Chroniques de J. Froissart, tome 01/13, 2ème partie : $b 1307-1340 (Depuis l'avénement d'Édouard II jusqu'au siége de Tournay)

§ 16. Ensi reconquist la ditte royne tout le royaume 15

d'Engleterre pour son ainsné fil, sour le confort et

conduit de monsigneur Jehan de Haynau et de se

compagnie. Par quoi ilz et tout si compagnon, qui

en ce voiage furent avoech lui, furent tous tenus

pour preus, par le raison de le haute emprise que 20

fait avoient. Car il ne furent tout comptet, quant il

entrèrent en mer à Dourdresch, si com vous avés oy,

que trois cens armeures de fier, qui fisent si hardie

entrepresure, pour l'amour de le ditte royne, comme

d'entrer en naves et passer mer à si peu de gens, 25

pour conquerre tel royaume comme est Engleterre,

maugré le propre roy et tous ses aidans.