Chroniques de J. Froissart, tome 01/13, 2ème partie : $b 1307-1340 (Depuis l'avénement d'Édouard II jusqu'au siége de Tournay)

§ 15. Apriès ce que ceste justice fu faite, si com 15

vous avés oy, li rois et messires Hues li Despensiers, qui

se veoient assegiet à tèle angousse et à tel meschief,

et ne savoient nul confort qui leur peuist là endroit

de nulle part venir, se misent à une matinée, entre

yaus deus, à peu de mesnie, en un petit batiel, en 20

mer, par derrière le chastiel, pour aler ou royaume

de Galles, s'il peuissent, comme cil qui volentiers se

fuissent sauvé. Mais Diex ne le volt mies souffrir,

car leurs pechiés les encombra. Si lor avint grant

merveille et grant miracle, car il furent onze jours 25

tous plains en ce batelet, et s'efforçoient de nagier

tant qu'il pooient, mais il ne pooient si lonch nagier

que tous les jours li vens, qui leur estoit contraires

par le volenté de Dieu, les ramenoit çascun jour,

une fois ou deus, à mains de le quarte partie d'une 30

liewe priès dou dit chastiel dont il estoient parti; si

ques tous les jours les veoient bien cil de l'ost le

royne.