloit disner. Il respondi:

«Oïl, puisqu’il est priès.» Tantos il se traist

en le salle. Chevalier et escuier sallirent avant, qui

aportèrent l’aigue. Tout ensi comme il lavoit pour

5seoir à table, evous le secont message dou conte Jehan

de Penebruch, qui entre en la salle et encline

monsigneur Jehan Chandos, et trait tantost l’aniel

hors de son doy et li dist: «Ciers sires, messires li

contes de Pennebruch se recommende à vous à tout

10ces ensengnes, et vous prie chierement que vous le

venés conforter et oster d’un grant dangier et peril

où il est au Puirenon.»

Messires Jehans Chandos prist l’aniel et le regarda

et le recogneut, et vei bien que c’estoient vraies

15ensengnes. Si respondi: «Ce seroit fort de là venir

à temps, quant il estoient en tel dangier et tel parti

que vous me comptés, à vostre departement.» Et

puis dist: «Alons, alons disner: se il estoient tout

mort et tout pris, se nous fault il disner.» Si s’assist

20à table li dis messires Jehans Chandos et tout

li aultre, et mengièrent leur premier més. Ensi qu’il

estoient ja servi dou secont et l’avoient ahers, messires

Jehans Chandos qui avoit moult imaginé sus

ces besongnes, leva la tieste, en regardant sus les

25compagnons, et dist une parolle qui fu volentiers

oye: «Li contes de Pennebruch, qui est uns sires de

noble sanch et de hault afaire et de grant linage, et

qui est filz de mon naturel signeur le roy d’Engleterre,

car il eut sa fille espousée, et qui est compains

30en armes et en toutes aultres coses à monsigneur de

Cantbruge, me prie si bellement, que je doi bien descendre

à se priière et lui secourir et conforter, si g’i

[179] puis venir à temps.» Adonc bouta il la table oultre

et dist: «As chevaus! As chevaus! Je voeil chevaucier

devers le Puirenon.» Lors veissiés gens avoir

grant joie de ces parolles et yaus tantost apparillier,

5et ces trompètes sonner, et gens d’armes parmi Poitiers

monter à cheval, çascuns qui mieulz mieulz; car

il furent tantost enfourmé dou fait que messires Jehans

Chandos chevauçoit viers Puirenon, pour conforter

le conte de Pennebruch et se route, que li François

10avoient là assis. Lors se misent as camps chevalier

et escuier et gens d’armes, et se trouvèrent tantost

plus de deux cens lances, et toutdis leur croissoient

gens.

§ 637. Ensi que messires Jehans Chandos et se

15route chevauçoient efforciement, certainnes nouvelles

en vinrent au Puirenon entre les François, qui continuelment

avaient assalli dou point dou jour jusques

à heure de miedi, et leur disent leurs espies

qu’il avoient toutdis sus les camps: «Chier signeur,

20avisés vous, car messires Jehans Chandos est partis

de Poitiers à plus de deux cens lances, et s’en vient

celle part à grant esploit et à grant desir qu’il vous

puist trouver.»

Quant messires Loeis de Sanssoirre, messires Jehans

25de Viane, messires Jehans de Buel et li aultre

qui là estoient, entendirent ces nouvelles, si se

consillièrent, et disent ensi là entre yaus li plus avisé:

«Nos gens sont lassé et travillié d’assallir et de

rihoter à ces Englès hui et hier: si vault mieulz que

30tout bellement nous nos mettons au retour et à sauveté

nostre gaaing et nos prisonniers, que ce que nous

[180] attendons ci l’aventure et monsigneur Jehan Chandos

et se route qui sont fresch et nouviel, car plus y porions

perdre que gaegnier.» Cilz consaulz fu tantost

creus, car il n’i couvenoit point un lonch sejour. Si

5fisent li signeur sonner les trompètes de retrait. A ce

son se retraiirent toutes leurs gens et se recueillièrent

et misent ensamble, et aroutèrent tout leur harnas et

leur caroy, et se misent au chemin pour revenir devers

le Roce de Ponsoy.

10Li contes de Pennebruch et li aultre compagnon,

qui veirent celle retrette, cogneurent tantost que

li François avoient oy nouvelles; si disent par verité:

«Chandos chevauce: pour ce sont retret cil

François qu’il ne l’osent attendre. Or tost, or tost,

15partons de ci, retraions nous vers Poitiers, nous

l’enconterons.» Donc montèrent as chevaus cil qui

les avoient, et qui point n’en avoit, il aloit tout à

piet, et li pluiseur montoient li doi sus un cheval.

Si se departirent dou Puirenon et prisent le chemin

20de Poitiers. Et n’estoient mies, en sus de le maison

où si vaillamment s’estoient tenu, une liewe, quant

il encontrèrent monsigneur Jehan Chandos et toute

se route, en cel estat que je vous ay dit, les aucuns

à piet, les aultres yaus deux sus un cheval. Si se

25fisent là grans recognissances et grans approcemens

d’amour. Et dist messires Jehans Chandos qu’il estoit

moult courouciés, quant il n’estoit là venus à

temps, pour quoi il euist trouvés les François. Si

chevaucièrent ensi, en genglant et en parlant, environ

30trois liewes, et puis prisent congiet li un de

l’autre.

Si retourna messires Jehans Chandos à Poitiers, et

[181] messires li contes de Pennebruch à Mortagne sus

mer, dont il s’estoit premierement partis; et li mareschaus

de France et leurs gens retournèrent à le Roce

de Ponsoy, et là se rafreschirent et departirent leur

5butin. Et puis si se retraist cescuns en se garnison, et

emmenèrent leurs prisonniers; si les rançonnèrent

courtoisement, quant il veurent, ensi que Englès et

François ont toutdis fait l’un l’autre.

Or, retourrons nous à l’assamblée de Tournehen

10et parlerons de le mort la plus gentilz royne, plus

large et plus courtoise qui onques regna à son temps:

ce fu madame Phelippe de Haynau, royne d’Engleterre

et d’Irlande.

§ 638. En ce temps que ceste assamblée de tant

15de nobles dou royaume de France fu faite à Tournehen,

desquelz li dus de Bourgongne estoit chiés et

souverains, et li dus de Lancastre qui se tenoit en le

valée avoecques ses gens de l’autre part, avint en Engleterre

une cose toute commune, mès elle fu trop

20piteuse et moult triste pour le roy, ses enfans et tout

le pays. Car la bonne dame, royne d’Engleterre, qui

tant de biens avoit fais en son vivant et reconforté

tant de chevaliers et tant de dames et de damoiselles,

et si largement donné et departi le sien à toutes gens,

25et qui si naturelment avoit toutdis amé chiaus et

celles de le nation de Haynau, le pays dont elle fu

née, s’acouça malade au lit ens ou chastiel de Windesore;

et tant porta celle maladie que elle aggreva durement

et que fins de jour vint.

30Quant la bonne dame et royne cogneut que morir

le couvenoit, elle fist appeller le roy son mari; et

[182] quant li rois fu devant lui, elle traist hors de sa couvreture

sa droite main et le mist en le main droite

dou dit roy qui grant tristèce avoit au cuer. Et là dist

la bonne dame ensi: «Monsigneur, Dieu merci, nous

5avons en pais et en joie et en grant prosperité usé

nostre temps. Si vous pri que, à ce departement, vous

me voeilliés acorder trois dons.» Li rois, tout en

larmiant, respondi et dist: «Dame, demandés: il

vous sont acordé.»

10«Monsigneur, à toutes manières de bonnes gens

où dou temps passé j’ay eu à faire de leur marcheandise,

tant deçà le mer comme delà, de ce que je sui

tenue envers yaus, vous les en voeilliés croire legierement

et paiier, pour moy acquitter; en apriès, toutes

15les ordenances que j’ay fait, et lais ordonnés as

eglises de ce pays et à celles de delà le mer où j’ai eu

ma devotion et à ceulz et celles qui m’ont servi, que

vous les voeilliés tenir et acomplir. Tiercement,

monsigneur, je vous pri que vous ne voelliés eslire

20aultre sepulture que de jesir dalés moy, ou clostre de

Wesmoustier, quant Diex fera sa volenté de vous.»

Li rois, tout en plorant, respondi: «Dame, je le vous

acors.»

En apriès, la bonne dame fist le signe de le vraie

25crois sus lui et commanda le roy à Dieu, et son fil

monsigneur Thumas le mainsné qui estoit dalés lui,

et puis assés tost elle rendi son esperit: lequel, je croy

fermement, li saint angele de paradys ravirent et

emportèrent à grant joie en le glore des cieulz, car

30onques en sa vie ne fist ne pensa cose par quoi elle

le deuist perdre. Si trespassa la dessus ditte royne

d’Engleterre l’an de grasce Nostre Signeur mil trois

[183] cens soixante neuf, le vegille Nostre Dame, en le

moiienne d’aoust.

§ 639. Les nouvelles en vinrent à Tournehen, en

l’ost des Englès: si en furent toutes manières de gens

5durement coureciet, et par especial ses filz li dus de

Lancastre. Il n’est mors que il ne couviegne oubliier

et passer. Pour ce, ne laissièrent mies li Englès à tenir

lor estat et leur ordenance, et furent là un grant

temps devant les François.

10Or avint que aucun chevalier et escuier de France,

qui là estoient et qui leurs ennemis tous les jours

veoient, se consillièrent un jour et eurent parlement

ensamble de aler à l’endemain, au point dou jour,

escarmucier les Englès, et dou resvillier sus leur gait.

15De cel acort furent plus de trois cens chevaliers et

escuiers, et li plus estoient de Vermendois, d’Artois

et de Corbiois, as armes. Si le segnefiièrent ensi li un

à l’autre, sans parler à leurs mareschaus. Quant ce

vint au matin qu’il deurent faire leur emprise, il furent

20au point dou jour tout armé et monté à cheval et mis

ensamble. Si chevaucièrent en cel estat sans effroy, et

commencièrent à tourniier le mont de Tournehen,

pour venir à leur avantage et ferir en l’une des èles

de l’ost des Englès.

25A ce costet estoit li logeis de monsigneur Robert

de Namur et de ses gens. Celle propre nuit, avoit

fait le gait li dis messires Robers, siques sus l’ajournement

il s’estoit retrais et seoit à table tous

armés, horsmis son bachinet, et li sires de Spontin

30dalés lui. Evous venu ces François, qui se fièrent

en ces logeis de monsigneur Robert et d’aucuns aultres,

[184] Alemans et Englès, qui estoient ossi logiet de

ce costet. Encores n’estoient point desarmet cil qui

avoient fait le gait avoech monsigneur Robert, dont

trop bien leur chei et vint à point; car il se misent

5tantost au devant de ces gens d’armes et de ces François,

qui venoient esporonnant de grant volenté, et

leur deffendirent et brisièrent le chemin. Les nouvelles

vinrent tantost au dit monsigneur Robert que ses

gens se combatoient et estoient assalli des François.

10En l’eure, il bouta le table oultre où il seoit, et dist

au signeur de Spontin: «Alons, alons aidier nos

gens.» Tantost il mist son bachinet et monta à cheval,

et fist prendre sa banière qui estoit devant son

pavillon, et desvoleper.

15Là li fu dit: «Sire, envoiiés devers le duc de

Lancastre: si ne vous combaterés point sans lui.»

Il respondi franchement et dist: «Je ne sçai, je

voeil aler, le plus droit chemin que je porai, devers

mes gens. Qui voelt envoiier devers monsigneur

20de Lancastre, si envoie; et qui m’aime, se me sieuce.»

Lors se parti, le glave ou poing, en approçant les ennemis,

le signeur de Spontin et monsigneur Henri de

Senselles dalés lui, et ossi li aultre chevalier. Tantos

furent à le bataille, et trouvèrent leurs gens qui se

25combatoient as François, qui estoient moult grant

fuison, et qui deuissent bien avoir fait, au voir dire,

un grant fait. Mais si tretost qu’il veirent monsigneur

Robert de Namur venu et se banière, il ressortirent

et brisièrent leur conroy, car il se doubtèrent espoir

30que toute li hos ne fust estourmie. Si estoit elle en

pluiseurs lieus, et ja estoit haus solaus levés. Là fu

mors desous le banière de monsigneur Robert uns

[185] chevaliers de Vermendois, qui s’appelloit messires

Rogiers de Coulongne, dont ce fu damages; car il estoit

friches homs, doulz et courtois durement et bons

chevaliers en tous estas.

5Ensi se porta ceste besongne. Li François retournèrent

sans plus de fait, qui doubtèrent à plus perdre;

et messires Robers ne les volt mies cachier trop

folement. Si recueilla ses gens, quant li François furent

tout retrait et rebouté, et s’en revinrent en leurs

10logeis.

§ 640. Depuis ceste avenue, n’i eut nul fait d’armes

qui à recorder face. Si desplaisoit il bien à aucuns

chevaliers, de l’un costet et de l’autre, de ce que

on ne se combatoit, et disoit on tous les jours: «On

15se combatera demain! On se combatera demain!»

Et cilz jours ne vint onques. Car, si com ci dessus est

dit, li dus de Bourgongne ne voloit mies brisier l’ordenance

dou roy, son frère, ne aler contre; car il

li estoit destroitement commandé, et avoit tousjours

20messagiers alans et venans dou roy au duch et dou

duc au roy. Li dus de Bourgongne, si com je fui

adonc enfourmés, imagina et considera qu’il gisoit là

à grant fret et qu’il n’i pooit estre longement

honnourablement, quant il avoit bien quatre mil chevaliers

25et plus, et il veoit tous les jours ses ennemis, qui

n’estoient que une puignie de gens, et point ne les

aloit combatre. Si envoia des ses chevaliers devers le

roy son frère, qui li remoustrèrent vivement se entention.

Li rois cogneut assés que li dus avoit raison.

30Se li remanda que, ses lettres veues, il se deslogast et

donnast toutes ses gens congiet et se retraisist vers

[186] Paris hasteement, car il meismes y aloit, et là li ordonneroit

il d’aler aultre part. Quant li dus de Bourgongne

oy ces nouvelles, si les segnefia secretement

as plus grans de toute son host, et dist: «Il nous

5fault deslogier, li rois nous remande.» Quant ce vint

à heure de mienuit, cil qui enfourmé estoient de ce

fait, eurent tout toursé et furent tout monté, et boutèrent

le feu en leurs logeis.

A ceste heure, revenoit messires Henris de Senselles

10à son logeis, et faisoit le gait des gens monsigneur

Robert de Namur, à qui il estoit. Si perçut

un feu et puis deux et puis trois. Si dist en soi

meismes: «Li François nous poroient bien venir

resvillier; il en font durement contenance. Alons,

15alons, dist il à chiaus qui estoient dalés lui, devers

monsigneur Robert; si l’esvillons, par quoi il soit

pourveus bien et à point.» Si s’en vint li dis messires

Henris tantost en la loge de monsigneur Robert, et

appella ses cambrelens et dist: «Il fault que messires

20s’esveille.» Li varlet alèrent jusques au lit, et li dis

messires Henris dalés yaus, qui esvilla le dit monsigneur

Robert, et li dist tout l’afaire ensi qu’il aloit.

Donc respondi messires Robers: «Nous orons assés

tost aultres nouvelles; faites armer et apparillier nos

25gens.» Et il meismes s’arma et appareilla tantost. Et

quant ses gens furent venu, il fist prendre se banière

et s’en ala devers le tente dou duch de Lancastre,

qui ja s’armoit, car on li avoit segnefiiet ces nouvelles,

et fu tantost appareilliés et se traist devant sa

30tente, sa banière en present. Et là vinrent li signeur

petit à petit devers le dit duch; et, ensi qu’il venoient,

il se rengoient et se taisoient tout quoy et sans

[187] lumière. Et envoia adonc par ses mareschaus li dus

rengier tous ses arciers au devant dou lieu par où il

esperoient que li François les venroient combatre, se

il venoient; car pour certain il cuidoient bien estre

5combatu. Quant il eurent esté en cel estat bien deus

heures et plus, et il veirent que nulz ne venoit, si

furent plus esmervilliet que devant.

Adonc appella li dus de Lancastre aucuns signeurs

qui là estoient dalés lui, et leur demanda quel cose en

10estoit bonne à faire. Li uns disoit d’un et li autres

d’autre, çascuns selonch sen opinion. Et quant li dus

vint à ce vaillant et sage chevalier, monsigneur Gautier

de Mauni, il demanda: «Et vous, messire Gautier,

qu’en dittes?»—«Je ne sçai, dist messires Gautiers,

15mès, se j’en estoie creus ne oys, je ordonneroie mes

arciers et mes gens d’armes par manière de bataille, et

iroie petit à petit toutdis avant. Il sera tantost grans

jours, se vera on devant lui.» Li dus s’asentoit bien à

ce conseil, et li autre consilloient le contraire et disoient

20au duch qu’il ne se meuist. Si furent en ce detri

et en ce debat jusques adonc que on ordena des gens

monsigneur Robert de Namur et des gens monsigneur

Walerant de Borne, à monter à cheval, pour tant qu’il

estoient able, fort bien monté, et bien savoient

25chevaucier.

Si s’en partirent adonc environ trente, tous des

plus apparilliés, et chevaucièrent devers l’ost et s’avalèrent

tout bas. Entrues que cil fisent leur chemin,

encores dist messires Gautiers de Mauni au duch:

30«Sire, sire, ne me creés jamès, se cil François ne

s’enfuient. Montés et faites monter vos gens, et les

poursievés asprement, et vous arés une belle journée.»

[188] Adonc respondi li dus, si com je fui adonc enfourmés,

et dist: «Messire Gautier, j’ay usé par conseil

jusques à ores, et encor feray; mais je ne poroie

croire que tant de vaillans gens et de noble chevalerie

5qui là sont, se deuissent ensi partir sans cop ferir.

Espoir les feus qu’il ont fais, c’est pour nous attraire,

et tantos revenront no coureur qui nous en diront

le verité.»

§ 641. Ensi comme il parloient et se devisoient,

10evous les coureurs revenus, et disent au pourpos de

monsigneur Gautier de Mauni tout ce qu’il avoient

veu et trouvé, et que li dus de Bourgongne et ses

gens s’en aloient, et n’avoient nullui trouvé, fors aucuns

povres vitailliers qui sievoient l’ost. Là eut de

15son conseil li dis messires Gautiers de Mauni haute

honneur, et grandement en fu recommendés. Si se

traist li dus dedens son logeis, et cescuns sires ou

sien, et s’alèrent desarmer. Et fust li dis dus venus

disner ens ès logeis des François et en leur place, se

20ce n’euist esté pour le feu qui y estoit trop grans et li

fumière; mais dou soir il y vint souper et logier sus

le montagne, et ses gens ossi, et se tinrent là tout aise

de ce qu’il eurent. A l’endemain, il se deslogièrent et

retournèrent en le ville de Calais. Et li dus de Bourgongne,

25quant il se desloga, s’en vint ce jour à Saint

Omer et là se tint, et toute son host se departi, et

s’en rala cescuns en son lieu. On les euist depuis à

grant dur remis ensamble.

En celle propre sepmainne que li departie de Tournehen

30se fist, li contes de Pennebruch, qui estoit en

Poito et qui avoit pris en trop grant desplaisance ce

[189] que messires Loeis de Sansoirre, messires Jehans de

Viane, messires Jehans de Buel et li aultre l’avoient

ensi ruet jus au Puirenon, si com ci dessus est contenu,

si s’avisa que il se contrevengeroit, se il pooit.

5Si se parti de Mortagne sus mer o tout son arroy, environ

deux cens lances, et s’en vint en Angouloime

dalés le prince, qui li fist grant chière. Li dis contes

li pria que il li volsist prester ses gens et acorder à

mettre une chevaucie sus, car il avoit grant desir de

10lui contrevengier dou despit que li François li avoient

fait. Li princes, qui moult l’amoit, li acorda

legierement.

A ce donc estoit nouvellement revenus et issus

hors de le conté d’Ermignach messires Hues de Cavrelée,

15et avoit ramené plus de cinq cens combatans,

gens de Compagnes. Si l’ordonna li princes à aler en

ceste chevaucie avoech le dit conte. Encores en furent

priiet dou conte de Pennebruch messires Loeis

de Harcourt, messires Guichars d’Angle, messires Perchevaus

20de Coulongne, li sires de Pons, li sires de

Partenay, li sires de Puiane, messires Thumas de

Persi, messires Richars de Pontchardon et pluiseur

chevalier dou prince et de son hostel qui s’i accordèrent

volentiers, car il desiroient à chevaucier. Si

25furent bien, quant il furent tout ensamble, six cens

lances, trois cens arciers et quinze cens aultres gens

à manière de brigans, à tout lances et pavais, qui sivoient

l’ost à piet.

Si se departirent toutes ces gens, dont li dis contes

30de Pennebruch estoit chiés et gouvrenères, de

le cité d’Angouloime et dou prince, et cheminèrent

tant en leur arroy qu’il entrèrent en Angho. Si

[190] commencièrent le pays à ardoir et à exillier et à faire

moult de desrois, et passèrent oultre à l’un des lés,

ardant et exillant villes et petis fors qui ne se pooient

tenir, et en rançonnoient le plat pays jusques à Saumur

5sus Loire. Si se logièrent tantost ens ès fourbours,

et commencièrent le ville à assallir; mais il

ne le peurent prendre, car messires Robers de Sansoirre,

à tout grant gent d’armes, estoit dedens herbergiés.

Chil le gardèrent et deffendirent bien de recevoir

10et prendre nul damage, mès tous li pays de

là environ fu pris, ars, gastés et essilliés, et y fisent en

ceste chevaucie li Englès moult de desrois. Et s’en

vint messires Hues de Cavrelée et sa route, à une

ajournée, combatre chiaus qui se tenoient à un pont

15sus Loire, que on dist ou pays le Pont de Sels. Si furent

cil desconfi, qui le gardoient, et li pons pris, et

se boutèrent les Compagnes dedens, et fortefiièrent

telement ce dit pont, que il le tinrent depuis un

grant temps. Encores en ceste chevaucie, prisent li

20Englès une abbeye sus Loire, que on dist Saint Mor.

Si le remparèrent et fortefiièrent telement qu’il en fisent

une grande garnison, et qui moult greva et adamaga

le pays, l’ivier et l’estet ensievant.

En ce temps et en celle saison, avoit en Poito une

25abbeye, et encores est, que on appelle Saint Salvin,

à sept liewes de Poitiers. Dedens celle abbeye avoit

un monne qui trop durement haoit son abbé, et

bien li moustra; car, pour le grant hayne que il avoit

à lui, il trahi dant abbé et tout le couvent, et rendi

30et delivra l’abbeye et le ville à monsigneur Loeis de

Saint Juliien et à Carenloet, Breton, qui le prisent et

ramparèrent et fortefiièrent malement et en fisent

[191] une bonne garnison. De le prise de Saint Salvin fu li

dis messires Jehans Chandos si courouciés qu’il ne

s’en pooit ravoir, pour tant qu’il estoit seneschaus

de Poito, et on avoit pris et emblé une tele maison

5en se senescaudie. Si dist bien en soi meismes que,

se il vivoit longement, il le raroit, comment que ce

fust, et le comparroient chierement cil qui cel outrage

avoient fait. Nous lairons un petit à parler des

besongnes de Poito et parlerons dou duch de

10Lancastre.