← Retour
La guirlande de Julie: augmentée de documents nouveaux
16px
100%
FRANCHE d'ambition, ie me cache sous l'herbe,
Modeste en ma couleur, modeste en mon séiour;
Mais si sur vostre front ie me puis voir vn jour,
La plus humble des Fleurs sera la plus superbe.
De M. DES MARESTZ.
LA VIOLETTE.
Madrigal.
DE tant de Fleurs par qui la France
Peut les yeux et l'ame rauir,
Vne seule ne me deuance
Au juste soin de te seruir.
Que si la Rose en son partage
Fait gloire de quelque auantage
Que le Ciel daigne luy donner,
Elle a tort d'en estre plus fiére,
I'ay l'honneur d'estre la premiére
Qui naisse pour te couronner.
De M. DE MALLEVILLE.
Chargement de la publicité...