Isabeau de Bavière, reine de France. La jeunesse, 1370-1405
Toilettes de la reine Isabeau aux fêtes de l'entrée à Paris et du sacre, 22-27 août 1389 (Arch. Nat. KK 20 fol. 101-165).
Despense et mises
A Dine Rapponde, mercier, demourant à Paris, pour deux pièces de satin vermeil en graine achetées de lui et baillées à Pierre l'Estourneau, tailleur de robes et varlet de chambre de madame la royne, pour lui fere un mantel a las par devant, pour vestir le jour de son sacre à la messe, pour ce, au pris de XXIII livres parisis[983] la piece, par sa quittance donnée le XVe jour de janvier l'an mil CCCIIIIXX et neuf. XLVIII l. p.
[983] La monnaie parisis était une monnaie de compte; sa valeur intrinsèque était supérieure d'un quart à la valeur de la monnaie tournois.
A Pierre Pagant, mercier, demourant à Paris, pour deux pieces et demie de cendal vermeil tiercelin achetées de lui et baillées audit Pierre l'Estourneau, pour fourrer ledit mantel de satin vermeil en graine pour la dicte dame, pour vestir le jour de son sacre à la messe, pour ce, au pris de VI livres VIII sous parisis la piece, valent. XVI l.
A lui, pour une aune de veloux vermeil en graine achetée de lui et baillée à Jehan du Vivier, orfevre et varlet de chambre du roy notre sire, pour housser et garnir par dedans deux grans estuys de cuir bouly et un autre plus petit, pour mettre et porter les couronnes et chapeaux de madame la royne pour ladicte feste, pour ce VI l. VIII s. p.
A lui, pour une aune de cendal vermeil en graine achetée de lui pour faire bourreles pour l'atour du chef de ladicte dame, pour ce XXII s. p.
A lui, pour une piece et demie de cendal vermeil tiercelin achetée de lui et baillée à Perrin l'Estourneau, tailleur des robes de la royne, pour fourrer la robe du sacre de ladicte dame, pour ce IX l. XII s.
Chenevacerie
A Thomassin le Borgne, marchant de toilles, demourant à Paris, pour XVI aunes de fine toille de Reims achettées de lui et baillées à Perrin l'Estourneau, pour faire un grant et large doublet de IIII toilles, fait en maniere de chemise, qui a esté fendu devant au collet et par derriere, pour ladicte dame qu'elle a eu et vestu à la messe le jour de son sacre, pour ce, au pris de XII s. p. l'aune, valent. IX l. XII s. p.
A lui, pour V aunes de ladicte toille achettées de lui et baillées à Perrette d'Angers, couturiere du roy notre sire, pour faire une chemise, fendue au collet par devant et par derriere, que ladicte dame a eu et vestu dessoubz le dit doublet,..... pour ce, au pris de XII s. p. l'aune, LX s. p.
Pennes et fourrures
Audit Simon de Lengres, pour la fourreure d'une chappe de veloux azur brodé à fleurs de liz, pour madame la royne, pour ladicte feste de sa venue à Paris, VcXXXIIII ventres de menu vair, au pris de XL livres parisis le millier, valent XXI l. VII s. VII d. p., et pour les eschancres, paremens et pour le chapperon VI XIInes de letices[984], au pris de XL s. p., valent XII l. p., pour tout XXXII l. VII s. II d. p.
[984] Letice: animal d'une grande blancheur qui était peut-être une variété de l'hermine; s'employait le plus souvent pour désigner une fourrure de couleur blanche.
A lui, pour la fourreure d'un mantel à parer de veloux violet brodé de perles, pour ladicte madame la royne, pour ladicte feste, IIIcX hermines au pris de IIcLXXII l. p. le millier, valent IIIIxx IIII l. p.
A lui, pour la fourreure d'un seurcot ouvert de veloux violet, de mesmes ledit mantel, IIIcXXXII ventres de menu vair, et pour les eschancres II XIInes IIII letices. Item, pour la fourreure d'un seurcot court de mesmes, Vc LVI ventres de menu vair, et pour les pourfilz de dessoubz manches, tours de bras et amigaux[985] XV XIInes IIII letices,..... pour tout LXXII l. XVIII s. I d. p.
[985] Amigault: ouverture, fente d'un vêtement.
Joyaulx d'or et d'argent
A Jehan du Vivier, orfevre et varlet de chambre du roy notre sire, pour avoir fait et forgé XL boutons d'or, faiz et ouvrez en maniere de fleur et foeille de mouron esmaillez, c'est assavoir la moitié de vert et l'autre moitié d'or, à une fleur bleue, garniz chacun bouton de un balay et de V grosses perles,..... lesquieux boutons d'or ont esté faiz pour mettre et asseoir sur un corset de broderie, pour ladicte dame, pour ladicte feste de sa venue à Paris,..... VIIIxxIIII l. XII s. p., et pour la facon desdiz boutons... IIcXL l. p., et pour la facon et esmail des III autres doux d'or faiz pour patron... XVIII l. p., et pour avoir coppé en deux l'un des balaiz des garnisons de ladicte madame la royne XXIIII s. p., pour tout.
IIIcIII l. XII d. p.
Audit Jehan du Vivier, pour avoir fait et forgé la garnison de la bonne coiffe de la roine, en laquelle il a fait et forgé XIII troches[986] d'or, esquelles il a mis et assis LII grosses perles et en chacune un gros dyament et XII chastons, ou il a mis et assis XII gros balais, et IIIIxx autres chastons d'or, esquelz ontesté mis et assiz XL balais et XL saphirs, et pour avoir fait et forgé IIIIxx autres troches d'or, esquelles ont esté mises et assises IIcXL perles, chacune troche de III perles et I dyament ou millieu, ainsi sont mis en ladicte coiffe IIIIxxXIII dyamens, c'est assavoir XIII grans et IIIIxx petis dyamens, desquelz il en y a XLIII d'achat et XL dyamens de l'inventoire du dit orfèvre de la piererie à lui pieca baillée après le trespassement de feu le roy Charles darrenier trespassé, lequel Dieux absoille, pour ce,... et pour façon, peine et sallaire dudit orfevre d'avoir fait et forgé toute l'orfaverie de ladite coiffe,.... et pour avoir fait et forgé en ycelle IIIIxx petis chatons d'or, ou il a mis et assis IIIIxx petis dyamens,..... pour tout, par quittance donnée le XVIIe jour d'aoust l'an IIIIxx et IX..., XVIIIc LXI l. VIII s.
[986] Troche: réunion de pierres précieuses et de perles en bouton, etc.
IX d. p.
A Jehan du Vivier, pour V onces[987] XVI esterlins d'or, VI esterlins pour dechet, par ledit orfevre mis et emploiez en avoir faiz et forgé deux pieces d'œuvre d'or pour le chappel de la royne, appelé le chappel d'Angleterre, lesquels il a garnies de la piererie qui s'ensuit: c'est assavoir, la grant piece d'un gros balay, de XII grosses perles et IIII beaulx saphirs et de VII gros dyamens, et l'autre piece d'œuvre garnie de I ballay, de I saphir et de deux dyamens, XXXV l. XVIII d. p., et pour peine, sallaire et façon de ladicte besongne, et aussi pour avoir reffait une autre piece d'or dudit chappel, en laquelle piece il a esté mis un gros saphir carré, et ycellui chappel avoir refait et mis à point, et pour feulles qu'il a mises en toute ladicte piererie LXIII l. p., ouquel ouvrage, pour accomplir et parfaire lesdictes deux pieces d'œuvre d'or pour le dit chappel, le dit orfevre a mis, de la piererie a lui baillée en garde et dont il est chargez par inventoire, XII grosses perles, II balais, V saphirs et VIII dyamens et deux dyamens d'achat, pour ce, pour tout
[987] Once, ancien poids qui était la 16e partie de la livre de Paris; les orfèvres divisaient l'once en vingt esterlins, chaque esterlin en deux mailles.
IIIIxxXIX l. XVIII d. p.
Audit Jehan du Vivier, pour II onces XV esterlins d'or, par lui mis et emploiez en avoir fait et forgé XLVIII charnieres d'or, pour allongner et croistre le cercle de la couronne de la royne et ycellui avoir toute remuée la piererie de ladite couronne, pour ce,.... et pour facon, peine et sallaire dudit orfevre, et pour avoir remis a point ledit cercle,..... pour tout XLI l. VIII s.
III d. p.
Au dit Jehan du Vivier, pour un once, XI esterlins d'or, en ce comprins le dechet, par le dit orfevre mis et emploiez en avoir fait et forgé XXXII charnieres d'or, pour allongner le cercle de la royne, appelé le cercle qui fut Jehan de Lisle, et ycellui avoir rafreschy et mis à point,..... pour tout,
XXIII l. XVIII s. II d. p.
..... Compte de Jehan Pichon varlet pelletier et fourreur des robes du roy...
Item, pour avoir fourré de menu vair une chappe de veloux azur, brodée à fleurs de liz, un mantel à parer de veloux vyolet, brodé de perles, un seurcot ouvert de mesmes et un seurcot court,..... pour avoir defourré et refourré d'ermines ledit mantel à parer,..... pour tout,
X l. VIII s. p.
..... Compte de Robinette Brisemiche, cousturiere de la royne.
Item, pour la façon d'une grant et large chemise, fendue au collet par devant et par derriere, faicte de V aulnes de fine toille de Reims,..... pour ce,
Vi s. p.
Les parties de la somme de trente-cinq livres quatorze solz parisis contenue ou compte de Pierre l'Estourneau, tailleur des robes et varlet de chambre de madame la royne, de toutes les facons de robes et autres garnemens par lui faiz pour la dicte dame, pour la feste de sa venue à Paris, s'ensuyvent:
Et premièrement, pour la façon d'une robe à chappe de IIII garnemens,..... ouvrée de broderies de perles, c'est assavoir, chappe, mantel à parer, seurcot ouvert et petite coste, faite de IX pieces, une aulne et demie de veloux vyolet taint en graine, achetées de Robert Thierry, le XIXe jour de juillet, CCC IIIIxx et IX, pour ce, pour peine, façon et estoffes, pour tout,
XX l. p.
Item, pour la façon d'un corset ront, ouvré de broderie,..... fait d'une piece et une aulne de semblable veloux violet, achetées de Pierre Pagant ledit jour, pour ce, pour facon et estoffes, pour tout,
XLVIII s. p.
Item, pour la façon et estoffes d'une cotte simple, faicte d'une piece et une aulne de veloux azur alexandrin senz destaindre, achetées dudit Pierre Pagant, le XXIe jour du dit moys de juillet, pareil à une chappe brodée à fleurs de liz,..... et aussy pour la facon d'un chapperon et mantonnieres à ladicte chappe, faictes du demourant du dit veloux, et ycelle chappe avoir remis à point, pour ce, pour tout,
IIII l. p.
Item, pour la facon d'une cotte double de deux satins, pour le sacre de la royne,..... le IIIIe jour d'aoust,..... pour ce, pour peine, facon et estoffes, pour tout, LXIIII s. p.
Item, pour la facon d'un grant et large doublet,..... fait en maniere de chemise,..... pour tout,
LX s. p.
Item, pour la facon d'un mantel à laz, que ladicte dame ot à la messe le jour de son sacre,..... lequel fut doublé de deux pieces et demie de cendail vermeil tiercelin, achetées dudit Pierre Pagant, le XVe jour dudit moys d'aoust, pour ce, pour facon et fourrage
LX s. p.
Et pour écrire le compte du dit Pierre l'Estourneau en parchemin, et pour parchemin à ce fait, pour tout,
II s. p.
IV
3 février 1390[988].
[988] Nouveau style.
Quittance donnée par la reine Isabeau d'une somme de trois cents francs d'or.—(Copie, Bibl. Nat., mss. fr. 20 367, fol. 72).
Ysabel, par la grâce de Dieu royne de France, à nos chiers et bien amez les gens des comptes de Monseigneur à Paris, salut. Comme par l'ordonnance de mondit seigneur, nous doyons avoir chascun moys sur les deniers des aydes pour la guerre 300 frans d'or pour mettre en nos coffres, les avons recus de Jaque Hemon, receveur general desdites aides, pour janvier dernier. Donné à Paris, le 3 fevrier 1389.
Par la royne,
J. Salaut.
Scellé en cire rouge.
V
15 avril 1404.
Sauvegarde de la reine Isabeau en faveur des Célestins de Notre-Dame à Paris.—(Copie, Arch. Nat. K 180, pièce 16.)
Ysabel, par la grace de Dieu royne de France, à tous ceulx qui ces présentes lettres verront, salut. Comme depuis aucun temps en ça, nous ayons fait faire certains huis et entrées fermans à serrures et à clefs ou autrement, tant es murs qui sont entre le jardin du Champ au Plastre, en la rue du Petit Musce, et le clos des vignes de noz bien amez les religieux Celestins fondez de Notre-Dame à Paris, comme en aucuns autres lieux et places estans environ les monastere, vignes et jardins desdiz religieux à eulx appartenans, afin que, toutes et quantes fois qu'il nous plaira, nous et nos enfans puissions entrer es monastere et eglise desdiz religieux et aussi en leurs vignes et jardins et autres lieux, tant pour notre devotion comme pour l'esbatement et plaisance de nous et de nosdiz enfans, depuis lesquiex huis et entrées ainsy faiz, nous et nosdiz enfans et plusieurs de noz gens et serviteurs ayons plusieurs fois passé et repassé et souvent alons par les diz huis et entrées es monasteres, jardins, vignes et autres lieux desdiz religieux, et sanz les appeller ou leur sceu, y povons entrer et yssir touttefoiz qu'il nous plaist, savoir faisons que nous, qui à icelle eglise avons grant devotion et affection especiale, et ne vouldrions par nous ne autrement les droiz d'icelle et des diz religieux estre aucunement diminuez ou empeschez, mais iceulz à nostre povoir soustenir et garder, voulons, consentons, accordons et octroyons à iceulx religieux que lesdiz huis et entrées, que nous avons fait faire et fermer à serrures et à clefs ou autrement es murs desdiz religieux, pour entrer en leurs lieux dessusdiz ou autres et aussi les alées et venues par iceulx de nous, nosdiz enfans et officiers ou d'autres personnes par l'occasion de nous ou de eulx, ne tourne à aucun préjudice ausdiz religieux ne à leurs successeurs, ores, ne ou temps avenir, par quelque voye ou maniere que ce soit, en temoin de ce, nous avons fait mettre notre scel à ces présentes. Donné à Paris, le quinzième jour d'avril, l'an de grace mil quatre cens et. quatre.
Signé sur le reply. Par la royne,
J. Ciclaut (Salaut)
Scellé de cire rouge.
Suit un acte de même teneur de Loys, fils de roy de France duc d'Orliens, comte de Valois et de Blois et de Beaumont, et seigneur de Coucy...... Donné à Paris, le 12 janvier 1405.