← Retour
Œuvres complètes de Mathurin Regnier: accompagnées d'une notice biographique et bibliographique, de variantes, de notes, d'un glossaire et d'un index
16px
100%
Sur le trespas de Monsieur Passerat.
Passerat le seiour & l’honneur des Charites,
Les delices de Pinde & son cher ornement,
Qui loin du monde ingrat que bien heureux tu quittes,
Comme vn autre Apollon reluis au firmament.
A fin que mon deuoir s’honore en tes merites,
Que mon nom par le tien viue eternellement,
Que dans l’Eternité ces parolles escrites
Seruent à nos neueuz comme d’vn testament.
Passerat fut vn Dieu sous humaine semblance,
Qui vit naistre & mourir les Muses en la France,
Qui de ses doux accords leurs chansons anima.
Dans le champ de ses vers fut leur gloire semée,
Et comme vn mesme sort leur fortune enferma,
Ils ont à vie esgale esgale renommée.
Chargement de la publicité...