Chroniques de J. Froissart, tome 11/13 : $b 1382-1385 (depuis la bataille de Roosebeke jusqu'à la paix de Tournai)

[48] § 337. Quant che vint le joeudi au matin, toutes

gens d’armes s’aparillièrent et ordonnèrent, tant en

l’avant garde comme en l’arière garde, que ossi en la

bataille dou roi, et s’armèrent de toutes pièces, hors

5mis des bachinès, enssi que pour entrer en bataille;

car bien savoient li signeur que point dou jour n’isteroient

sans estre combatu, pour les apparans que

leur fourageur, le merquedi, leur avoient rapporté des

Flamens que il avoient veus, qui les aprochoient et

10qui le bataille demandoient. Li rois de France oï à che

matin messe, et ossi fissent pluiseur signeur, qui tout

se missent en priière et en devocion envers Dieu, que

ils les vosist jeter dou jour à honneur. Celle matinée

leva une bruine très grande et très espesse et si continuelle

15que à paines veoit on un arpent lonch, dont li

signeur estoient courouchié, mais amender ne le

pooient. Après la messe dou roi, où li connestables

et pluiseur haut signeur furent pour parler ensamble

et avoir avis quel cose on feroit, ordonné fu que messires

20Oliviers de Cliçon, connestables de France, messires

Jehans de Viane, amiraulx de France, et messires

Guillaumes de Poitiers, bastars de Lengres, chil troi

vaillant chevalier et usé d’armes, iroient pour descouvrir

et aviser de priès les Flamens, et en raporteroient

25au roi et à ses oncles la verité; et entrues li sires de

Couchi, li sires de Labreth et messires Hues de Chaalon

entenderoient à ordonner les batailles.

Dont se departirent dou roi li troi dessus nommet,

montés sus fleurs de coursiers, et chevauchièrent sus

30frain à cel endroit où il penssoient que il les trouveroient,

et la nuit logiet il estoient.

Vous devés savoir que le joedi au matin, quant

[49] ceste forte bruine fu levée, li Flamenc qui estoient

trait, dès devant le jour, en che fort lieu, sicom chi

dessus est dit, et il se furent là tenu jusques environ

vuit heures, et il veïrent que il n’ooient nulles nouvelles

5des François, et il se trouvèrent une si grosse

bataille ensamble, orgieux et oultrequidance les resvilla;

et commenchièrent les capitaines à parler l’un

à l’autre, et pluiseurs de eulx ossi, en dissant: «Quel

cose faisons nous chi, estans sus nos piés et nous

10refroidant? Que n’alons nous de bon corage, puisque

nous en avons la volenté, requerre nos ennemis et

combatre? Nous sejournons chi pour noient; jamais

li François ne nous venroient chi querre. Alons à

tout le mains jusques sur le Mont d’Or, et prendons

15l’avantage de la montaigne.» Ches parolles mulletepliièrent

tant que tout s’acordèrent à passer oultre et

venir jusques sus le Mont d’Or, qui estoit entre eux

et les François. Adont pour eschieuer le fosset qui

estoit pardevant eux, tournèrent il autour dou bosquetiel,

20et prissent l’avantage des camps.

A ce que il se traïssent ensi sus les plains et au

tourner che bosquetiel, li troi chevalier dessus nommet

vinrent si à point que tout et par grant loisir les

avisèrent, et chevauchièrent les plains en costiant leur

25bataille, qui se remist tout ensamble, à mains de une

traitie d’arck priès de eux. Et quant il l’eurent passet

une fois au senestre et il furent oultre, il reprissent

le [destre]: enssi veïrent il et avisèrent le lonc de

leur bataille et l’espès. Bien les veïrent li Flamenc,

30mais il n’en fissent compte, ne onques ne s’en

desroutèrent; et ossi li troi chevalier estoient si bien

monté et si usé de faire ce mestier que il n’en avoient

[50] garde. Là dist Phelippes d’Artevelle as cappitaines de

son costé: «Tout quoi! tout quoi! mettons nous

meshui en ordenance et en arroi pour combatre, car

nostre ennemi sont priès de chi, j’en ai bien veu les

5apparans. Chil troi chevauceur qui passent et rappassent,

nous avissent et ont avissés.» Lors s’arestèrent

tout li Flamenc, enssi comme il devoient venir sus le

Mont d’Or, et se missent tout en une bataille forte et

espesse, et dist Phelippes tout hault: «Signeur, quant

10che venra à l’asambler, souviengne vous comment

nostre ennemi furent tos desconfi et ouvert à le

bataille de Bruges, par nous tenir drut et fort ensamble

que on ne nous puist ouvrir. Et cascuns porte son

baston tout droit devant lui, et vous entrelachiés de

15vos bras, par quoi on ne puist entrer en vous, et alés

toudis le bon pas et par loisir devant vous, sans tourner

à destre ne à senestre, et faites tout d’un fait et

d’un chemin, à l’asambler, jeter nos bombardes et nos

canons et traire nos arbalestriers; enssi s’esbahiront

20nostre ennemi.»

§ 338. Quant Phelippes d’Artevelle ot enditté enssi

ses gens et mis en ordenance et en arroi de bataille,

et monstré comment il se maintenroient, il se mist

sus une des elles, et ses gens, là où il avoit la grignour

25fiance, dalés lui, et dist à son page, qui estoit

sus son coursier: «Va; [si] m’atench à ce buisson

hors dou tret. Et quant tu veras ja le desconfiture et

la cache sus les François, si m’amaine mon cheval et

crie mon cri: on te fera voie; et vieng à moi, car je

30voel estre ou premier chief de la cache.» Li pages à

ces parolles se parti de Phelippe, et fist tout ce que ses

[51] maistres li ot dit. Encores mist Phelippe[s] sus elle

d’encoste lui environ quarante archiers d’Engletière,

que ils tenoit as gages et ens esquels il avoit mout

grant fiance. Or regardés se chils Phelippes ordonnoit

5bien ses besongnes. Il m’est avis, et ossi est il à pluiseurs

qui se connoissent en armes, que oïl, fors tant

que il se fourfist de une seulle cose. Je le vous dirai,

che fu quant il se parti dou fort et de la place où au

matin il s’estoient trait, car jamais on ne les euist là

10alé combatre, pour tant que on ne les euist point eu

sans trop grant damage, mais il voloient monstrer

que c’estoient gens de fait et de grant volenté, et qui

petit amiroient leurs ennemis.

§ 339. Or revinrent chil troi chevalier et vaillant

15homme dessus nommet devers le roi de France et les

batailles, qui ja estoient touttes misses en pas, en

arroi et en ordonance, enssi comme il devoient aler,

car il i avoit tant de vaillans et sages hommes et

bien usé d’armes en l’avant garde, en la bataille dou

20roi et en l’arière garde, que tout savoient quel cose

il devoient faire, car là estoit la fleur de la bonne

chevalerie dou monde. On leur fist voie: li sires de

Clichon parla premiers, en enclinant le roi desus son

cheval et en ostant jus de son chief un cappelet de

25bévenes que il portoit, et dist: «Sires, rejoïssiés

vous; ces gens sont nostres, nos gros vallès les combateront

bien.»—«Connestables, dist li rois, Dieux

vous en oe! Or, alons dont avant, en l’onneur de

Dieu et de monsigneur saint Denis!»

30Là estoient li vuit chevalier dessus nommet pour le

corps dou roi garder, mis en bonne ordonnance. Là

[52] fist li rois pluiseurs chevaliers nouviaux; ossi fissent

tout li signeur en leurs batailles. Là i ot bouté hors

et levé pluiseurs banières; là fu ordonné que, quant

che venroit à l’asambler, que on meteroit la bataille

5dou roi et l’oriflamble de France ou front premiers,

et li avant garde passeroit tout oultre sus elle, et li

arière garde ossi sus l’autre elle, et asambleroient as

Flamens en poussant de leurs lances ossi tos li un

comme li autre, et encloroient en estraindant ces Flamens,

10qui venoient ossi joint et ossi seret que nulle

cose pooit estre. Par telle ordenance aroient il grandement

l’avantage sus eulx.

De tout ce faire fu li arrière garde segnefiie, dont

li contes d’Eu, li contes de Blois, li contes de Saint

15Pol, li contes de Harcourt, li sires de Castillon, li

sires de Fère estoient chief. Et là leva che jour

dalés le conte de Blois li jones sires de Havrech

banière, et fist li contes chevaliers messire Thomas de

Distre et messire Jaqueme de Havrech, bastart. Il i

20ot fait che jour, par le recort et rapport des hiraux,

quatre cens et soissante et set chevaliers.

Adont se departirent dou roi, quant il eurent fait

leur raport, li sires de Cliçon, messires Jehans de

Viane et messires Guillaumes de Lengres, et s’en

25vinrent en l’avant garde, car il en estoient. Assés

tost apriès fu desvolepée l’oriflamble, laquelle messires

Piètres de Villers portoit. Et voellent pluisseurs

gens dire, sicom on treuve anchienement escript, que

on ne le veï onques desploiier sus crestiiens fors que

30là, et en fu grant question des signeurs sur ce voiage,

se on le desploieroit ou non. Toutesfois finablement,

pluiseurs raisons considerées, il fu determinet dou

[53] desploiier, pour la cause de ce que li Flamenc tenoient

celle oppinion contraire dou pappe Clement et se

nommoient en creance Urbanistre; dont li François

dissoient que il estoient incredulle et hors de foi: che

5fu la princhipaux cose pour quoi elle fu aportée en

Flandres et desvolepée. Ceste oriflamble est une mout

disgne banière et enseigne, et fu envoiie dou chiel

par grant mistère, et est à manière d’un confanon, et

est grans confors pour le jour à ceulx qui le voient.

10Encores monstra elle là de ses vertus, car toute la

matinée il avoit fait si grant bruine et si espesse, que

à paines pooit on veoir l’un l’autre; mais, sitretos

que li chevaliers le desvolepa qui le portoit, et qui

leva l’anste contremont, celle bruine à une fois cheï et

15se desrompi, et fu li chieux ossi purs, ossi clers, et

li airs ossi nès que on l’avoit point veu en devant en

toute l’anée. Dont li signeur de France furent mout

resjoï, quant il veïrent che biau jour venu et ce soleil

luire, et que il peurent veïr au lonc, autour d’eux,

20devant et derière; et s’en tinrent mout à reconforté

et à bonne cause. Là estoit che grans biautés dou

veoir ces clers bachinès, ces belles armeures, ces fers

de lances clers et aparilliés, ces banières, ces pennons

et ces armoieries. Et se taissoient tout quoi, ne nuls ne

25sonnoit mot, mais regardoient chil qui devant estoient,

le grosse bataille des Flamens tout en une, qui aprochoit

durement, et venoient le bon pas tout seret et

leurs planchons tous drois levés contremont, et sambloit

des hantes que che fust un bos, tant en i avoit

30grant fuisson.

§ 340. Je fui adont enfourmés dou signeur de Sconnevort,

[54] et me dist que il veï, et ossi fissent pluiseur,

quant li oriflamble fu desploiie et li bruine cheï, un

blanc coulon voler et faire pluiseurs vols par desus le

bataille dou roi; et, quant il eut assés volé et que on

5se deubt combatre et asambler as ennemis, il s’ala

aseoir sur l’une des banières dou roi, dont on tint che

à grant senefiance de bien. Or aprochièrent li Flamenc

et commenchièrent à traire et à jetter de bombardes

et de canons gros cariaux enpenés d’arain. Enssi se

10commencha li bataille, et en ot li rois de France et

ses gens le premier encontre, qui leur fu mout durs,

car cil Flamenc, qui descendoient orgilleusement et de

grant volenté, venoient roit et dur, et boutoient, en

venant, de l’espaulle et de le poitrine, enssi comme

15sengler tout foursené, et estoient si fort entrelachié

ensamble que on ne les pooit ouvrir ne desrompre.

Là furent dou costé des François, et par le trait des

bonbardes et des canons, premièrement mors li sires

de Wavrin, banerès, Morelès de Haluin et Jakes d’Ere,

20et adont fu la bataille dou roi recullée; mais li avant

garde et li arière garde à deux elles passèrent oultre

et encloïrent ces Flamens et les missent à l’estroit, je

vous dirai comment. Sus ces deus elles, gens d’armes

les commenchièrent à pousser de leurs roides lances

25à lons fiers et durs de Bourdiaux, qui leur passoient

ces cotes de maille tout oultre et les prendoient en

char. Tout cil qui estoient ataint et consieuoit de ces

fiers, se restraindoient pour eschieuer les horions, car

jamais, où amender le peuissent, ne se meïssent avant

30pour eux faire enpaler. Là les missent ces gens

d’armes en tel destroit que il ne se pooient aidier, ne

ravoir leurs bras ne leurs plançons pour ferir, ne

[55] eux deffendre. Là perdoient li pluiseur force et alainne,

et tresbuchoient l’un sus l’autre, et s’estindoient et

moroient sans cop ferir. Là fu Phelippes d’Artevelle

enclos et navrés de glave et abatus, et des gens de

5Gand qui l’amoient et gardoient, grant fuisson dallés

lui. Quant li pages Phelippe veï le mesaventure venir

sus les leurs (il estoit bien montés sus bon coursier),

si se parti, et laissa son maistre, car il ne le

pooit aidier, et retourna vers Courtrai pour revenir à

10Gand.

§ 341. Enssi fu faite et asamblée celle bataille; et,

lorsque des deus costés li Flamenc furent astraint et

enclos, il ne passèrent plus avant, car il ne se pooient

aidier. Adont se remist la bataille dou roi en vigheur,

15qui avoit de commenchement un petit branlet. Là

entendoient gens d’armes à abatre Flamens à pooir,

et avoient li aucun haces bien acerées, dont il rompoient

bachinès et escherveloient testes, et li aucun

plommées, dont il donnoient si grans horions que il les

20abatoient à terre. A paines estoient Flamenc cheu,

quant pillart venoient, qui se boutoient entre les gens

d’armes, et portoient grandes coutilles, dont il les

parochioient, ne nulle pité il n’en avoient, non plus

que che fussent chien.

25Là estoit li cliquetis sus ces bachinès si grans et si

haus d’espées et de haces, de plommées et de maillès

de fier, que on n’i [o]oit goute pour la noise; et oï dire

que, se tout li hiaumier de [Paris] et de Brouxelles

fussent ensamble, leur mestier faissant, il n’euissent

30point fait si grant noise comme li combatant et li freant

sus ces bachinès faissoient.

[56] Là ne s’espargnoient point chevalier ne escuier,

mais mettoient le main à l’uevre de grant volenté, et

plus li uns que li autres. Si en i ot aucuns qui s’avanchièrent

et boutèrent en la presse trop avant, car il i

5furent enclos et estaint, et par especial messires Loïs

de Goussant, uns chevaliers de Berri, et messires Fleton

de Reviel, fils au signeur de Reviel. Encores en i ot

des autres, dont che fu damages, mais si grosse bataille

comme ceste là fu, où tant avoit de peuple, [ne] se

10puet asouvir, au mieux venir pour les vittoriieus, que

elle ne couste grandement; car jone chevalier et escuier

qui desirent les armes, s’avanchent volentiers pour leur

honneur et pour acquerre grace. Et la presse estoit là

si grans, et li affaires si perilleus pour ceux qui estoient

15enclos ou ceus, que, se on n’avoit trop bonne aide, on

ne se pooit relever. Par che parti i eut des François

mors et estains aucuns, mais plenté ne fu che mies,

car, quant il venoit à point, il aidoient l’un l’autre. Là

fu uns mons et uns tas de Flamens ochis, mout lons

20et mout haulx; et de grant bataille et de fuisson de

gens mors, sicom il i ot là, on ne veï onques si peu de

sanc issir que il en issi.

Quant cil qui estoient derrière veïrent que chil

devant fondoient et cheoient l’un sus l’autre, et que

25il estoit tout desconfi, si s’esbahirent et commenchièrent

à jetter leurs plançons jus et leurs armeures, et

eux desconfire et tourner en fuies vers Courtrai et

ailleurs, il n’avoient cure où, pour eux mettre à sauveté;

et Breton et François apriès, qui les encauchoient

30en fossés et en aunois et en bruières, chi dis, chi vint,

et les recombatoient de rechief et là les ochioient, se

il n’estoient plus fort; et si en i ot grant fuisson mis en

[57] cache entre le bataille et Courtrai, où il se retraioient

à sauf garant.

Cheste bataille fu sus le Mont d’Or, entre Courtrai

et Rosebecque, en l’an de grace Nostre Signeur mil

5trois cens quatre vins et deus, le joedi devant le samedi

de l’avent, ou mois de novembre le vint et setime jour;

et estoit pour lors li rois Charles de France ou quatorisme

an de son eage.

§ 342. Enssi furent en che tamps sus le Mont d’Or

10li Flamenc desconfi, et li orgieux de Flandres abatus,

et Phelippes d’Artevelle mors, et de la ville de Gand

ou des tenances de Gand mort avoecques lui [jusques]

à noef mille hommes. Il i ot mort che jour, che raportèrent

li hiraut, sus le plache, sans le cache, jusques

15à le somme de vint et sis mille hommes, et plus; et ne

dura point la bataille jusques à la desconfiture, depuis

que il asamblèrent, demi heure. Après celle desconfiture

qui fu très honnerable pour toute crestienneté

et pour toute noblèche et gentillèche, car, se

20li villain fussent là venu à leur entente, onques si

grans cruaultés ne oribletés n’avinrent au monde que

il fust avenu par les communautés qui se fuissent partout

revelées et destruit gentillèce, or s’avissent cil de

Paris atout leurs maillès. Que diront il, quant il saront

25les nouvelles que li Flamenc sont desconfi à Rosebeque,

et Phelippes d’Artevelle, leurs cappitaines, mors? Il

n’en seront mies plus liet; ossi ne seront autres bons

hommes en pluiseurs villes.

Quant ceste bataille fu de tous poins achievée, on

30lessa convenir les cachans et les fuians; on sonna les

trompètes de retrait, et se retraïst cascuns en son logeïs,

[58] enssi comme il devoit estre; mais li avant garde se loga

[oultre] la bataille dou roi, où li Flamenc avoient esté

logiet le merquedi, et se tinrent tout aise en l’ost dou

roi de France de che qu’il eurent. Il avoient assés, car

5il estoient rafresqui et ravitailliet de pourveances qui

venoient d’Ippre, et fissent la nuit ensieuant trop

biaux feux en pluiseurs lieux, aval l’ost, des planchons

des Flamens que il trouvèrent, car qui en voloit avoir,

il en avoit, tantos requelliet, cargiet son col.

10Quant li rois de France fu retrais en son logeïs, et

on ot tendu son pavillon de vermel cendal mout noble

et mout riche, et il fu desarmés, si oncle et pluiseur

baron de France le vinrent veoir et conjoïr, che fu

raisons. Adont li ala il souvenir de Phelippe d’Artevelle,

15et dist à ceux qui dalés li estoient: «Che Phelippe,

se il est mors ou vis devers nous, je le veroie

volentiers.» On li respondi que on se meteroit en

paine dou veoir. Si fu nonchiet et criiet en l’ost, quiconques

trouveroit Phelippe d’Artevelle, on li donroit

20dis frans. Dont veïssiés varlès avanchier et mettre

en oevre et de cherchier entre les mors, qui ja estoient

tout desvesti ou priès, che Phelippe, pour le convoitise

dou gaaignier. Tant fu quis que il fu trouvés, et

recongneux d’un varlet qui l’avoit servit longhement

25et qui bien le connissoit, et fu aportés et atrainés

devant le pavillon dou roi. Li rois le [regarda] une

espasse, ossi fissent li signeur; et fu là retournés pour

savoir se il avoit esté mors des plaies. Mais on trouva

que il n’avoit plaie nulle, dont il fust mors, se on

30l’euist pris en vie; mais il fu estains en la presse, et

cheï parmi un fosset, et grant fuisson de Gantois sur

lui, qui morurent tout en sa compaignie. Quant on

[59] l’eut regardé une espasse, on le osta de là, et fu pendus

à un arbre. Velà le darraine fin de che Phelippe

d’Artevelle.

§ 343. Messires Daniaulx de Haluin, qui se tenoit

5en Audenarde en garnison et estoit tenus tout le tamps

avoec les chevaliers et les escuiers mout honnerablement,

le merquedi dont la bataille fu le joedi, ils qui

bien savoit le roi de France en Flandres et que bataille

aroit as Flamens, fist sus le tart alumer ou castiel

10d’Audenarde quatre falos et lanchier hors en contremont,

en segnefiant à ceux qui là seoient, que li sièges

seroit temprement levés. Environ mienuit, le joedi,

vinrent les nouvelles en l’ost devant Audenarde au

signeur de Harselles et as autres, que leurs gens

15estoient desconfit et mors, et ochis Phelippes d’Artevelle.

Sitos que ces nouvelles furent seues, il se deslogièrent

tout communalment et prissent le chemin de

Gand, et laissièrent le grigneur partie de leurs pourveances,

et s’en alèrent, cascuns qui mieux mieux, vers

20Gand; et encores n’en savoient riens chil d’Audenarde,

ne ne seurent jusques à l’endemain. Quant il en furent

enfourmé, il issirent hors et aportèrent et amenèrent

grant pillage de trés, de tentes, de charroi et de

pourveances en Audenarde.

25Ossi environ l’anuitier, che joedi au soir, vinrent les

nouvelles à Bruges de la desconfiture de la bataille,

comment il avoient tout perdu. Si furent en Bruges

si esbahi que nulles gens plus, et commenchièrent à

dire: «Vechi, nostre destrucion est venue. Se li Breton

30viennent jusques à chi et il entrent en nostre ville,

nous serons tout pillié et mort, ne il n’aront de nous

[60] nulle merchi.» Lors prissent bourgois et bourgoises

à mettre leurs milleurs jeuiaulx en sas, en huges, en

coffres et en tonniaux, et avaller en nefs et en barges,

pour mettre à sauveté, et aler ent par mer en Hollande

5et en Zellandes, et là où aventure pour eux sauver les

poroit mener. En ce parti furent il quatre jours, ne on

ne trouvast mies en tous les hostels de Bruges une

culière d’argent; tout estoit mis à voiture et repus,

pour le doubte des Bretons.

10Quant Piètres dou Bos, qui là gisoit dehetiés des

blecheures que il avoit eues au pas à Commignes,

entendi la desconfiture de ses gens, et que Phelippes

d’Artevelle estoit mors, et comment il s’esbahissoient

en Bruges, si ne fu pas bien aseurés de li meïsmes,

15et jeta son avis à ce que il se partiroit de Bruges, et

s’en retrairoit vers Gand, car bien pensoit que chil de

Gand seroient ossi effraé grandement. Si fist ordonner

une litière pour lui, car il ne pooit chevauchier, et se

parti de Bruges le venredi au soir, et ala jesir à

20Ardembourc.

Vous devés savoir que, quant les nouvelles vinrent

à Gand de la desconfiture et de la grant perte de leurs

gens et de la mort Phelippe d’Artevelle, il furent si

desconfit [que], se li François, le jour de la bataille, ou

25l’endemain, ou le samedi toute jour encores, jusques à

tant que Piètres dou Bos retourna en Gand, fuissent

venu devant Gand, on les euist laissiet sans contredit

en la ville, et eussent fait leur volenté, ne il n’i avoit

en eux confort, conseil ne deffence, tant estoient il fort

30esbahi. Mais li François ne s’en donnèrent garde de ce

point, et quidoient bien li signeur, puisque Phelippes

estoit mors et si grant fuisson de Gantois, que Gand

[61] se deuist rendre et venir à merchi au roi. Mès non

fist encores, car il fissent, eux tous seux, depuis, plus

forte guerre que il n’euissent fait en devant et plus de

maulx, sicom vous orés recorder avant en l’istoire.

5§ 344. Quant che vint le venredi, li rois se desloga

de Rosebecque pour la punasie des mors, et fu consilliés

de venir vers Courtrai, et lui là rafresquir. Li

Halses de Flandres et aucun chevalier et escuier de

Flandres, qui congnissoient le païs, environ deus cens

10lances, le jour de la bataille et desconfiture, montèrent

as chevaulx, et vinrent au ferir des esperons à Courtrai,

et entrèrent en la ville, car il n’i avoit point de

contredit ne nulle deffence: les bourgoises et les

femmes povres et riches et pluiseurs hommes ossi

15entroient, pour fuir le mort, en cheliers et en eglisses;

et estoit grans pités de là trouver et veoir. Si eurent

chil qui premiers vinrent à Courtrai, grant pourfit de

pillage, et depuis i vinrent petit à petit François, Breton

et toutes gens; et se logoient enssi comme il

20venoient, et i entra li rois de France le premier jour

de decembre. Là i ot de rechief grant ochission et

persecusion faite, aval la ville, des Flamens qui i

estoient repus, ne on n’en prendoit nul à merchi;

car li François haioient la ville durement pour une

25bataille qui jadis fu devant Courtrai, où li contes

Robers d’Artois et toute la fleur de France fu jadis

morte. Si s’en voloient li sucesseur contrevengier.

Congnissance vint au roi que il i avoit en [la] grant

eglise de Nostre Dame de Courtrai une cappelle, en

30laquelle il avoit bien largement cinc cens paires d’esperons

dorés, et cil esperon avoient jadis esté des

[62] signeurs de France qui furent mort à le bataille de

Courtrai, l’an mil trois cens et deus; et en faissoient

chil de Courtrai tous les ans pour le trionfe très grant

solempnité; de quoi li rois dist que il le compa[r]roient,

5enssi qu’il fissent, et que il feroit mettre la ville, à sen

departement, en feu et en flame: si leur souvenroit

ossi ou tamps à venir, comment li rois de France i

aroit esté.

Assés tost après ce que li rois de France et li signeur

10furent venu à Courtrai, vinrent là jusques à cinquante

lances de la garnison d’Audenarde, messires Daniaulx

de Haluin et li autre, veoir le roi, qui leur fist bonne

chière; ossi fissent li signeur, et, quant il orent là

estet un jour, il s’en retournèrent arière en Audenarde

15devers les compaignons.

§ 345. Li Breton et cil de l’avant garde monstroient

bien par leur ordenance, que il avoient grant desir

d’aler vers Bruges et de partir as biens de Bruges,

car il s’estoient logiet entre Tourout et Bruges. Li

20contes de Flandres, qui amoit la ville de Bruges, et

qui trop envis en euist veu la destrucion, se doubtoit

bien de eux, et estoit tous enfourmés dou convenant

de cheux de Bruges et comment il estoient esbahi. Si

en ot pité, et en parla à son fil, le duc de Bourgongne,

25en remonstrant que, se cil de Bruges venoient à merchi

devers le roi, on ne les vosist pas refusser, car

là où Bruges seroit consentie à courir de ces Bretons

et autres gens, elle seroit à tousjours mais perdue

sans recouvrier. Li dus li acorda.

30Or avint, le roi sejournant à Courtrai, que cil de

Bruges, qui vivoient en grant [transis] et ne savoient

[63] lequel faire, ou vuidier leur ville, ou atendre l’aventure,

s’avisèrent que il envoieroient deus Frères

Meneurs devers le roi à Courtrai, pour empetrer un

sauf conduit, tant que douse de leurs bourgois les

5plus notables euissent parlé à lui et remonstré leur

besongne. Li Frère Meneur vinrent à Courtrai, et parlèrent

au roi et à son conseil et aussi au conte de

Flandres, qui amoienoit les coses che qu’il pooit. Li

rois acorda as douse bourgois de Bruges le sauf conduit,

10alant et retournant, et dist que volentiers il les

orroit. Chil Frère retournèrent à Bruges, dont se

departirent li bourgois sur le sauf conduit qu’il aportoient,

et vinrent à Courtrai devers le roi et le trouvèrent

et ses oncles dallés lui. Si se missent en genouls

15devant lui, et li criièrent merchi et priièrent que il les

vosist tenir pour siens, et que tout estoient si homme,

et la ville en sa volenté, mais pour Dieu il en eust

pité, par quoi elle ne fu mies courue ne perdue, car,

se elle estoit destruite, trop de bonnes gens i perderoient;

20et ce que il avoient esté contraire à leur

signeur, che avoit esté par le poissance Phelippe d’Artevelle

et les Gantois, car loiaulment il estoient envers

leur signeur le conte aquité à le bataille de Bruges.

Li rois entendi à leurs parolles, par le moien dou

25conte de Flandres, qui là estoit presens, qui en pria

et s’en mist en jenouls devant le roi. Là fu dit et

remonstré à ces bonnes gens de Bruges que il convenoit

apaissier ces Bretons et ces gens d’armes, qui se

tenoient sus les camps entre Tourout et Bruges, et

30que il leur convenoit avoir de l’argent. Lors furent

traitié entamé pour avoir argent, et demanda on deus

cens mille frans. Toutesfois, il furent disminué jusques

[64] à sis vins mille frans, à paiier les soissante mille tantos,

et le demorant dedens la Candelier. Par enssi les

tenoit li rois en ferme estat et en seure pais, mais il

se rendoient purement et liegement à tousjours mais

5liege au roi de France et dou demaine, et voloient

estre de foi, d’ommage et d’obeïssance.

§ 346. Enssi demora la bonne ville de Bruges en

paix, et fu deportée de non estre courue, dont li Breton

10furent mout courouchié, car il en quidoient bien

avoir leur part, et dissoient entre eux, quant il sceurent

que il estoient venu à paix, que ceste guerre de

Flandres ne leur valoit riens, et trop petit de pourfit

il i avoient eu. Si s’avisèrent li aucun qui ne

15tendoient à nul bien: «Nous en retournerons en

nostre païx, mais che sera parmi le conté de Hainnau.

Ossi ne s’est pas li dus Aubers, qui en a le gouvrenement,

trop fort ensonniiés de aidier son cousin,

le conte de Flandres; il s’en est bien sceus disimuller.

20S’est bon que nous le alons visiter, car il i a bon

païx et cras en Hainnau, ne nous ne trouverons

homme qui nous vée nostre chemin, et là recouverons

nous nos damages et nos saudées mal paiies.»

Il fu tels fois que il se trouvèrent bien douse cens

25lances tout d’un acord, Breton, Bourgignon, Savoien

et autres gens. Or regardés se li bons et dous païx

de Hainnau ne jut pas en grant peril.

La congnissance en vint au gentil conte Gui de

Blois, qui estoit là, uns grans sires entre les autres, et

30chiés de l’arière garde et dou conseil dou roi, comment

Breton, Bourgignon et autres gens, qui ne desiroient

que pillage, manechoient le bon païx de Hainnau,

[65] ens ou quel il a grant part et bel et bon hiretage.

Tantos pour i remediier, il ala fortement au devant,

et dist que ce n’estoit pas une cose à consentir que

li bons païx de Hainnau fust courus; et prist ses cousins

5dallés lui, le conte de la Marche, le conte de

Saint Pol, le signeur de Couchi, le signeur d’Enghien

et pluiseurs autres, tous tenavlles de la conté de Hainnau,

qui là estoient et qui le roi en che voiage servit

avoient, et leur remonstra que nullement il ne devoient

10voloir ne consentir que li bons païx de Hainnau, dont

il issoient et descendoient, et ouquel leurs hiretages il

avoient, fust molestés ne grevés par nulle voie quelconques,

car, en tant que de la guerre de Flandres

et dou conte, li païx de Hainnau n’i avoit nulles

15couppes, mais avoient servi le roi en che voiage li

baron et li chevalier mout loiaument, et en devant,

ainchois que li rois venist en Flandres, avoient servi

le conte de Flandre li chevalier et li escuier de Hainnau,

et s’estoient enclos en Audenarde et Tenremonde,

20et aventuré, et mis corps et chavanche.

Tant fist li contes Guis de Blois, et ala de l’un à

l’autre, et acquist tant d’amis, que toutes ces coses

furent rompues, et demora Hainnau en paix. Encores

fist il el, li gentils sires, car il i avoit pour che tamps

25un chevalier en Flandres, qui s’appelloit messires de

Disquemue, qui, pour l’amour d’un sien parent, qui

s’appelloit Daniel Duse, liquels par sa coupe avoit

esté ochis en la ville de Valenchiennes, si en guerioit

et herioit la ville, et voloit encores plus fort heriier

30et gueriier; et avoit aquis tant d’amis pour mal faire,

que on dissoit que il avoit bien cinc cens lances de

son acord, pour amener en Hainnau et guerriier la

[66] ville de Valenchiennes; et disoit que il avoit bonne

querelle de tout che faire. Mais, quant li contes de

Blois en fu enfourmés, il ala poissaument au devant,

et deffendi au chevalier que il ne s’ahatesist pas d’entrer

5ne d’amener gens d’armes ens ou païx son cousin

le duc Aubert, car il li seroit trop chier vendu.

Et tant exploita li gentis contes de Blois, que il fist le

chevalier tout [privé], et se mist li chevaliers de toutes

ces coses en la pure volenté dou conte de Blois et

10dou signeur de Couchi; par enssi en vint la ville de

Valenchiennes à paix. Ces services fist en celle anée

li contes Gui de Blois à Hainnau et à Valenchiennes,

dont il acquist grant grace et l’amour tout plainement

de ceux de Valenchiennes.

15§ 347. Encores se tenoient tout li signeur et les gens

d’armes à Courtrai ou là environ, car on ne savoit

que li rois voroit faire, ne se il iroit devant Gand; et

quidièrent li François de commenchement, quant cil

de Bruges vinrent à merchi devers le roi, que li Gantois

20i deuissent venir ossi, pour tant que il avoient perdu

leur cappitaine et recheu si grant damage de leurs

gens à la bataille de Rosebecque. Voirement en furent

il en Gand en grant aventure, et ne sceurent trois

jours lequel faire, ou de partir de leur ville et tout

25laissier, ou d’envoiier les clefs de la ville devers le

roi et de eux mettre et rendre dou tout en sa merchi;

et estoient si esbahi que il n’i avoit conseil, arroi ne

contenance entre eux; ne li sires de Harselles, qui

estoit là, ne les savoit comment conforter.

30Quant Piètres dou Bos rentra en la ville, et trouva

les portes toutes ouvertes et sans garde, dont il fu

[67] mout esmervilliés, et demanda que c’estoit à dire que

on ne gardoit autrement la ville. On li respondi, chil

qui le vinrent veoir et qui furent resjoï de sa venue,

et li dissent: «Ha! sire, que ferons nous? Vous savés

5que nous avons tout perdu, Phelippe d’Artevelle,

nostre bon cappitaine, et bien, par bon compte, de

la ville de Gand, sans compter les estraingniers,

noef mille hommes. Chils damages nous touche si

priès que en nous n’a point de recouvrier.»—«Ha!

10folles gens, dist Piètres, vous estes esbahis!

Encores n’a pas la guerre pris fin, ne Gand ne fu

onques tant renommée comme elle sera. Se Phelippes

est mors, che a esté par son outrage. Faites clore

vos portes, entendés à vos deffensses: vous n’avés

15garde que li rois de France doie chi venir cel ivier;

et, entrues que li tamps revenra, nous requellerons

gens en Hollandes, en Zellandes, en Guerlles, en

Braibant et ailleurs; nous en arons assés pour nos

deniers. François Acremen, qui est en Engletière,

20retournera: moi et lui serons vo cappitaine, ne onques

la guerre ne fu si forte ne si bonne que nous le ferons.

Nous valons mieux seus assés, que avoecques le demorant

de Flandres, ne, tant que nous avons eu le païs

avoecq nous, nous n’avons sceu gueriier. Or entenderons

25nous maintenant ensi que pour nous à le guerre,

et ferons plus de bons explois que nous n’avons fais.»

Enssi et de tels parolles reconforta Piètres dou Bos

à son retour les esbahis de Gand, qui se fuissent

rendu simplement au roi de France, il n’est pas

30doubte, se Piètres dou Bos n’euist esté.

Or regardés comment il i a de confort et de conseil

à un homme. Et quant cil de Gand veïrent que

[68] cinc ou sis jours passoient que nuls ne venoit courir

devant leur ville, ne nuls sièges ne leur apparoit, si

furent grandement reconforté et plus orgilleux assés

que devant.

5§ 348. Vous savés comment à Callais messires

Guillaumes de Ferinton, englès, sejournoit, qui là

estoit envoiés de par le roi d’Engletière et le conseil

dou païs, et apportoit lettres apparillies pour seeller

des bonnes villes de Flandres, qui parloient de grans

10aliances entre les Englois et les Flamens; et là sejournoient

avoecques lui François Acremen et sis bourgois

de Gand. Quant les nouvelles leur vinrent de la

desconfiture de Rosebecque, si furent tout esbahi, et

veï bien li chevaliers englès que il n’avoit que faire

15plus avant d’entrer en Flandres, car chils traitiés

estoit rompus. Si prist ses lettres sans seeler, et

retourna en Engletière au plus tost qu’il pot et recorda

en Engletière la besongne enssi comme elle avoit

allet. Li gentil homme dou païs n’en fissent compte,

20car il avoient toudis dit et dissoient encores et soustenoient

que, se li communs de Flandres gaagnoit

journée contre le roi de France, et que li noble dou

roiaulme de France fussent mort, li orgieux seroit si

grans en toutes communautés que tout gentil homme

25s’en doroient, et ja en avoit on veu l’apparant en

Engletière; dont de la partie des Flamens il ne fissent

compte.

Quant chil de Flandres, qui estoient à Londres

envoiiet de par le païs avoecques François Acremen,

30entendirent ces nouveles, si leur furent mout dures,

et se partirent quant il peurent, et montèrent en mer

[69] à Londres, et vinrent ariver à Meldebourg en Zellandes.

Chil qui estoient de Gand retournèrent à Gand,

et cil des aultres villes s’en retournèrent en leurs

villes; et François Acremen et si compaignon, qui

5sejournoient à Calais, retournèrent à Gand, quant il

peurent; mais che ne fu point tant que li rois de France

fust en Flandres, et retournèrent, sicomme il me fu

dit, par Zellandes.

§ 349. Entrues que li rois de France sejournoit à

10Courtrai, ot là pluiseurs consaulx pour savoir comment

on persever[r]oit, et se on venroit mettre le siège

devant Gant. Li rois en estoit en très grande volenté,

ossi estoient li Breton et li Bourgignon, mais li signeur

regardoient que il estoit li mois de decembre, li drois

15cuers d’iver, et [si] plouvoit toudis ouniement, pour

quoi il ne faissoit nul hostoiier jusques à l’esté, et si

estoient li cheval mout afoibli et foullé par les froidures,

et les rivières grandes et larges environ Gand,

par quoi on perderoit le tamps et sa paine, qui nul

20siège i meteroit. Et s’estoient li signeur foulet et travilliet

de tant jesir par si ort tamps, si froit et si plouvieux

as camps, sique, tout consideré, consilliet fu

que li rois se trairoit à Tournai, et là se rafresquiroit

et tenroit son Noël, et li lontain des lontaines marces

25d’Auvergne, de la Daufiné, de Savoie et de Bourgongne

s’en retourneroient tout bellement en leurs

païs. Mais encores voloit li rois et ses consaulx que li

Breton et li Normant et li François demoraissent dalés

lui et ses oncles et le connestable, car il les pensoit à

30ensonniier, et tout en che voiage, sus les Parisiiens,

qui avoient fait faire et forgier des maillès; et compteroit

[70] on à eux, se il ne se rieuloient par autre ordenance

que il n’avoient fait depuis le couronnement dou

roi jusques à ores. Quant li rois de France deult partir

de Courtrai, il ne mist mies en oubli, ossi ne fissent

5li signeur de France, les esperons dorés que il avoient

trouvés en une eglise à Courtrai, liquel avoient estet

des nobles dou roiaulme de France, qui jadis avoecques

le conte Robert d’Artois furent mort à le bataille de

Courtrai. Si ordonna li rois que à son departement

10Courtrai fust toute arse et destruite. Quant la congnissance

en vint au conte de Flandres, si i quida

remediier, et s’en vint devant le roi et se mist en

jenouls, et li pria que il le vosist respiter. Li rois respondi

fellement que il n’en feroit riens; li contes depuis

15n’osa relever le mot, mais se parti dou roi et s’en ala

à son hostel.

Avant que li feux i fust boutés, li dus de Bourgongne

fist oster [des halles] un orloge qui sonnoit les heures,

l’un des plus biaux que on seuist dechà le mer, et cel

20orloge mettre tout par membres et par pièche[s] sus

chars, et la cloice ossi, liquels orloges fu amenés et

achariés en la ville de Digon en Bourgongne, et là fu

remis et assis, et i sonne les heures vint et quatre

entre nuit et jour.

25§ 350. Au departement dou roi de la ville de Courtrai,

elle fu mallement menée, car on l’ardi et destruisi

sans deport, et en menèrent par manière de servage

pluiseurs chevalier[s] et escuier[s] et gens d’armes,

des biaux enfans, fils et filles, et grant fuison; et

30chevaucha li rois, et vint à Tournai, et se loga en

l’abeïe de Saint Martin.

[71] Quant li rois entra en Tournai, on li fist grant reverence,

et che fu raisons, et furent toutes les bonnes

gens de la ville vestis de blanc à trois bastons vers

d’un lés, et fu la chités partie pour logier les signeurs:

5le roi à Saint Martin, et comprendoient ses gens un

quart de la ville; li dus de Berri à l’osteil de l’evesque;

li dus de Bourgongne à le Teste d’Or; le duc de Bourbon

à le Couronne d’Or; le connestable au [Cherf; et le

sire de Couci] à Saint Jaque. Et fu criiet de par le roi,

10et sour le hart, que nuls ne fourfesist riens as bonnes

gens de Tournai, et que on ne presist riens sans

paiier, et que nuls n’entrast en la conté de Hainnau

pour mal faire.

Toutes ces coses furent bien tenues; là se rafresquirent

15chil signeur et leurs gens, et li lontain se

departoient et s’en retournoient par Lille, par Douai

et par Valenchiennes en lors lieux. Li contes de Blois

prist congiet au roi et à ses oncles et à son compaignon

le conte d’Eu, et s’en retourna sus son hiretage

20en Hainnau, et se loga en Valenchiennes un jour et une

nuit, où on le rechut liement et grandement, car il

avoit conquis l’amour entirement des bonnes gens de

la ville, tant pour l’onnour que il avoit fait au païx,

quant Breton, Savoiien et Bourgegnon le voloient courir,

25et il ala au devant et rompi leur intencion, que

pour che ossi que messires Tieris de Disquemue, qui

les tenoit en doubte et avoit tenu bien lonc tamps,

s’estoit dou tout mis en l’ordenance de lui et dou

signeur de Couchi; et sur ce s’eure[nt] pais. Si se

30parti li contes de Blois de Valenchiennes, et s’en vint

à Landrechies, et là se tint un tamps et rafresqui dalés

madame Marie, sa femme, et Loïs, son fil; et l’esté

[72] ensieuant, il s’en vint en Blois, mais la comtesse et

ses fils demorèrent en Hainnau, et se tinrent le plus

dou tamps à Biaumont.

§ 351. Parellement li contes de la Marche et messires

5Jakes de Bourbon, ses frères, se departirent de

Tournai, pour estre mieux à leur aise, et s’en alèrent

rafresquir à Leuse en Hainnau, sus leurs hiretages.

Messires Guis de Laval, bretons, s’en vint ossi à

Chièvre en Hainnau, où il a part à l’hiretage, et en sont

10signeur messires Robert de Namur et ils. Li sires de

Couchi s’en vint à Mortaigne sus Escaut, et se rafresqui

et toutes ses gens, mais le plus il se tenoit dalés

le roi à Tournai.

Le roi sejournant à Tournai, li contes de Saint Pol

15eut une commission de corigier tous les Urbanistres,

dont la ville estoit mout renommée. Si en trouva on

pluiseurs, et là où il estoient trouvé, fust en l’eglise

Nostre Dame ou ailleurs, il estoient pris et mis en prison,

et renchonné mout avant dou leur; et requella

20bien li dis contes, et sus briefs jours, par telle commission,

set mille frans, car nuls ne partoit de lui, qui ne

paiast ou donnast bonne seureté de paier. Encores le

roi estant à Tournai, eurent chil de Gand un sauf

conduit, alant et retournant, en leur ville, et esperoit

25on que il venroient à merchi; mais ens es parlemens

qui là furent ordonné, on les trouva ossi durs et ossi

orgilleux que dont que il euissent tout conquesté et

eu à Rosebeque le journée pour eux. Bien dissoient

que il se voloient très volentiers mettre en l’obeïssance

30dou roi de France, afin que il fussent tenu dou

demaine de France, pour avoir resort à Paris, mais

[73] jamais ne voloient avoir pour leur signeur le conte

Loeïs, et dissoient que jamais ne le poroient amer,

pour les grans damages que il avoient receus par lui.

Quel traitiet que il i euist entre le roi de France et

5son conseil et eux, ne quelconques prelas ne sages

gens s’en ensonniasent, on n’i peut onques trouver

autre response, et disoient bien au parclos, se il

avoient vesqui en dangier et en paine trois ou quatre

ans, pour la ville retourner toute che desoulx deseure,

10on n’en aroit autre cose. Si leur fu dit que il se

pooient bien partir dont quant il voloient: si se partirent

de Tournai, et retournèrent à Gand. Et demora

la cose en cel estat, conforté que il aroient la guerre.

Li rois de France et li signeur de France rendoient

15grant paine à che que toute la contés de Flandre fust

Clementine; mais les bonnes villes et les eglises

estoient si fort enexé[e]s et loiies en Urbain, avoecques

l’oppinion de leur signeur le conte qui s’i tenoit, que

on ne les em pooit oster; et respondirent adont, par le

20conseil dou conte, que il en aroient avis et en responderoient

determiné[e]ment dedens le Pasque. Si

demora la cose en cel estat. Li rois de France tint sa

feste de Calandes à Tournai, et quant il s’en parti, il

ordonna le grant signeur de Ghistelles à estre regars

25de Flandres, et messire Jean de Ghistelles, son cousin,

à estre cappitaine de Bruges, et le signeur de Sempi

à estre cappitaine d’Ippre, et messire Jehan de Jeumont

à estre cappitaine de Courtrai; et envoia deus

chens lanches de Bretons et d’autres gens en garnisson

30à Ardembourc. Et en Audenarde il envoia messire

Gillebert de Lewreghien et environ cent lances en

garnison. Si furent pourveues toutes ces garnisons de

[74] Flandres de gens d’armes et de pourveances, pour

gueriier l’ivier de garnisons, et non aultrement, jusques

à l’esté. Adont, ces coses ordonnées, se parti li rois

de Tournai, et vint à Arras, et si oncle et li contes

5de Flandres en sa compaignie.

§ 352. Le roi sejournant à Arras, fu la cittés en

grant aventure, et la ville ossi, de estre toute courue

et pillie, car li Breton [à] qui on devoit grant finance, et

qui avoient eu mout de travel en ce voiage, se contentoient

10mal dou roi. A grant paine les en rafrenèrent

li connestables et li doi mareschal, mais on

leur promist que il seroient tout net paiet de leurs

gages à Paris; et de ce demorèrent envers eux li

connestables de France et li mareschal messires Loeïs

15de Sansoire et li sires de Blainville. Adont se departi

li rois, et prist le chemin de Peronne; et li contes de

Flandres prist là congiet au roi, et s’en retourna à

Lille, et là se tint tout l’ivier. Tant exploita li rois de

France que il passa Peronne, Noion et Compiengne, et

20vint à Senlis, et là s’aresta; et se logièrent toutes

manières de gens d’armes ens es villages entre Senlis

et Miaulx en Brie, et tout sus la rivière de Marne et

Saine, et entre Senlis et Estré[es] Saint Denis; et

estoit tous li païs raemplis de gens d’armes.

25Adont se departi li rois de Senlis et s’en vint vers

Paris, et i envoia devant aucuns de ses officiiers, pour

apparillier l’osteil dou Louvre où il voloit descendre;

et ossi fissent si troi oncle, et envoièrent de leurs gens

ossi pour apparillier leurs hostels, et li autre haut

30signeur de France ensiant et tout en cautelle, car li

rois ne li signeur n’estoient point consilliet de entrer

[75] si soudainement en Paris, car il se doubtoient des

Parisiiens, et pour veoir quel contenance et ordenance

li Parisiien feroient ne aroient à la revenue dou roi,

il metteroient tel assai avant, et disoient chil varlet

5dou roi et des signeurs, quant on leur demandoit dou

roi se il venoit: «Oïl, il vient voirement, il sera tantos

chi.» Adont s’avisèrent li Parisiien que il s’armeroient

et monsteroient au roi à l’entrer en Paris

quel poissance il i avoit à che jour en Paris, et de

10quel quantité de gens, armés de piet en cappe, li rois,

se il voloit, poroit estre servis. Mieux leur vausist que

il se fuissent tenu quoi en leurs maisons, car celle

monstre leur fu convertie depuis en grant servitude,

sicom vous orés recorder. Il dissoient que il faissoient

15tout che pour bien, mais on l’entendi à mal. Li rois

avoit jeu en Louvres en Par[i]sis: si vint jesir au Bourget.

Adont couru vois dedens Paris: «Li rois sera

chi tantos.» Lors s’armèrent et joliièrent plus de

vint mille Parisiiens, et se missent hors sus les camps

20et s’ordonnèrent en une belle bataille, entre Saint

Ladre et Paris, au costé devers Monmatre. Et avoient

leurs arbalestriers et leurs pavesseurs et leurs maillès

tous aparilliés, et estoient ordonné enssi que pour

tantos combatre et entrer en bataille.

25Li rois estoit encores au Bourget, et ossi estoient

encores tout li signeur, quant on leur rapporta ces

nouvelles, et leur fu contés tous li estas des Parisiiens.

Che dissent li signeur: «Velà orgilleuse ribaudaille

et plain de grant beubant! A quoi faire monstrent il

30maintenant leur estat? Il fussent venu servir le roi ens

ou point où il sont, quant il ala en Flandres, mais il

n’en avoient pas la teste enflée fors que de dire et de

[76] priier à Dieu que jamais piés n’en retournast de nous!»

En ces parolles avoit aucuns qui boutoient fort avant,

pour grever les Parisiiens, et disoient: «Se li rois est

bien consilliés, il ne se mettera ja entre tel peuple qui

5vient contre lui à main armée, et il i deussent venir

humlement et en pourcession et sonner les clocques

de Paris, en loant Dieu de la belle victore que il li a

envoiiet en Flandres.»

Là furent li signeur tout abus de savoir comment

10il se maintenroient. Finablement consilliet fu que li

connestables de France, li sires de Labreth, li sires

de Couchi, messires Guis de la Tremoulle et messires

Jehans de Viane venroient parler à eux, et leur demanderoient

pour quel cause il estoient à si grant fuisson

15issut hors de Paris à main et teste armée contre le

roi, et que tels afaires ne fu onques mais veus en

France, et sur ce que il respond[er]oient, chil signeur

estoient consilliet de parler, car il estoient bien si

sage et si avisé que pour ordonner de une telle

20besongne et plus grande encore diis fois. Dont se

departirent dou roi sans armeure nulle; et pour leur

besongne coulourer et ossi mettre ou plus seur, il en

menèrent avoec eux, ne sai, trois ou quatre heraulx,

lesquels il fissent chevauchier devant, et leur dissent:

25«Allés jusques à ces gens, et leur demandés sauf conduit

pour nous, alant et venant, tant que nous arons

parlé à eux et remonstré la parolle dou roi.»

§ 353. Li hiraut partirent et ferirent chevaux des

esperons, et tantos furent venu jusques à ces Parisiiens.

30Quant les Parisiiens les veïrent venir, il ne quidoient

pas que il venissent parler à eux, mais tenoient

[77] que il aloient à Paris, enssi que compaignon vont

devant. Li hiraut demandèrent tout haut, qui avoient

vesti cotes d’armes: «Où sont li maistre? Liquel de

vous sont les cappitaines? [Il nous fault parler à eulx],

5car sur cel estat sommes nous chi envoié des signeurs.»

Adont se perchurent bien par ces parolles li aucun

Parisiien que il avoient mal ouvret; si baissièrent les

testes, et dissent: «Il n’i a chi nul maistre; nous

sommes tout un et au commandement dou roi nostre

10sire et de vos signeurs. Dites, de par Dieu, ce que dire

volés.»—«Signeur, dissent il, no signeur qui chi

nous envoient (s[i] les nommèrent), ne sèvent mies à

quoi vous penssés; si vous priient et requièrent que

paisiulement et sans peril il peuissent venir parler à

15vous, et retourner devers le roi et faire response telle

que vous leur dirés: autrement il n’i ossent venir.»—«Par

ma foi, respondirent chil à qui les parolles

adrechièrent, il ne convient mies chela dire à nous

fors que de leur noblèce, et nous quidons que vous

20gabés.» Respondirent li hirault: «Mais nous enparlons

tout acertes.»—«Or alés dont, disent li Parisiien,

[et leur dites] que il viengnent seurement, car

il n’aront nul mal par nous, mais sommes aparilliet à

faire leur coumandement.»

25Adont retournèrent li hiraut as signeurs dessus

nommés, et leur dissent ce que vous avés oï. Lors

chevauchièrent avant li quatre baron, les hiraus en

leur compaignie, et vinrent jusques as Parisiiens, que

il trouvèrent en arroi et convenant de une belle bataille

30et bien ordonnée, et là avoit plus de vint mille maillès.

Enssi que li signeur passoient, il les regardoient

et en prissoient en eux meïsmes asés bien le manière,

[78] et li Parisiien en passant les enclinoient. Quant cil

signeur furent enssi que en milieu d’eux, il s’arestèrent.

Adont parla li connestables tout hault, et

demanda en dissant: «Et vous, gens de Paris, qui

5vous muet maintenant à estre vuidiet hors de Paris en

telle ordenance? Il samble, qui vous voit rengiet et

ordonné, que vous voelliés combattre le roi, qui est

vos sires, et vous si subgiet.»—«Monsigneur, respondirent

cil qui l’entendirent, salve soit vostre grace,

10nous n’en avons nulle volenté, ne onques n’euismes,

mais nous sommes issu enssi, puisque il le vous plaist

à savoir, pour remonstrer à nostre sire le roi la poissance

des Parisiiens, car il est jones, s[i] ne le veï

onques, ne ne le puet savoir, se il ne le voit, comment

15il en seroit servis, se il besongnoit.»—«Or, signeur,

dist li connestables, vous parlés bien, mais nous vous

dissons de par le roi que tant que pour celle fois il

n’en voelt point veoir, et ce que vous en avés fait, il li

souffist. Si retournés en Paris paisieulement, et cascuns

20en son hostel, et mettés ces armeures jus, se

vous volés que li rois i descende.»—«Monsigneur,

respondirent cil, nous le ferons volentiers à vostre

commandement.»

Adont rentrèrent li Parisiien en Paris, et s’en ala

25cascuns en sa maison desarmer, et li quatre desus

nommet retournèrent devers le roi, et li recordèrent

toutes les parolles que vous avés oïes et à son conseil

ossi. Lors fu ordonné que li rois et si oncle et li signeur

principaulment enteroient en Paris et aucunes gens

30d’armes; mais les plus grosses routes se tenroient au

dehors de Paris tout à l’environ, pour donner cremeur

as Parisiiens. Et furent li sires de Couchi et li mareschaulx

[79] de Sansoire ordonné que, quant li rois seroit

entrés en Paris, que on osteroit les fuellès des quatre

portes princhipaux de Paris, au lés devers Saint Denis

et Saint Mor, hors des gons, et seroient les portes nuit

5et jour ouvertes pour entrer et issir toutes gens

d’armes à leur aisse et volenté; et pour esmestriier

ceux de Paris, se il besongnoit, encores feroient li

dessus dit oster toutes les caïnnes des rues de Paris,

pour chevauchier partout plus aisieuement et sans

10dangier. Sicom il fu ordonné, il fu fait.

Adont entra li rois en Paris, et s’en ala logier au

Louvre, et si oncle dalés lui, et li autre signeur à leurs

hostelx, enssi comme il les avoient. Si furent li fuellet

des portes mis hors des gons, et là couchiet de travers

15desoulx le toit des portes, et les caïnnes de toutes

les rues de Paris ostées et portées au palais. Adont

furent li Parisiien en grant doubte, et quidierent bien

estre courut; et n’osoit nuls homs issir hors de son

hostel ne ouvrir huis ne fenestre que il euist, et furent

20en cel estat trois jours en grans transses et en peril,

voirement, de rechepvoir plus grant damage que il ne

fesissent. Si leur cousta il as pluiseurs grant finance,

car on les mandoit en la cambre dou conseil, un au

cop, lesquels que on volloit, et là estoient ranchonné,

25li uns de sis mille, li autres de trois mille, li autres de

vuit mille, et ensi tant que on leva adont de Par[i]s,

au pourfit dou roi ou de ses oncles ou de leurs

ministres, la somme de quatre cens mille frans; et ne

demandoit on riens as moitains ne as petis, fors as

30grans maistres où il avoit assés à prendre; et encores

eux tout euwireux, quant il peurent escapper par paiier

finance. Et leur fist on porter toutes leurs armeures

[80] cascun par lui, mettre en sas et porter au castel de

Biauté que on dist à Wicennes au bois, et là enclore

les armeures en la grosse tour et tous les maillès ossi.

Ensi furent menet en che tamps li Parisiien, pour

5exempliier toutes autres villes dou roiaulme de France,

et furent remises sus sousides, gabelles, aides, fouages,

dousimes, tresimes et toutes manières de tels coses,

et li plas païs avoec che tous riflés.

§ 354. Encores avoecques tout che, li rois et ses

10consaulx en fissent prendre et mettre em prison desquels

qu’il vorent. Si en i ot biaucop noiiés, et, pour

apaisier le demorant et oster les esbahis de leur effroi,

on fist criier de par le roi, de quarfour en quarfour,

que nuls sour le hart ne fourfesist as Parisiiens, ne ne

15presist ne pillast riens ens es hostels ne parmi la ville.

Chils bans et cils cris apaisa grandement ceulx qui

estoient en doubte. Toutesfois, on mist hors de Castelet

un jour pluiseurs hommes de Paris jugiés à mort

pour leurs fourfaitures et pour esmouvement de commun,

20dont on fu mout esmervilliet de maistre Jehan

des Marès, qui estoit tenus et renommés à sage et

notable homme. Et voellent bien dire li aucun que on

li fist tort, car on l’avoit tousjours veu homme de grant

prudense et de bon conseil, et avoit esté toudis li uns

25des grigneurs et autentiques en parlement sus tous

les autres, et servi au roi Phelippe, au roi Jehan et

au roi Charle, que onques il ne fu desveus en nul

fourfait fors adont. Toutesfois, il fu jugiés à estre

decollés, et environ quatorse en sa compaignie; et

30entrues que on l’amenoit à sa decolacion sus une charrète,

et seans sus une plance desus tous les autres,

[81] il demandoit: «Où sont chil qui m’ont jugiet? Il

viegnent avant et me monstrent la cause et la raison

pour quoi m’ont jugiet à mort.» Et là prechoit il le

peuple, en alant à sa fin, et ceux qui devoient morir en

5sa compaignie; dont toutes gens avoient grant pité,

mais il n’en osoient parler. Là fu il amenés au marchiet

des halles, et là devant lui tout premiers furent

decollé chil qui en sa compaignie estoient, et en i ot

un que on nommoit Nicollas le Flamenc, un drappier,

10pour qui on offroit, pour lui sauver sa vie, soissante

mille frans, mais il morut. Quant on vint pour decoller

maistre Jehan des Marès, on li dist: «Maistre

Jehan, criiés merchi au roi, que il vos pardonne vos

fourfais.» Adont se retourna il et dist: «Jou ai servi

15au roi Phelippe, son ave, et au roi Jehan, son taion,

et au roi Charle, son père, bien et loiaulment, ne

onques chil troi roi si predicesseur ne me seurent

riens que demander; et ossi ne feroit cils chi, se il

avoit eage et congnissanche d’omme, et quide bien

20que de mon jugié il [ne] soit en riens coupables. S[i]

ne li ai que faire de criier merchi, mais à Dieu voel je

criier merchi et non à autrui, et li pri boinement que

il me pardonne mes fourfais.» Adont prist il congiet

au peuple, dont la grigneur partie ploroit pour lui.

25En cel estat morut maistres Jehans des Marès.

§ 355. Pareillement en la chité de Roem, pour mestriier

la ville, en i ot aucuns executés et pluiseurs

ranchonnés, ossi et à Rains, à Chaalons, à Troies, à

Sens et à Orliens; et furent les villes taxées à grant

30somme de florins, pour tant que il avoient au commenchement

desobeï au roi. Et furent levé en celle

[82] saison parmi le roiaulme de France si grande somme

de florins que mervelles seroit dou dire; et tout aloient

au pourfit dou duc de Berri et dou duc de Bourgongne,

car li jones rois estoit en leur gouvrenement.

5Au voir dire, li connestables de France et li mareschal

en eurent leur part pour paiier gens d’armes, qui

les avoient servis en che voiage de Flandres; et furent

li signeur tels que li contes de Blois, li contes de la

Marce, li contes d’Eu, li contes de Saint Pol, li contes

10de Harcourt, li daufins d’Auvergne, li sires de Couchi

et li grant baron de France assignet sus leurs

terres et païs à prendre che que li rois leur devoit,

pour les services que il lui avoient fait en Flandres, et

pour eux acquiter envers leurs gens. De tels assignacions

15ne sai je pas comment li signeur en furent paiiet,

car tantos et freschement nouvelles tailles revinrent

en leurs terres de par le roi et sus leurs gens, et convenoit

avant toute oevre le taille dou roi executer et

estre paiie, et les signeurs demorer derrière. Or revenons

20à ceux de Gand.

§ 356. Vous savés que quant li rois de France se

departi de [Tournai], que la ville de Gand demora en

guerre enssi comme en devant. Si estoient cappitaines

de Gand pour celle saison Piètres dou Bos, Piètres le

25Witre et François Acremen. Si se renouvelèrent ces

cappitaines de nouvelles gens et saudoiiers, qui leur

vinrent de pluiseurs païs et ne furent noient esbahi

de gueriier, mais ossi fresc et ossi nouvel que onques

mais. Et entendirent ces cappitaines que il avoit Bretons

30et Bourgignons en garnison en la ville d’Ardembourc:

si s’avisèrent que il se trairoient celle part et

[83] les iroient veoir, et se partirent de Gand Piètres dou

Bos et François Acremen, atout trois mille hommes,

et s’en vinrent à Ardembourc. Là ot grant escarmuce,

et de fait li Gantois gaagnièrent la ville; mais il leur

5cousta mout de leurs gens. Toutesfois, il i ot bien

deus cens saudoiiers mors, et fu la ville pillie et courue,

et le grigneur partie arsse; et puis s’en retournèrent

il à Gand à tout leur butin et leur conquest.

Si furent receu à grant joie. Tantos apriès, il coururent

10en la terre d’Alos et de Tenremonde et jusques

à Audenarde, et pillèrent tout le païs.

§ 357. Li contes de Flandres, qui se tenoit à Lille,

entendi comment li Gantois s’avanchoient de courir

sus le païs et de tout destruire che qu’il pooient. Si

15en fu grandement courouchiés, et ne quidoit mie que

il en euissent le sens ne la poissance de tout che

faire, puisque Phelippe d’Artevelle estoit mors; mais

on li dist: «Sire, vous savés et avés tousjours oï dire

que Gantois sont durement soutil: il vous ont bien

20fait et monstré l’aparant. De requief il ont celle saison

esté en Engletière: si en i a des revenus, et par especial

François Acremen. Cils estoit compains en toutes

coses à Phelippe, et, tant qu’il vive, vous ne serés

sans guerre. Encores savons nous de verité que il a

25fait pour la ville de Gand grans aliances au roi d’Engletière,

car il est, où qu’il soit, à ses gages et a tous

les jours un franc de gages; et couvertement Jehans

Salemons, uns purs Englès qui demeure à Bruges, et a

demoré desoulx vous plus de vint et quatre ans, le

30paie de mois en mois et paiera; et que che soit voirs,

Rasses de [Voure] et Loïs de Vos et Jehans Scotelare,

[84] liquel sont de Gand, et cils clers qui procure à estre

evesques de Gand, sont encores demoret derière en

Engletière, pour parfurnir les aliances, et vous en orés

plus vraies nouvelles que nous ne vous dissons, dedens

5le mai.»

Li contes de Flandres glosa bien toutes ces parolles

et les tint à veritables; et voirement les estoient elles.

Adont se couroucha il sur ce Jehan Salmon et sur les

Englès qui demoroient à Bruges, et les fist semonre

10par ses sergans à estre à certain jour que il i asigna,

devant lui ou castel à Lille. Li sergant dou conte

vinrent à Bruges, et amonestèrent Jehan Sallemon et

pluiseurs autres Englois, rices hommes, qui de ce

ne se donnoient garde, que il fussent à le [quinsaine]

15devant le conte de Flandres ou castiel de Lille.

Quant chil Englois oïrent ces nouvelles, il furent tout

esbahi, et parlèrent ensamble et se conseillièrent, et

ne savoient que penser ne imaginer pour quoi li contes

les mandoit. Tout consideré, il se doubtèrent grandement,

20car il sentoient le conte en sa felonnie mout

hastieu. Si dissent entre eux: «Qui ne garde le corps,

il ne garde riens. Espoir est li contes enfourmés sour

nous durement, car, avoecques François Acremen,

qui est à pencion au roi d’Engletière, a eu deus bourgois

25de ceste ville en Engletière, liquel, espoir, ont

sur nous enfourmé le conte, pour nous honnir, car il sont

maintenant de sa partie.» Sus ce pourpos s’arestèrent

cil Englois, et n’osèrent li aucun atendre le jugement

dou conte ne aler à Lille à leur journée. Si se partirent

30de Bruges et vinrent à l’Escluse, et firent tant que il

trouvèrent nef apparillie et l’acatèrent à lors deniers,

et se departirent et vinrent ariver au kai à Londres.

[85] Quant li contes de Flandres fu enfourmés de cel

afaire, et que chil Englois ne venroient point à leur

journée, si en fu durement courouchiés, et veï bien,

selonc l’apparant, que on l’avoit enfourmé de verité.

5Si envoia tantos à Bruges ses sergans, et fist saisir

tout ce que on peut trouver de ces Englès, qui defui

s’estoient, et vendre tous leurs hiretages; et furent

bani de Flandres, à cent ans et un jour, Jehans Salemons

de Londres et si compaignon. Et cil qui furent

10pris furent mis en le Pière en prison, dont il i ot

aucuns qui i morurent, et aucuns qui se rançonnèrent

à tout ce qu’il avoient de finance.

§ 358. On dist en un commun proverbre, et voirs

est, que onques envie ne morut: je la ramentoi pour

15tant que par nature Englès sont trop envieux sus le

bien d’autrui et ont tousjours esté. Sachiés que li rois

d’Engletière, et si oncle, et li noble d’Engletière estoient

durement courouchiet dou bien et de l’onneur qui

estoient [avenu] au roi de France et as nobles de

20France, à le bataille de Rosebeque, et dissoient en

Engletière li chevalier, quant il en parloient ensamble:

«A! Sainte Marie! Que cil François font maintenant

de fumées et de posnées, pour un mont de villains que

il ont ruet jus! Pleuist à Dieu que cils Phelippes d’Artevelle

25euist eu des nostres deus mille lances et sis

mille archiers! Il n’en fust ja piés escapés de ces François,

[que tout ne fussent ou] mort ou pris; et, par Dieu,

ceste glore ne leur demor[r]a mie longuement. Or

avons nous bel avantage d’entrer en Flandres, car li

30païs a estet conquis du roi de France, et nous le

reconquer[r]ons pour le roi d’Engletière. Encores monstre

[86] bien à present li contes de Flandres que il est grandement

soubjés au roi de France et que il li voelt

complaire de tous poins, quant boins marceans englois

demorans à Bruges, et ont demoret passet a trente

5ans, tels i sont, il a banis et escachiés de Bruges et

de Flandres. On a veu le tamps que il ne l’eust point

fait pour nul avoir, mais maintenant il n’en ose autre

cose faire, pour le doubtance des François.»

Ensi et autres parolles langagoient li Englès parmi

10Engletière, et dissoient que les coses ne demor[r]oient

point en ce point: on poet bien et doit supposer que

c’estoit tout par envie.

§ 359. En che tamps s’en vint chils qui s’escripsoit

pappes Urbains sisimes, de Romme par mer en Jenneves,

15où il fu receux grandement et reveraument des

Jenevois, et tint là son siège. Vous savés comment

toute Engletière estoit obeïssans à lui tant que de

l’Eglise et plus [fort] que onques mais, pour la cose

de ce que li rois de France estoit Clementins et toute

20France. Chils Urbains, ouquel li Englois et pluiseurs

autres nacions creoient, s’avisa, lui estant à Jenneves,

pour nuire le roi de France en quanqu’il poroit, que

il envoieroit en Engletère au secours, je vous dirai

par quel manière: il envoieroit ses bulles as arcevesques

25et evesques dou païs, lesquelles feroient mencion

que ils asoloit et asolroit tous ceulx de painne et

de coupe qui aideroient à destruire les Clementins;

car il avoit entendu que Clemens, ses aversaires, parellement

l’avoit fait en France et faisoit encores tous

30les jours; et appeloient li François les Urbanistres,

tant qu’en foi, chiens, et ossi les Clementins il voloit

[87] condempner selonc sa poissance en cel estat, et bien

savoit que il ne les pooit plus grever que par les

Englès. Mais il convenoit, se il voloit faire son fait,

mettre sus une grande misse de finance avant, car

5bien savoit que li noble d’Engletière, pour toutes ses

asolucions, ne chevaucheroient point trop [avant], se

li argens n’aloit devant, car gens d’armes ne vivent

point de pardons, ne il n’en font trop grant compte,

fors au destroit de la mort. Si regarda que, avoecq

10ces bulles que il envoieroit en Engletière devers les

prelas, pour faire prechier, il otrieroit un plain disime

sus les eglises au roi [et] as nobles, pour estre plainement

et sans dangier paiet de leurs gages, sans grever

le tresor dou roi ne le communauté dou païs; à

15laquelle cose il pensoit que li chevalier et li baron

d’Engletière entenderoient volentiers. Si fist incontinent

escripre et grosser bulles à pooir, tant au roi

comme à ses oncles et as prelas d’Engletière, de ces

pardons et asolupcions de painne et de coupe; et

20avoecq tous ces biens, dont il s’eslargissoit, il otrioit

[au] roi et à ses oncles un plain disime par toute Engletière

à prendre et lever, afin que messires Henris

li Despensiers, evesque de Norduich, fust chiés de ces

besongnes et gens d’armes. Pour tant que li bien

25venoient de l’Eglise, il voloit que il i eust un chief

d’Eglise pour le gouvrener: si i ajousteroient les

communautés et les eglises d’Engletière plus grant foi.

Avoec tout ce, pour ce que il sentoit le roiaulme

d’Espaigne contraire à ses oppinions et aloiiet à Clement

30avoec le roi de France, il s’avisa que de cel or

et de cel argent qui seroit quelliés et levés parmi le

roiaulme d’Engletière, li dus de Lancastre, qui se tenoit

[88] rois de Castille de par sa femme, i partiroit, pour faire

parellement une autre armée en Castille, et, se li dus

de Lancastre, avoecques poissance de gens d’armes,

5emprendoit ce voiage, il acorderoit au roi de Portingal,

liquels avoit guerre nouvelle au roi Jehan de Castille,

car li rois Ferrans estoit mors, un plain disime

parmi tout le roiaulme de Portingal. Enssi ordonnoit

Urbains ses besongnes, et envoia plus de trente bulles

en Engletière, lesquelles en celle saison on rechut à

grant joie.

10Adont li prelat en leurs prelacions et signouries

commenchièrent à prechier che voiage par manière de

croiserie, dont li peuples d’Engletère, qui creoient assés

legièrement, i eurent trop grant foi; et ne quidoit nuls

ne nulle issir de l’an à honneur, ne jamais entrer en

15paradis, se il n’i metoit et donnoit dou sien. De pures

aumosnes à Londres et en la diocesse il i ot plain un

tonnel de Gascongne d’or et d’argent; et qui le plus

i donnoit, selonc le bulle dou pappe, plus avoit de

[pardons]; et tout cil qui moroient en celle saison, qui

20le leur entirement resinoient et donnoient à ces pardons,

estoient asols de painne et de couppe par le

teneur de la bulle, tous ewireux, disoient il en Engletière,

qui pooit morir en celle saison, pour avoir si

noble asolucion. On queilla en cel ivier et ou quaresme,

25parmi Engletière, tant par aumosnes que par les disimes

des eglises, car tout estoient tailliet et de eux

meïsmes il se tailloient trop volentiers, que on ot la

somme de vint et cinc mille frans.

30§ 360. Quant li rois d’Engletière et si oncle et leurs

consauls furent confourmé de la misse, si en furent

[89] tout joiant, et dissent que il avoient argent assés pour

faire guerre as deus roiaulmes, c’est à entendre à

France et à Espagne. Pour aler en Espagne ou non

dou pappe, des prelas d’Engletière, avoec le duc de

5Lancastre, fu ordonnés li evesques de Londres qui

s’appelloit Thomas, frères au conte de [Devensière]; et

devoient avoir carge de deus mille lances et de quatre

mille archiers, et leur devoit on le moitiet de cel

argent departir, mais il ne devoient pas sitos issir

10hors d’Engletière que li evesques de Norduich et sa

route faissoient, pour tant que celle armée devoit

ariver à Calais et entrer en France. Si ne savoit on

comment il se porteroient, ne se li rois de France à

poissance venroit contre eux, ou non, pour combatre.

15Encores i avoit un autre point contraire au duc de

Lancastre, qui grant joie avoit de che voiage, que toute

la communaultés generalment d’Engletière s’enclinoit

trop plus à estre avoecques l’evesque de Norduich

que de aler avoec le duc de Lancastre, car li dus, de

20trop grant tamps avoit, n’estoit point bien en la grace

dou peuple, et [si] leur estoit li voiages de France plus

prochains que cils d’Espaigne; et dissoient encores li

aucun en derière, que li dus de Lancastre, pour le

convoitisse de l’or et de l’argent qu’il sentoit ou païs,

25qui venoit de l’Eglise et des aumosnes des bonnes

gens, pour avoir ent sa part, se inclinoit plus que par

devocion qu’il i euist. Mais cil evesques de Norduich

representoit le pappe et estoit par lui institués à ce

faire, pour quoi la grignour partie d’Engletière i ajoustoient

30grant foi, et li rois Richars ossi.

Si furent ordonné as gages de l’Eglise et de cel

evesque Henri le Despensier, pluiseur bon chevalier

[90] et escuier d’Engletère et de Gascongne, tels que le

signeur de Biaumont, englois, messire Hue de Cavrelée,

messire Thumas Trivet, messire Guillaume Helmen,

messire Jehan de Ferrières, messire Hue le Despensier,

5cousin à l’evesque, fils de son frère, messire

Guillaume de Ferinton, messire Mahieu Rademen,

capitaine de Beruich, le signeur de Castiel Noef, gascon,

messire Jehan, son frère, Rammon de Marsen,

Guillonet de Pans, Garriot Vighier et Jehan de Cauchiten

10et pluiseurs autres, et furent, tous comptés, environ

sis cens lances et quinse cens d’autres gens; mais

grant fuisson i avoit de prestres, pour la cause de che

que la cose touchoit à l’Eglise et venoit de leur pappe.

§ 361. Ches gens d’armes et ces routes fissent leurs

15pourveances bien et à point, et leur delivroit li rois

passage à Douvres et à Zanduich. Là fissent il environ

Pasques toutes leurs pourveances, et se traïssent là

cil qui passer voloient, petit à petit, et faissoient che

voiage par manière de croiserie.

20Avant che que li evesques et les cappitaines qui

avoec lui estoient, especialment messires Hues de

Cavrelée, messires Thomas Trivès et messires Guillaumes

Helmen, ississent hors d’Engletière, il furent

mandé au conseil dou roi et là juroient solempnellement,

25le roi present, de traire à chief à leur loial pooir

leur voiage, et que ja il ne se combateroient contre

homme ne païs qui tenissent Urbain à pappe, mais à

ceux qui l’oppinion de Clement soustenoient. Enssi le

jurèrent il trop volentiers, et là dist li rois par l’acord

30de son conseil: «Evesques, et vous, Hues, Thomas

et Guillaume, vous venu à Calais, vous i sejournerés

[91] que sus les frontières, en heriant France, un mois ou

environ. Et dedens che terme je vous rafresquirai de

gens d’armes et d’archiers, et vous envoierai un bon

mareschal et vaillant homme, messire Guillaume de

5Biaucamp, car je l’ai envoiiet querre: il est en la marce

d’Escoce, où il a la journée et frontière de parlement

pour nous contre les Escos, car les trieues de nous et

des Escos doivent falir à celle Saint Jehan. Lui revenut,

vous l’arés sans faute en vostre compaignie: si

10l’atendés, car il vous sera mout nécessaires de sens

et de bon conseil.»

Li evesques de Norduich et li chevalier dessus nommet

li eurent convenant que ossi feroient il, et sus cel

estat se departirent il dou roi et se missent sur leur

15voiage, et montèrent en mer à Douvres, et arivèrent à

Calais le vint et troisime jour dou mois d’apvril, l’an

mille trois cens quatre vins et trois.

§ 362. Pour ce tamps estoit cappitaines de Calais

messires Jehans d’Ewrues, qui rechut l’evesque et les

20compaignons à grant joie. Si missent hors de leurs

vaissaulx petit à petit leurs chevaux et leurs harnas,

et se logièrent, cil qui logier se peurent, à Calais et

environ, en bastides que il avoient fait et faissoient

tous les jours, et furent là jusques à quatre jours en

25mai, atendans leur mareschal messire Guillaume de

Biaucamp, qui point ne venoit. Quant li evesques de

Norduich, qui estoit jones et volentrieux et qui se

desiroit à armer, car encores estoit il petit armés

fors en Lombardie avoecques son frère, se veï à Calais,

30et cappitaine de tant de gens, si dist une fois à ses

compaignons: «Et à quelle fin, biau signeur, sejournons

[92] nous tant chi? Messires Guillaumes de Biaucamp

[ne] venra point. Il ne souvient ore le roi ne ses oncles

de nous. Faisons aucun exploit d’armes, puisque nous

sommes ordonné à ce faire; emploions l’argent de

5l’Eglise loiaulment, puisque nous en vivons, et reconquerons

dou nouvel sus les ennemis.»—«C’est bon,

respondirent chil qui à ces parolles furent, faissons

asavoir à nos gens que nous volons chevauchier dedens

trois jours, et regardons quelle part nous nos

10trairons. Nous ne poons partir ne issir des portes de

Calais nullement, que nous n’entrons sus terre d’anemis,

car c’est France de tous costés, otant bien vers

Flandres comme vers Boulongne ou Saint Omer, car

Flandres est terre de conquès, et l’a conquis par poissance

15li rois de France. Ossi nous ne porions faire

milleur exploit, tout consideré, ne plus honnerable

que dou reconquerir; et li contes de Flandres a fait

un grant despit à nos gens, quant sans nul title de

raison il les a banis et escachiés hors de Bruges et

20dou païs de Flandres. Il n’a pas deus ans que il euist

fait ce moult envis, mais à present il le convient obeïr

as ordonnances et plaisirs dou roi de France et des

François.»—«Dont, se j’estoie creus, dist li evesques

de Norduich, la première chevauchie que nous

25ferions, che seroit en Flandres.»—«Vous en serés

bien creus, che respondirent messires Thumas Trivès

et messires Guillaumes Helmen; ordonnons nous sur

che et chevauchons celle part dedens trois jours, car

che sera sur terre d’ennemis.» A ce conseil se sont

30dou tout tenu et le fissent assavoir à leurs gens.

§ 363. A toutes ces parolles dites et devissées

[93] n’estoit mies messires Hues de Cavrelée, anchois

estoit alés veoir le cappitaine de Ghines, un sien cousin,

qui s’appelloit messire Jehan Draiton, et demora

à Ghines tout che jour que il i ala; à l’endemain il

5revint. Quant il fut revenus, li evesques le manda ens

ou castel où il estoit logiés, et les autres chevaliers

ossi. Et pour tant que messires Hues estoit li plus usés

d’armes de tous les autres et qui le plus avoit veu,

li chevalier avoient dit à l’evesque que il voroient avoir

10l’avis de messire Hue, anchois que il fesissent riens. [Si]

li dist li evesques, present eux, les parolles dessus dites,

et li demanda que il en desist son avis. Messires Hues

respondi et dist à l’evesque: «Sire, vous savés sur

quel estat nous sommes issu d’Engletère. Nostre fait ne

15toucque de riens au fait de la guerre des rois, fors

sur les Clementins, car nous sommes saudoiiers au

pappe Urbain, qui nous asobt de paine et coupe, se

nous poons destruire les Clementins. Se nous alons

en Flandres, quoi que li païs soit au duc de Bourgongne

20et au roi de France, nous nos fourferons, car j’entench

que li contes de Flandres et tout li Flamenc sont ossi

boin et vrai Urbanistre que nous sommes. De rechief

nous n’avons pas gens assés pour entrer en Flandres,

car ils sont grant peuple tout apparilliet et resvilliet

25de la guerre, car il n’ont eu autre soing puis quatre

ans, et si i a durement fort païs à entrer et chevauchier;

et [si] ne nous ont li Flamenc riens fourfait.

Mais, se nous volons chevauchier, chevauchons en

France: là sont nostre ennemi par deus manières: li

30rois no sires a guerre ouverte à eulx, et si sont li

François tout Clementin et contraire à nostre creance

tant que de pappe. Oultre nous devons atendre nostre

[94] mareschal, messire Guillaume de Biaucamp, qui doit

hastéement venir atout grant gent, et che fu la derrenière

parolle dou roi nostre sire, que il le nous envoieroit.

Si lo et conseille de mon avis, puisque chevauchier

5volons, que nous chevauchons vers Aire ou

Monsteroel. Nuls ne nous venra encore au devant, et

tousjours nous croisteront gens qui isteront de Flandres,

et qui ont le leur tout perdu, qui voront gaagnier avoecques

nous, et qui ont encores ou coer la felonnie et le

10mautalent sus les François, qui leur ont mors et ochis

en ces guerres leurs pères, leurs fils et leurs amis.»

A paines peut avoir messires Hues finet son parler,

quant li evesques le reprist comme caux et boullans

que il estoit, et li dist: «Oïl, oïl, messire Hue, vous

15avés tant apris ou roiaulme de France à chevauchier

que vous ne savés chevauchier ailleurs. Où poons

nous mieux faire nostre pourfit que de entrer en celle

rice frontière de mer de Bourbourc, de Dunquerque,

de Noefport et en la castelerie de Berghes, de Cassel,

20de Ippre et de Popringhe? En che païs là que je vous

nomme, sicom je fui enfourmés des bourgois de Gand

qui sont chi en nostre compaignie, il ne furent onques

guerriiet [de] cose qui leur grevast. [Si] nous irons là

rafresquir et atendre messire Guillaume de Biaucamp,

25se il voelt venir: encores n’est il mies apparant de

sa venue.»

Quant messires Hues de Cavrelée se veï enssi reboutés

de cel evesque, qui estoit de grant linage en Engletière

et qui estoit leurs cappitains, quoi que il fust

30vaillans chevaliers, si se teut, et aussi il ne fu point

aidiés à soustenir sa parolle de messire Thumas Trivet

et de messire Guillaume Helmen; et se parti de la

[95] place en dissant: «Par Dieu, sire, se vous chevauchiés,

messire Hues de Cavrelée chevauchera avoecques

vous, ne vous ne ferés ja voie ne chemin où il

ne se ose bien veoir.»—«Je le croi bien, dist li

5evesques, qui avoit grant desir de chevauchier. Or

vous apparilliés, car nous chevaucerons de matin.»

§ 364. A che pourpos se sont il dou tout tenu, et

s’ordonnèrent à chevauchier à l’endemain, et fu leur

chevauchie segnefiie parmi la ville de Calais et en

10tous les logis. Quant che vint au matin, les trompètes

sonnèrent. Tout se departirent, et prisent les camps

et le chemin de Gravelines, et pooient estre en compte

trois mille testes armées. Tant cheminèrent que il

vinrent sus le port de Gravelines. Pour l’eure, le mer

15estoit basse; si passèrent oultre et entrèrent ou port,

et le pillèrent, et asaillirent le moustier que chil dou

païs avoient fortefiiet et la ville qui estoit fremée de

palis, laquelle ne se peut longuement tenir, car il

n’i avoit forques ceux de la ville, qui n’estoient que

20bon homme et gens de mer, car, se il i euist eu des

gentieux hommes, il se fussent bien plus longuement

tenu que il ne fissent, et ossi li païs, en devant ce,

n’estoit noient segnefiiés de ceste guerre, et ne se

doubtoient point des Englès. Si conquissent par assault

25chil Englès la ville de Gravelines et entrèrent ens, et

puis alèrent vers le moustier où les gens estoient

retrait et avoient mis leur moeuble, sus le fiance dou

fort lieu, leurs femmes et leurs enfans, et avoient

autour de ce moustier, où les gens estoient retrait,

30fait grans fossés. Si ne l’eurent pas li Englès à leur

aise, mais sejournèrent deus jours en la ville, avant

[96] que il peuissent avoir le moustier. Finablement il le

conquirent, et ochirent grant fuisson de ceux qui le

gardoient, et dou demorant il fissent leur volenté.

Enssi furent il seigneur de Gravelines, et se logièrent

5en la ville, et i trouvèrent des pourveances assés. Lors

se commencha li païs tous à esmouvoir et à effraer,

quant il entendirent que li Englès estoient à Gravelines,

et se boutèrent li pluiseur dou plat païs ens es

forterèces, et envoiièrent femes et enfans à Berghes,

10à Bourbourc et à Saint Omer. Li contes de Flandres,

qui se tenoit à Lille, entendi ces nouvelles que li

Englès li faissoient guerre et avoient pris Gravelines;

si se commencha à doubter d’eus et dou Franc de

Bruges, et appella son conseil que il avoit dalés lui,

15et leur dist: «Je m’esmervelle de ces Englès, qui me

queurent sus et prendent mon païs, quel cose il me

demandent, quant, sans moi deffiier, il sont entret en

ma tère.»—«Sire, respondirent li aucun, voirement

sont ce coses à esmervillier, mais on puet supposer

20que il tienent à present le conté de Flandres

pour France, pour ce que li rois a chevauchiet si

avant et que li païs s’est rendus à lui.»—«Et quel

cose est bon, dist li contes, dont que nous en fachons?»—«Il

seroit bon, respondirent chil de son conseil,

25que messires Jehans Villain et messires Jehan [dou]

Moulin, qui chi sont, et liquel sont à la pencion dou

roi d’Engletière, alaissent de par vous en Engletière

parler au roi et remonstrer bien sagement ceste

besongne, et li demandaissent de par vous à quel

30cause il vous fait guerriier; et, puisque guerre vous

voloit faire, il le vous deust avoir segnefiiet et vous

deffiiet, et que ce n’est pas honnerablement guerriiet.

[97] Espoir, quant il ora vos chevaliers et mesages parler,

se courcera il sur ceux qui vous font guerre, et les

retraira à leur blasme hors de vostre païs.»—«Voire,

dist li contes, et entrues que nostre chevalier

5iront en Engletière, cil qui sont en Gravelines,

qui ne leur ira au devant, poront trop durement porter

grant damage à ceux dou Franc.» Dont fu

respondus li contes, et li fu dit: «Sire, toudis convient

il que on voist parler à eux, tant pour avoir

10sauf conduit pour aler à Calais et en Engletière, que

pour savoir quel cose il vous demandent; et messires

Jehan Villain et messires Jehans dou Moulin sont bien

si avissé que tout en parlant il [metteront] le païs à

seur.»—«Je le voel,» dist li contes. Adont furent

15li doi chevalier enfourmé de par le conte et son conseil,

pour parler tant à l’evesque de Norduich, comme

dou voiage dont il sont cargiet d’aler en Engletère, et

de quel cose il parleront au roi d’Engletère et à ses

oncles.

20§ 365. Entrues que chil chevalier s’ordonnoient

pour venir à Gravelines parler à l’evesque de Norduich,

s’asambloit tous li païs d’environ, Bourbourc, Berghes,

Casel, Popringhe, Furnes, le Noef Port et autres villes,

et s’en venoient vers Dunquerque, et là se traioient

25en la ville, et disoient que il briefment il deffenderoient

et garderoient leur frontière, et combateroient

les Englès. Et avoient ces gens de Flandres à cappitaine

un chevalier, qui s’apelloit messires Jehans Sporequin,

gouverneur et regard de toute la tère madame

30de Bar, laquelle est en la frontière et marche dont je

parolle, et siet toute jusques as portes d’Ippre. Chils

[98] messires Jehans Sporequins ne savoit riens que li

contes de Flandres vosist envoiier en Engletière, car

li Halses de Flandres l’estoit venus veoir à trente

lances, et li avoit dit que voirement [estoit] li contes

5à Lille; mais il n’en savoit plus avant, et devoit marier

sa suer au signeur de Wauvrin. Dont cil doi chevalier

rendoient grant paine à esmouvoir le païs et mettre

ensamble les bons hommes; et se trouvoient bien

d’omes à picques et as plançons, à cotes de fier, à

10auquetons, as capiaux de fier, as bachinès plus de

douse mille, et tous appers compaignons de la terre

madame de Bar. Entre Gravelines et Dunquerque,

sicom je fui enfourmés, à trois lieues, et en mi che

chemin, siet la ville de Mardique, uns grans villages

15sus le mer tous desclos. Jusques à là [venoient] li

Englès courir, et là avoit à le fois des escarmuches.

Or vinrent à Gravelines messire Jehan Villain et messires

Jehan dou Moulin, envoiiet de par le conte, et

vinrent sus un bon sauf conduit que il avoient atendu

20à Bourbourc, tant que uns de leurs hiraus leur ot

aporté. Quant il furent venu à Gravelines, on les

loga; il se traïssent asés tost apriès che que il furent

descendu devers l’evesque de Norduich, qui leur fist

par samblant asés bonne chiere, et avoit donné à disner

25che jour tous les barons et chevaliers de l’ost,

car bien savoit que li chevalier dou conte devoient

venir; si voloit que il les trouvassent tout ensamble.

Lors commenchièrent à parler li doi chevalier dessus

nommé, et dissent à l’evesque: «Sire, nous

30sommes chi envoiiet de par monsigneur de Flandres.»

—«Quel signeur? dist li evesques.»—«Le conte,

sire, respondirent cil; il n’i a autre en Flandres

[99] signeur de lui.»—«En non Dieu, dist li evesques,

nous i tenons à signeur le roi de France ou le duc de

Bourgongne, nostres ennemis, car par poissance il

ont en celle saisson conquis le païs.»—«Salve soit

5vostre grace, respondirent li chevalier, la terre fu à

Tournai liegement rendue et demise en la main et

gouvrenement de monsigneur Loeïs, le conte de Flandres,

qui nous envoie devers vous, en priant que

nous, qui sommes de foi et de pencion au roi d’Engletière,

10vostre signeur, aions un sauf conduit pour

aler en Engletière et pour parler au roi, assavoir

pour quoi, sans deffiier, il fait guerre à monsigneur le

conte de Flandres et à son païs.» Respondi li

evesques: «Nous arons conseil de vous respondre,

15et vous en serés respondu le matin.» Pour l’eure

il n’en peurent autre cose ne autre response avoir:

assés leur souffi. Si se traïssent à leurs hostels, et

laissièrent les Englois conseillier, qui eurent che soir

conseil ensamble, tel que je vous dirai.

20§ 366. Tout consideré et regardé leur fait et leur

emprise que il avoient empris, il dissent que à ces

chevaliers il n’acorderoient nul sauf conduit pour aler

en Engletière, car li chemins i est trop lons; et entrues

que il iroient et retourneroient et que li païs seroit en

25seur, il se poroient malement fortefiier, et li contes,

qui est soutils, segnefiier son estat au roi de France

ou au duc de Bourgongne, par quoi dedens briefs

jours il venroient tant de gens contre eux que il ne

seroient pas fort assés dou resister ne dou combatre.

30Che conseil arestèrent il. «Et quel cose responderons

nous le matin à eux?» Messires Hues de Cavrelée en

[100] fu cargiés dou dire et de donner ent le conseil. Si

dist enssi à l’evesque: «Sire, vous estes nos chiés:

si leur dirés que vous estes en la terre le ducoise de

Bar, qui est Clementine, et pour Urbain, et non pour

5autrui, vous faites guerre; et se les gens de ceste terre,

les abbeïes et les eglises voellent estre bon Urbanistre

et cheminer avoecques vous où vous les menrés, vous

passerés parmi le païs et ferés passer vos gens paisiulement,

pour paier tout ce qu’il prenderont. Mais,

10tant que de eux donner sauf conduit d’aler en Engletière,

vous n’en ferés riens, car nostre guerre ne

regarde de riens la guerre dou roi de France ne dou

roi d’Engletière, mais somes saudoiier au pappe

Urbain; et il m’est vis que ceste response doit souffire.»

15Tout cil qui là estoient l’acordèrent, et especialment

li evesques, qui n’avoit cure quel cose on

desist ne fesist, mais que on se combatesist et que on

guerriast le païs. Enssi demora la besongne celle nuit.

Quant ce vint à l’endemain après messe, li doi chevalier

20dou conte, qui desiroient à faire leur voiage et

d’avoir response, s’en vinrent à l’ostel de l’evesque, et

atendirent tant que il eurent oï sa messe. Après la

messe, il se missent en sa presence. Il leur fist bonne

chiere par samblant, et gengla un petit à eux d’autres

25besongnes, pour detriier tant que si chevalier fussent

venu. Quant il furent tout ensamble, li evesques parla

et dist enssi: «Biau signeur, vous atendés response;

vous l’averés. Sus le requeste que vous avés fait de

par le conte de Flandres, je vous di que vous vos poés

30bien retraire et retourner, quant vous vollés, devers

vo conte ou aler vers Calais, se vous vollés, à vostre

peril, et en Engletière otant bien. Mais je ne donne

[101] nul sauf conduit, car je ne sui pas dou roi d’Engletière

chargiés si avant que pour ce faire. Je sui saudoiiers

au pappe Urbain, et tout cil qui sont en ma

compagnie sont à lui et à ses gages, et ont pris ses

5deniers pour lui servir. Or nous trouvons nous à present

en la terre la ducoise de Bar, qui est Clementine.

Se ses gens voellent tenir sen oppinion, nous leur

ferons guerre; se il voellent venir avoec nous, il partiront

à nos asolucions, car Urbains, qui est nos

10pappes et pour qui nous voiagons, absolt tous ceulx

de paine et de couppe qui aident à destruire les Clementins.»

Quant li doi chevalier entendirent ceste parolle, si

parlèrent, et dist messires Jehans Villains: «Sire,

15tant comme as pappes, je croi que vous n’avés point

oï parler dou contraire que monsigneur de Flandres

ne soit bons Urbanistres. Si estes mal adrechiés, se

vous li faites guerre ne à son païs; et il croit que li

rois d’Engletière ne vous a pas cargiet si avant que

20de lui guerriier, car, se guerre li vosist faire, il est

bien si nobles et si avisés que il l’euist avant fait deffiier.»

De ceste parolle se felonnia li evesques, et

dist: «Or alés; [si] dites à vostre conte que il n’en ara

autre cose, et, se il vous voelt envoiier en Engletière,

25ou autres gens, pour mieux savoir l’intencion dou

roi, si voissent chil, qui envoiiet i seront, ailleurs

prendre leur chemin, car par chi ne par Calais ne

passeront il point.» Quant li chevalier veïrent que il

n’en aroient autre cose, il se departirent et prissent

30congiet, et retournèrent à leur hostel et disnèrent, et

puis montèrent à ceval, et vinrent che soir jesir à

Saint Omer.

[102] § 367. Che propre jour que li chevalier de Flandres

partirent, vinrent nouvelles à l’evesque et as Englès

que il avoit à Dunquerque et là environ plus de douse

mille hommes, tous armés, et avoient le bastart de

5Flandres en leur compaignie, qui les conduissoit; et

encores i avoit aucuns chevaliers et escuiers qui les

consilloient, et tant que à Mardich il avoient escarmuchiet

et rebouté leurs gens, et en i avoit bien [eu]

cent ochis. Dont dist li evesques: «Or regardés dou

10conte de Flandres. Il samble que il n’i advise, et il

fait tout; il voelt priier l’espée en le main. Je voel

que nous chevauchons demain, et alons veoir vers

Dunquerque quels gens il i a.» Tout s’acordèrent à

ce pourpos, et en furent segnifiiet parmi Gravelines.

15Che soir vinrent doi chevalier, li uns de Calais et li

autres de Ghines, qui amenoient environ trente lances

et soissante archiers; li chevalier estoient nommet

messires Nicolles Clifton et messire Jehans Draiton,

cappitaine de Ghines. Quant che vint au matin, tout

20s’ordonnèrent et missent en arroi pour chevauchier,

et se traïssent sus les camps; et estoient plus de sis

cens lances et bien quinse cens archiers. Si chevauchièrent

vers Mardic et vers Dunquerque, et faisoit li

evesques de Norduich porter devant lui les armes de

25l’Eglise, la banière de saint Pierre, de geules à deus

clefs d’argent en sautoir, comme confanonniers dou

pappe Urbain. Et en son pennon estoient ses armes,

qui sont esquartelées d’argent et d’asur, à une freture

d’or sus l’asur et un baston de geules parmi l’argent; et

30pour brisier ses armes, car il estoit [des] Despensiers li

mainés, il portoit une bordure de geulles. Là estoient

messires Hues li Despensiers, ses nepveus, à pennon;

[103] là estoient, à banière et à pennon, li sires de Biaumont,

messires Hues de Cavrelée, messires Thomas

Trivès et messire Guillaume Helmen; et à pennon,

sans banière, messires Guillaumes Draiton et messires

5Jehans, ses frères, messires Mahieux Rademen, messires

Jehans de Ferrières, messires Guillaumes de Fierenton

et messires Jehans dou Noef Castiel, gascon.

Si chevauchièrent ches gens d’armes vers Mardic, et

là se rafresquirent et burent un cop, et puis passèrent

10oultre et prisent le chemin de Dunquerque.

Li Flamenc de tout le païs, qui estoient asamblé à

Dunquerque, furent segnefiiet que li Englès venoient

tout aparilliet, et en ordenance et volenté pour eux

combatre. Adont eurent il consaulx ensamble l’un par

15l’autre que il isteroient hors de Dunquerque, et se

meteroient as camps, et tout en bonne ordonnance,

pour eux deffendre et combatre, se il besongnoit, car

de eux tenir en la ville, et là estre enclos, il ne leur

estoit point pourfitable. Sicom il ordonnèrent, il fu

20fait; tout s’armèrent dedens Dunquerque, et se traïssent

sus les camps, et se missent en bon arroi sus

une montagne au dehors de la ville, et se trouvèrent

eux bien douse mille ou plus.

§ 368. Evous venu les Englois, et, en aprochant

25Dunquerque, il regardèrent sus destre au lés devers

Bourbourc et en [aprochant] la marine, et voient les

Flamens en une belle grose bataille tout ordonné.

Adont s’arestèrent il, et avalèrent plus avant, car vis

leur fu, à l’aparant que li Flamenc faissoient, que il

30seroient combatu. Lors se traïssent li signeur ensamble,

pour avoir conseil de ceste besongne; et là ot pluiseurs

[104] parolles retournées, car li aucun voloient, et

par especial li evesques, que tantos on les alast combatre;

et li autre, li sires de Biaumont et messires

Hues de Cavrelée, dissoient dou nom, et i metoient

5raison: «Vous savés, dissoient il, que chil Flamenc,

qui là sont, ne nous ont riens fourfait, et que encores,

au voir dire, n’avons nous envoiiet au conte de

Flandres, sus lequel païs nous sommes, nulles deffiances;

si ne guerrions pas courtoisement fors à la

10bourbe, qui en puet avoir s’en ait, sans nul title de

guerre raisonnable, et oultre, tous cils païs ouquel

nous sommes est Urbanistres et tient l’oppinion que

nous tenons. Or regardons dont à quelle juste cause

nous les irions maintenant courir sus.» Dont respondi

15li evesques: «Et que savons nous se il sont

Urbanistre ou non?»—«En nom Dieu, dist messires

Hues de Cavrelée, che seroit bon que nous

envoions devers eux un des nostres hiraus, pour savoir

quel cose il se demandent, de estre ensi là rengiet et

20ordonné en bataille contre nous, et que il soient

demandé auquel pappe il se tiennent. Se il respondent

à estre bon Urbanistre, vous lor requer[r]és par la

vertu de la bulle dou pappe, que nous avons, que il

s’en viègnent avoecq nous devant Saint Omer, ou Aire,

25ou Arras, ou là où nous les volrons mener; et quant

il se veront enssi requis, par celle requeste sarons

nous leur intencion, et sur ce avis et conseil.»

Chils pourpos fu tenus, et uns hiraus appellés, qui

se nommoit Montfort, et estoit hiraus au duc de Bretaigne,

30et li fu dit de par les signeurs, que il chevauchast

vers ches Flamens; et l’enfourmèrent de tout

che que il devoit dire et faire, et comment il se poroit

[105] maintenir. A leurs parolles il obeï, che fu raisons, et

i ala parler à eulx.

§ 369. Adont se departi li hiraus de ses signeurs,

vesti de une cote d’armes, enssi comme à lui appartenoit,

5et n’i pensoit nul mal, et s’en aloit vers ces

Flamens, qui se tenoient tout ensamble en une belle

grosse bataille; et estoit toudis pourveux et avisés de

bien faire son mesage, et se voloit adrechier devers

aucuns chevaliers qui là estoient. Mais il ne peut, car,

10sitretos comme il aprocha ces Flamens, sans lui

demander quel cose il queroit, ne où il aloit, ne à qui

il estoit, il l’encloïrent, et là l’ochirent comme folle

gent et de petite congnissance, ne onques li gentil

homme, qui là estoient, ne le peurent sauver.

15Quant li Englois en veïrent le convenant, qui avoient

l’ueil à lui, si en furent tout foursenet. Ossi furent li

bourgois de Gand, qui là estoient et qui desiroient à

esmouvoir la besongne, par quoi uns nouviaulx touellemens

se remesist en Flandres. Adont dissent il tout

20de une vois, li evesques et li chevalier: «Alons,

alons! Ceste ribaudaille ont mort nostre hiraut, mais

il sera chier comparé, ou nous demor[r]ons tout sus la

plache.» Adont fissent il passer oultre et avant leurs

archiers et aprochier ches Flamens. Là fu fais uns

25bourgois de Gant, qui s’appelloit Loïs de [Vos], chevaliers.

Tantos se commencha la bataille dure et mervilleuse,

car, au voir dire, chil Flamenc se missent

grandement à deffense, mais cil archier, au traire, les

commenchièrent à berser et à mener malment; et ces

30gens d’armes entrèrent en eux à lances afillées, qui

de premières venues en abatirent grant fuisson. Finablement

[106] Englois pour ce jour obtinrent la place, et

furent là li Flamenc desconfi, et se quidièrent recouvrer

pour entrer en Dunquerque; mais li Englès, en

eux recullant et cachant, les menèrent si dur et si

5roit que il entrèrent o eulx en la ville, et là en i ot sus

les rues et sus la marine grant fuisson de mors. Ossi il

se vendirent mout bien, car il ochirent plus de quatre

cens Englès, et furent trouvé depuis chi dis, chi douse,

chi vint, chi trente, enssi comme il encauchoient les

10Flamens, et cil Flament se requelloient, et à jeu parti

il les combatoient et ochioient. Li chevalier et li

escuier de Flandres qui là estoient, plenté ne fu che

mies, se sauvèrent, ne il n’en i ot que cinc ou sis mors

ou pris. Enssi ala de la besongne et dou rencontre

15qui fu che jour à Dunquerque, où il i ot bien mors

noef mille Flamens.

§ 370. Che propre jour de la bataille estoient

retourné en la ville de Lille, devers le conte de Flandres,

messires Jehans Villains et messires Jehans dou

20Moulin, et avoient fait leur relacion au conte telle

comme il l’avoient oï et veu des Englès à Mardique.

Si en estoit li contes tous pensieus pour savoir comment

il s’en cheviroit; encores le fu il plus, et bien i

ot cause, quant les nouvelles li vinrent que ses gens

25estoient mort et desconfi à Dunquerque, et la ville

prise. Si s’en porta il asés bellement et conforta,

faire li convenoit; et dist, quant les nouvelles l’en

vinrent: «Se nous avons perdu celle fois, nous gaegnerons

une autre.»

30Tantos et sans delai toutes ces nouvelles il escripsi

et envoia quoiteusement devers son fils, le duc de

[107] Bourgongne, qui se tenoit devers le roi en France,

afin que il euist sur ce avis, car bien imaginoit, puisque

li Englois avoient celle entrée en Flandres et ruet

enssi jus ses gens, que il ne s’en passeroient pas si

5briefment, mais feroient encores sus le païs pluiseurs

coses. Li dus de Bourgongne, quant il en fu avisés et

enfourmés, envoia chevalier[s] et escuiers partout en

garnisson sus les frontières de Flandres, en Saint

Omer, en Aire, à Saint Venant, à Bailluel, à Berghes,

10à Casel et par toutes les casteleriies, pour garder les

entrées d’Artois. Or dirons des Englois, comment il

perseverèrent.

§ 371. Apriès la desconfiture de Dunquerque et la

ville prise, il entrèrent tout en grant orguel, et leur

15sambla bien que toute Flandres fust leur, et au voir

dire, se il fussent adont venu devant Bruges, pluiseurs

gens dient et dissoient adont, qui bien quidoient

savoir le convenant de ceux de Bruges, que elle se

fust rendue englesque. Or ouvrèrent li Englois autrement,

20car il eurent conseil de aler devant Bourbourc

et de prendre la ville, et puis venir devers Aire et

devers Casel, et de conquerir tout le païs, et riens

laissier derrière qui leur fust contraire ou ennemi, et

puis venir devant Ippre. Il avoient imaginacion et

25intencion que la ville d’Ippre se renderoit tantos

quant il veroient le païs rendu. Lors se departirent li

Englois de Dunquerque, quant il en orent fait leur

volenté, et vinrent devers Bourbourc. Quant chil de

Bourbourc les sentirent aprochier, il furent si effraé

30que tantos il se rendirent salve lors vies et leurs biens;

enssi furent il pris. Et entrèrent [li Englois] en la ville

[108] et en orent grant joie, car il dissent que il en feroient

une belle garnisson, pour guerriier et heriier cheux

de Saint Omer et des frontières prochaines.

Après che il prissent le castiel de Dricehem, et furent

5trois jours devant, anchois que il le peuissent avoir; et

l’eurent par force, et i ot mort plus de deus cens hommes,

qui là se tenoient en garnisson. Si le remparèrent li

Englois, et dissent que il le tenroient à leur loial

pooir, et le rafresquirent de nouvelles gens; et puis

10chevauchièrent oultre, et vinrent à Cassel et prissent

la ville, et là orent grant pillage. Adont le repourveïrent

il de leurs gens, et puis si s’en partirent, et

dissent que il voloient venir veoir la ville d’Aire, mais

bien savoient li pluiseur, qui le congnoissoient, que

15elle n’estoit pas à prendre ne asalir, et que trop leur

cousteroit. Toutesfois li evesques de Norduich dist que

il le voloit veoir de priès.

§ 372. A che [jour] estoit cappitaine de la ville

d’Aire uns gentils chevaliers pikars, qui s’appelle, ou

20appelloit pour le temps, messires Robers de Biethune

et viscontes de Miaux. Avoec lui estoient et de sa carge

messires Jehans de Roie, li sires de Clari, messires

Jehans de Biethune, ses frères, li sires de Montegni,

messires Perducas dou Pont Saint [March], messires

25Jehans de Kauni et messires Florens, ses fils, et pluiseurs

autres, et tant que il estoient bien environ sis

vins lances de bonnes gens d’armes, chevaliers et

escuiers. Quant li evesques de Norduich, messires

Hues de Cavrelée, messires Henris de Biaumont, messires

30Thomas Trivès, messires Guillaumes Helmen,

messires Mahieux Rademen et li autre deurent aprochier

[109] Aire, et il furent venu asés priès sus un lieu et

un pas que on claime ou païs au Noef Fosset, il se

missent tout en ordenance de bataille, et passèrent

oultre, tout serré, banières et pennons ventelans, car

5il ne savoient que li viscontes de Miaulx et si compaignon

avoient enpensset. Li viscontes, li chevalier et

li escuier, qui pour che jour estoient là en garnison,

estoient tout rengiet et mis en bonne ordonnance sus

la cauchie, devant les barrières de la ville d’Aire, et

10pooient veoir les Englois tout clèrement passer sus la

costière de eux et prendre le chemin de Saint Venant;

mais il n’estoient pas gens assés pour eux veer leur

chemin, anchois se tinrent tout quoi sus leur pas, à

leur garde et à leur deffense, et li Englois passèrent

15oultre et vinrent che jour à Saint Venant, à deux petites

lieues priès de la ville.

De Saint Venant estoit cappitains uns chevaliers de

Picardie, qui s’appelloit messires Guillaumes de Nielle,

liquels avoit fortefiiet le moustier de la ville, pour

20retraire lui [et] ses compaignons, se il besongnoit,

ensi comme il fera, car la ville n’estoit fremée que de

palis petis et de fossés. Si ne dura point longhement

à l’encontre des Englès; si entrèrent ens. Adont se

requellièrent li François, aucun ou castiel, et aucun en

25l’eglise qui estoit asés forte. Chil dou castiel ne furent

point asailli, car li castiaux est durement fors, ne on

ne le puet aprochier pour les larges et parfons fossés

qui sont entour; mais li eglise fu asaillie incontinent

que li Englois se trouvèrent en la ville, et que il entendirent

30que les gens d’armes estoient là trait.